Filipieŋ 4:19 - MEY HAYNA WAYNA MA YEZU KRISTE MA MEVEY

¹⁹ Arka na, aza Bay ma Bəla a ɗaw a da vəlakwar tek a kwar ma sakwar ana tabiya ha, andza ma zleley ŋga mambay ana da Yezu Kriste.

Filipieŋ 4:19 Iomraidhean Croise

Matiyew 6:32

Tek a neney tabiyaha ma səpa tessle mandzara me sesəkey vaw na, ndaw Zuif ahiya kakay ana hay. Zləna Baba kwar ma 'ərlam na, a sərada tek a kwar ma sakwar tabiya na hay seŋgey.

Mey Hayna Wayna ma Yezu Kriste Zaŋ 20:17

Yezu ma ləvar: «Ka zəgadaya zlay, hərway ma mey na, i ka tsəley ’ar ’ay Baba ɗaw tsaray kakay. Kah ekəɗey na, daway da ndzafata malam a ɗaw hay, ləvatar: «I tsəley aha ’ar a 'ay Baba ɗaw, na Baba kwar aha tiyatsa, ’ar a 'ay Bay ma Bəla a ɗaw, na Bay ma Bəla a kwar aha tiyatsa.»

Mey Hayna Wayna ma Yezu Kriste Zaŋ 20:27

Arka ŋga ma ləvar a Tomas: «Guradərawa bəzey har eɗek ka sləna, nəkafata ka har a ɗaw hay. Hadərawa har eɗek, tələkada a dzəham a ɗaw, mbəkada me key waway ɗek a neney, tərey ndaw me pey 'ar aha.

Romeŋ 1:8

Tsufəmey aha na, i madara sise a Bay ma Bəla ɗaw, ta har ma Yezu Kriste, hərway kwar tabiyaha: ka bəla tabiyaha na, a tələkadama ha mey, waya kuray na ka pam aha 'ar.

Romeŋ 11:33

Wewe! Raɗaɗa ma zleley ma Bay ma Bəla! Ma səra 'ar aŋga, ta ma səradata tek aŋga! Kay! Sariya ŋga na na, ndaw a sərada kakay. Tsəveɗ aŋga na hay na, ndaw a ndzafa kakay!

Romeŋ 2:4

Tsukuɗu ka key na ka rəsa zleley ma kokwoɗ aŋga, ma me zəgey mevel aŋga, ma ma wurey har aŋga a ndaw, mandzara kah ka sərafa, kokwoɗ aŋga na na, a dahəɗaka a ma mbəɗada mendzey ɗek kakay ɗaw?

Romeŋ 8:18

Akwa i ma dzala ekəɗey na, banay lakwa neney me sey ekəɗey ana, a da malam aha ta me wezley dey ma Bay’ərlam, na ma da bawa da vaw lakwa na kakay.

Romeŋ 9:23

Tek a neney tabiyaha na, ma ɓada zleley ma ma wezley dey ŋga, ka ndaw na ma kamar da vaw ana hay, ŋga maləmatərawa zla ka vaw, ma da ndzafam maram aŋga na hay.

2 Korintieŋ 12:21

I wesey naŋgarhay, ma da daɓa ɗaw a neney ta 'ay kwar ana na, Bay ma Bəla a ɗaw ka da paya hwaray a dey, ka slam dey kwar, ma i ka da tuway, hərway ma ndaw hay haɗadzidzay ma ŋgəsam mata zlekete na hay, mandzara ka mbəɗadama mendzey da me zləɓey ta, da me ndzey ta təɗe kakay ana, ta me tsəley ta na so kakay.

2 Korintieŋ 4:17

Hərway viya lakwa ma kakwa ma mendzey nekəɗey ana na a ləham kakay kendzey ma malada ta me ləhey ma maram ana ma gegətsey ’ar ana, ma ndəvey kakay ma ləmadəmandakwar ana na.

Efeziyeŋ 1:18

Ka wuradakwar mevel a kwar ka dey waw aŋga, ma kuray ka səradama, ma zəlakwar aŋga na a vəlakwar na me pey dey waray, zleley ma maram aŋga na na, na waray? Tek a kwar, ma da zəmam, ma da wanəkadama andza ndaw Kokwaɗ ana hay na, na waray?

