Filipieŋ 4:3 - MEY HAYNA WAYNA MA YEZU KRISTE MA MEVEY

³ Kah tey mandala ɗaw dərka dərka na, i tsəhafaka na, hayna dzənata hərway la ka kəɗadəmərawa vaw ba andza yah, ka Mey Wayna, da varay ana asləta andza Klemaŋ, ta sa ma ndaw ana la ma kəmawa mber dzaya na hay tabiyaha, na mezəley ta ma windaya da ɗeriwel ma mendzey ana.

Filipieŋ 4:3 Iomraidhean Croise

Mey Hayna Wayna ma Bay Yezu Kriste Luk 10:20

Ŋgey! Na ma fakalaw hay ma tsənəmakwar sləmay ana na, ka da dakwar 'ar kambəlaɓa zlay. Ama, ka dakwar 'ar na, na mezəley kwar ma winda hiya ba da 'ərlam ana.»

Romeŋ 12:1

Malam aɗaw hay, i həladakwar bəzay da mezəley ma Bay ma Bəla ndaw ma kar da vaw ana, ma kuray ka vəladama vaw kwar andza tek ma ger aha ta dey ana, kokwaɗ ana, ma dar 'ar a Bay ma Bəla. A da tərey na, kuley ma mezek a kwar aha.

Romeŋ 16:12

Tsadəmatara guma andza Trifeŋ ta Trifoz na ma yam vaw da mezəley ma Bay’ərlam ana. Tsadəmara guma a dzam a ɗaw Persis, na ka yey vaw ba kambəlaɓa da mezəley ma Bay’ərlam ana.

Romeŋ 16:9

Tsadəmara guma a Urbeŋ na lakwa ma kakwama mber ma Kriste dzaya na, ta dzam a ɗaw Stakis.

Filipieŋ 1:12

Malam aɗaw hay, a saya na kuray ka səradama, tek ana ma safiyawa na na, dzadzak a da dzəney na ma gəlada Mey Wayna.

Filipieŋ 1:16

Taya na, a kama da ma wuɗa vaw, a səradama i ka sləna na, hərway ma me dzəŋgərey ka Mey Wayna.

Filipieŋ 1:27

Haya dzadzak na, ndzam andza na ma Mey Wayna ma Kriste, haɗaw i da daɓa ma da nəkurawa na, kwa kendzey i dakay na, i tsənada a tsam aha ka kuray, ma ɓadəmaya kuray mandzaya mambay aha da mesəfrey ana asləta, ka kəɗam aha vaw ka masləta ha, ta mevel asləta, andza ma me pey 'ar ma Mey Wayna.

Filipieŋ 1:5

Hərway ma lakwa ma dzəmakwa dzaya ka Mey Wayna, zla ta pas tsəfəmey aha na, kasl ekəɗey.

Filipieŋ 1:7

Təɗe kassla i ma ndzaha andza neney hərway kwar tabiyaha na na, hayaha, hərway i wuɗakwar aha da mevel a ɗaw, kuray a neney andza da daŋgay ɗaw, andza da me dzəŋgərey ta ma ɓadama ta Mey Wayna ta gədaŋ, ndzam tobiya kwar ahiya da hahaya ma kəmiyawa na.

Filipieŋ 4:2

I həladara bəzay a Ivowdi, i həladara bəzay a Seŋtik, ka ndzam da ma dzəma mey haya haya da mezəley ma Bay’ərlam.

Kolosieŋ 1:7

andza ma me tetəkey ma Epafras ma vəladukurawa na; ŋga na dzam ala, mandala la, ma kam meslərey dzaya na, ma dzənandar ta mevel aŋga adzay, andza bəzey me slərey ma Kriste,

Apokalis 13:8

Ndaw a hay tabiyaha ka dala na hay a da namar dəba, mendzey ma ndaw a hay tabiyaha na mezəley ta ma winda ahiya zla da mezley ma bəla da ɗeriwel ma mendzey ma bəzey təɓaŋ ma təza na kakay ana hay.

Apokalis 17:8

Gənaw ana kah ma nəkada na ha na na, ka key ba daha dərka na, ama ekəɗey na ŋga dasakay. A da bawa da babaŋ tsəvay, a da daway a me zəɗey. Arka ndaw ma dala hay, na mezəley ta ma winda ahiya da ɗeriwel ma mendzey kakay, zla da mezley ma bəla ana hay na, a da rəzlata andza a da nəkadama gənaw ana na, hərway ŋga ka key ba daha, ŋga dasakay, amana, a da mawa.

Apokalis 20:12

Arka i ma nəkadata ndaw ma mətsa na hay, na ɗuhwa na hay, ta na bəza na hay ma lətsa hiya ka slam dey ma koriwal ma bay ana, arka ma wuram ɗeriwel hay, ma wuram ɗeriwel mekelehe: ɗeriwel ma mendzey. Arka ma kadəmatara sariya ma ndaw ma mətsa na hay, andza ma tek ata ma kəmawa na hay, andza na ma winda hiya da ɗeriwel ana hay.

Apokalis 20:15

Kwa way way ka ndzafama mezəley ŋga ma winda ha da ɗeriwel ma mendzey kakay na, a pamar teker a bəlay ma waw ana.

Apokalis 21:27

Da huɗa na, tek ma zləɓa na, ndaw ma ney dəba a tek hay so na, ta ndaw me tsey maləwaɗay so na hay dakay. Ama sey ndaw ana ŋga na hay ma winda ahiya da ɗeriwel ma mendzey ma bəzey təɓaŋ ana dada.

Apokalis 3:5

Kəɗey tok na, ndaw ma zəga 'ar ma sleɗ ana na, a da pey na zana babara ahiya, i da davasadaha mezəley ŋga da ɗeriwel ma Mendzey kakay. I da ləvey ka slam ma Baba ɗaw ta madurlam aŋga hay na, i sərada.