Filipieŋ 4:5 - MEY HAYNA WAYNA MA YEZU KRISTE MA MEVEY

⁵ Hayna ndaw hay tabiyaha ka səradama kokwoɗ a kwar. Bay’ərlam ŋga bəse.

Filipieŋ 4:5 Iomraidhean Croise

Matiyew 6:25

Nəkafama i ma tsakwar andza neney na, hərway ka da dzalam 'ar ka mendzey kwar, ka tek a kwar ma da zəmey, kwa ka vaw kwar ana: i da pam ka vaw mey zlay. Mendzey na, a fəna tek me zəmey kakay ɗaw? Tapay ma vaw kwar ana na, a fəna zana me kəley ka vaw kakay ɗaw?

Matiyew 6:34

ka da dzəmam ka vaw, medew na i da kam teŋgey zlay. Medzeley 'ar ma medew na, ka ndzara a medew ana təŋga. Ka meney ka meney na, me yey vaw ŋga na, a sley ɗa.

Mey Hayna Wayna ma Bay Yezu Kriste Luk 21:34

Wam daw ka vaw ma mevel a kwar hay, ka da mətam 'ar da me wey ta me sey zom kambəlaɓa, ta me dzeley 'ar ka tek ma mendzey zlay. Hərway ma pas ana ŋga na, ka da ndzafukurawa dekeslef,

1 Korintieŋ 16:22

Haɗaw ndaw ana a wuɗa Bay’ərlam kakay na, ka mar ka 'ar a ŋga na. Marana ta.

1 Korintieŋ 6:7

Akwa dzadzak na, me key sariya ka vaw ka 'ar vaw kwar ana na, tek haya kakay aha ba ɗagay. Ɗagay ka hiyam ndaw ka ŋgəsakwar tizlay na, ka mey? Ka hiyam ma mbəkada vaw ndaw ka huley tek a kwar zlay na, ka mey?

1 Korintieŋ 8:13

Nəkafama, azlakwa hərway ma tek me zəmey a da təɗada malam a ɗaw ba na, ŋgama i ka mbəkada ba, i ka pəɗey slaw sazlay tabiyaha ta na i ma da təɗada malam a ɗaw na.

1 Korintieŋ 9:25

Ndaw ma hwam tabiya ha na, a həladama vaw na haya hayaha, ma gərafata sa ma tek hay ba. Taya ma kam andza ha na, ma aza taya ka da ndzafadama gursam me ŋgəsey ana, na ŋga la na, gursam me ŋgəsey tikay ana.

2 Korintieŋ 10:1

Yah Pol ta 'ar a ɗaw ana, i tsəhafakwar ta kokwoɗ ma Kriste, yah a neney ləfeɗeɗe ha ana, andza i da walaŋ a kwar, ka mey 'ərdey kwar na, ama andza i dəreŋ ta kuray na, i həma ha.

2 Tesalonisieŋ 2:2

ka da həɓakwar 'ar tsam tsam zlay, kwa ka da tsəlafakwar zluwer kavəday ma tek ma ɓəmakwar andza ma ndaw sek ana hay zlay, da guma ma tsəmakwar, dakay andza ɗeriwel ma ɓəmakwar ka ləva na, na la ma windəməkuraɓa, arka a da dzaladakwar 'ar na, pas ma Bay’ərlam ka husawa tsoy zlay.

Ɗeriwel a Tit 3:2

ka da tsaɗam ndaw zlay, ka da səpam dzendze zlay, ma ɓada vaw andza ndaw haya hiya, haya zarra ɓada vaw ɗek na ləfeɗeɗe ka ndaw hay tabiyaha.

Ebrew 10:25

Ka da mbəkadakwa ma daway a slam me tsəhey 'ar a lakwa hay, andza ma ndaw a sana hay ma kam ana zlay, amana səmakwama vaw ka 'ar vaw lakwa na hay, hərway ma mey na, ka nəkadama Pas ana a gurawa ha seŋgey.

Ebrew 10:37

Hərway a zarawa mendzey nekəɗey, da har nekəɗey na, Ndaw ma da sawa na a da key ŋga daha, a da ndzawa ha kakay.

1 Piyer 1:11

ndaw sek a hay a səpam na, tek ma mesəfrey ma Kriste na, a da key na da har waray, a da dawam na kassla ta na waray, Mesəfrey ma Kriste ana ŋga na da vaw ta na na, a da ɓadatara ka vaw na, tsetseh ma Kriste ta me wezley dey ŋga, me ndzefey a dəba na.

1 Piyer 4:7

Me ndəvey ma tek hay tabiyaha ka gurawa ba, ɓadəmatara ma səra 'ar a kwar, ka da sam zom kambəlaɓa zlay, ma aza ha slafama me ɗuley mey.

Apokalis 22:20

Ndaw ma təɓa ba na, a ləvey: Ayaw! I daɓa ha bəse. Amen, sawa Bay’ərlam Yezu!

Apokalis 22:7

Nəkafama i daɓa ha da bəse, ndaw ana ma wafa vaw ka guma neney hay da ɗeriwel ma ndaw sek ana na, ŋga da wuiya.