Efeziyeŋ 1:7

Da me dzəmey vaw lakwa ta ŋga na, lakwa ma buwaya ba, ta har aŋga na, malay lakwa hay ma sa yam ahiya ba, hərway me zleley ma hahaya ŋga.

Efeziyeŋ 2:7

Kəɗey tok na, ta haya aŋga me key hərway lakwa da Yezu Kriste na na, a wuɗey ma ɓada da mevey temere na hay ma da səmawa ka mey ana hay, zleley ma hahaya ŋga, na tek ma malada dakay ana.

Efeziyeŋ 3:16

Hayna ka wuɗey andza zleley ma maram aŋga, ka vəlatar tek ma har ma ma slafa ŋga, ta Mesəfrey ŋga, ka vəlar gədaŋ a ndaw ana da vaw kwar ana.

Efeziyeŋ 3:8

Yah a neney gudar, madakwaydok ana ma ndaw kokwaɗ ana tabiyaha na, i ma ndzefey hahaya ma tələkadatara mey a ndaw Zuif ahiya kakay ana hay, zleley ma guma ma Kriste me nəkey kakay ana,

Filipieŋ 4:7

Arka na zozoy ma Bay ma Bəla ma fənatara 'ar a tek me sərey hay tabiyaha na na, a da wafata vaw ka mevel a kwar hay ta me dzeley 'ar a kwar hay da Yezu Kriste.

Kolosieŋ 1:27

A wuɗey ma ɓadatara na, zleley ta, na me wezley dey, ma tek ana ma kəzla ha da walaŋ ma ndaw Zuif ahiya kakay ana hay: Kriste da walaŋ a kwar na me pey dey ma ma wezley dey!

Kolosieŋ 3:16

Hayna Guma ma Kriste ka ndzey da walaŋ a kwar, ta zleley ŋga na hay tabiyaha, tatəkam tek ka 'ar vaw kwar ana hay, tsam guma a 'ar ka 'ar vaw kwar ana hay da ma səra 'ar, kamar walay a Bay ma Bəla da mevel a kwar ma madara sise, da walay ma Pəsom hay, ta walay me Səmbərey Bay'ərlam ana, ta walay na Mesəfrey Kokwoɗ ana ma ɓakwar ana hay.

1 Tesalonisieŋ 2:12

La ka səmadakwar ba, la ka həladəmakwar bəzay ba, la ka ndzəkəmakwar hahay ba ka dəba, hayna mendzey kwar ka key na, andza na ma dawam ka vaw ta Bay ma Bəla ana, na ma zəlakwar a Slala ŋga me wezley dey ana.

1 Timotey 6:17

A ndaw zleley ma bəla neney hay, ləvatar na ka da ŋgalakam zlay, ka da padama 'ar ata a zleley a neney me ndzey kakay ana zlay, amana, ka Bay ma Bəla, ŋga ndaw ma vəlandakwar zleley tabiya ha kəras kəras ana, ma lakwa ka kadakwa wuiya.

Filemoŋ 1:4

I madara sise a Bay ma Bəla a ɗaw zarra da me ɗuley mey ɗaw na, i sləfaka ha.

1 Piyer 5:1

I həladatara bəzay tok na a ndaw ma səka na hay, na da walaŋ a kwar ana hay, yah ana tiyatsa na, ndaw ma səka ha andza taya, arka satsa na, seydewe ma tsetseh ma Kriste, yah ana na, i da ndzefey maram ana ma da ɓadama ana:

1 Piyer 5:10

Bay ma Bəla ma hahaya tabiyaha na, ma zələkurawa ka maram aŋga me ndəvey kakay ana ta Kriste na na, ŋga na ta 'ar aŋga na, a da padakwar, andza kuray ka kam tsetseh ba da mendzey nekəɗey na; a da səmadakwar, a da vəlakwar gədaŋ, a da təradakwar na ka da taɓam aha sakay.