Filipieŋ 4:7 - MEY HAYNA WAYNA MA YEZU KRISTE MA MEVEY

⁷ Arka na zozoy ma Bay ma Bəla ma fənatara 'ar a tek me sərey hay tabiyaha na na, a da wafata vaw ka mevel a kwar hay ta me dzeley 'ar a kwar hay da Yezu Kriste.

Filipieŋ 4:7 Iomraidhean Croise

Mey Hayna Wayna ma Bay Yezu Kriste Luk 1:79

Ma ɓatar vaw a ndaw ma ndza hiya da ləvaŋ ana hay, ta ndaw ma ndza hiya da mezek ma memətsey ana hay, ma da kəsadandakwar ka tsəveɗ ma zozoy.»

Mey Hayna Wayna ma Bay Yezu Kriste Luk 2:14

«Kəɗakwar har a Bay ma Bəla da mekekəle ŋga. Zozoy ka dala ma ndaw ŋga ma wuɗata na hay.»

Mey Hayna Wayna ma Yezu Kriste Zaŋ 14:27

I mbəkadakwar zozoy, i vəladakwar zozoy ɗaw. I vəladakwar na andza ma ndaw ma bəla hay tikay, 'ərev ka da həɓakwar zlay, ka da wasam zlay.

Mey Hayna Wayna ma Yezu Kriste Zaŋ 16:33

I tsadakwar a neney na, ma ta yah na, kuray ka da ndzafam zozoy. Da mendzey ma bəla neney na, ka da ndzam da mevel, amana, səmam vaw, i ka zəga 'ar ma sleɗ ba ka bəla.»

Romeŋ 1:7

I windəkuraɓa a kuray, ndaw Bay ma Bəla ma wuɗata na hay tabiyaha da Rom ana, a ndaw Kokwaɗ ana hay ta me zəley ma Bay ma Bəla, hayna Bay ma Bəla Baba lakwa, ta Bay’ərlam Yezu Kriste ka vəlakwar hahaya ŋga, ta zozoy ŋga!

Romeŋ 14:17

Hərway Slala ma Bay'ərlam na, mber ma ndza tek me zəmey ta zom ma sey kakay; ŋga na, ma dzerey, zozoy, ta wuiya da Mesəfrey Kokwoɗ ana.

Romeŋ 15:13

Hayna Bay ma Bəla ma me pey dey ana ka vəlakwar wuiya ta zozoy, ma da pey 'ar ta gədaŋ ma Mesəfrey Kokwoɗ ana, ma kuray ka rəham ta ma pey dey.

Romeŋ 5:1

Kəɗey tok na, ma təraya ba ndaw dzerey ahiya da 'ar me pey na, lakwa da zozoy ta Bay ma Bəla ta har ma Bay’ərlam a lakwa Yezu Kriste.

Romeŋ 8:6

Slaw vaw a dada ndaw na, 'ar a memətsey, ama Mesəfrey a dada ndaw na, 'ar a mendzey ta zozoy.

2 Korintieŋ 10:5

ta ma slafa ma tek hay ma lətsadama vaw, ma ŋgalakam ana hay tabiyaha, ma ŋgalakam ka ma sərada tek ma Bay ma Bəla ana hay. Me dzeley 'ar tabiyaha na, la zəgama beke ha ka da tsənar sləmay a Kriste.

2 Korintieŋ 13:11

Ekəɗey tok na malam a ɗaw hay, ndzam da wuiya, kam meslərey ma ləmada vaw kwar lele, səmam vaw ka 'ar vaw kwar ana hay, dzəmam ɗay, ndzam da zozoy, arka na, Bay ma Bəla ma ma wuɗa vaw, ma zozoy a da ndzey ta kuray.

Galat 5:22

Ana nəkafama ka mber ma Mesəfrey ma sadərawa na: ma wuɗa vaw, wuiya, zozoy, me zəgey mevel, kokwoɗ, hahaya, me pey 'ar,

Efeziyeŋ 3:19

Arka ma sərada ma wuɗa vaw ma Kriste na, a fənata tek me sərey hay tabiyaha, ma ka rəham, ma kuray ka ndzafama ɗuhwa ma Bay ma Bəla tabiyaha.

Filipieŋ 1:1

La, Pol ta Timotey, gawla ma Yezu Kriste hay, la windəmatar a ndaw kokwaɗ ana hay tabiyaha da Yezu Kriste, a bay ’ar ata na ma kəlatar ke mey ana ta diyakre ta hay, na taya tabiyaha da Filipi ana.

Filipieŋ 1:2

Hayna hahaya ta zozoy ma Bay ma Bəla Baba lakwa, ta Bay’ərlam Yezu Kriste ka ndzey ta kuray.

Filipieŋ 4:19

Arka na, aza Bay ma Bəla a ɗaw a da vəlakwar tek a kwar ma sakwar ana tabiya ha, andza ma zleley ŋga mambay ana da Yezu Kriste.

Filipieŋ 4:21

Tsadəmatara guma a ndaw Kokwaɗ ana hay ka ndaw ka ndaw da Yezu Kriste. Malam na taya ka tsakay ɗaw ana hay ka tsədəmukuraɓa guma.

Filipieŋ 4:9

Tek a kwar ma tatəkam ka yah, ma ndzafam ka yah, ma tsənadama ka yah, ma nəkadama ka yah, tabiyaha tek a neney hay na, kəmata andza ha. Arka aza Bay ma Bəla ma zozoy a da ndzey ta kuray.

Kolosieŋ 3:15

Hayna zozoy ma Kriste ka ndzey da mevel a kwar, na kuray ma zəlaya kava tabiyaha, da vaw ana asləta. Haya ndzam na, da ma madara sise.

2 Tesalonisieŋ 3:16

Hayna Bay’ərlam ma zozoy ta ’ar aŋga na ka vəlakwar zozoy ka pas ka pas aha da ndaraw hay tabiyaha. Hayna Bay’ərlam ka ndzey ta kuray tabiya kwar aha.

Ebrew 13:20

Hayna Bay ma Bəla ma zozoy ma tsəladərawa Bay’ərlam a lakwa Yezu Kriste da walaŋ ma ndaw ma mətsa na hay, ta mambaz ma me dzəmey vaw ma kozaha na, ndaw me tsukurey hayna ma təɓaŋ hay,

Ɗeriwel ma Zud 1:1

Yah Zud, gawla ma 'ay ma Yezu Kriste, i malam ma Zak, i windatar a ndaw ma zəlaya na hay, na Baba Bay ma Bəla ma wuɗata na, ma wa ahiya vaw ma Yezu Kriste ana hay.

Apokalis 1:4

Yah Zaŋ, i windatəraɓa a Egliz a hay tsəla da Azi ana. Hayna ka vələməkurawa hahaya ta zozoy da har ma Ndaw ŋga daha ekəɗey ana, ŋga daha zla ekəɗey kakay ana, na ma da sawa na, da har ma mesəfrey a hay tsəla ma ndzaya ka slam dey ma koriwal ma bay ŋga na,

Apokalis 2:17

Ndaw ana sləmay ŋga daha na, ka tsənada tek ma Mesəfrey a neney ma ləvatar a Egliz ana hay. A ndaw ma da zəga 'ar ma sleɗ na, i da vəlar Man ma kəzla na, i da vəlar ŋgwa babara na, arka ka ŋgwa na hana na, mezəley waya ha ma winda ha kava, ndaw a sərada mezəley ana dakay, sey ndaw ana ma təɓa na.