Filipieŋ 4:18 - MEY HAYNA WAYNA MA YEZU KRISTE MA MEVEY

¹⁸ Akwa ekəɗey na, tek hay a rafəmaya da har daha, ka zəgawa ba na, perzlem kana ma saya na. Ekəɗey na ɗaraya kadəba, andza i ma təɓa tek a kwar ma slərəmiyawa na ba, da har ma Epafrodit na, wurdey ma zey hayna, kuley hayna ma dar ’ar Bay ma Bəla na.

Filipieŋ 4:18 Iomraidhean Croise

Mber 10:4

Korney ma zazura ta mewesey aha na, ma mbəɗar kava: «Mey, Bay’ərlam a ɗaw?» Madurlam ma mbəɗar kava: «Me ɗuley mey ɗek, ta ma wura har eɗek a ndaw hay ana na, ka səram ba ka slam dey ma Bay ma Bəla.

Romeŋ 12:1

Malam aɗaw hay, i həladakwar bəzay da mezəley ma Bay ma Bəla ndaw ma kar da vaw ana, ma kuray ka vəladama vaw kwar andza tek ma ger aha ta dey ana, kokwaɗ ana, ma dar 'ar a Bay ma Bəla. A da tərey na, kuley ma mezek a kwar aha.

2 Korintieŋ 11:8

I pasləɗata sa ma Egliz a sana hay, i təɓawa tek me zəmey ka taya, ma da kadakwar mber.

2 Korintieŋ 9:12

Hərway mber ma tek a neney me tsekeley ana na, ka da nafatar a ndaw Kokwaɗ ana hay dada tsa kakay, amana, ma səkada sise ma ndaw hay ma kamar a Bay ma Bəla ana.

Efeziyeŋ 5:2

Ndzam da ma wuɗa vaw andza ma Kriste ma wuɗandəkurawa na, ma vəladərawa vaw ŋga na ta 'ar aŋga na a Bay ma Bəla hərway lakwa, andza tek ma ger ma kuley aha, andza wurdey me zey hayna ha.

Filipieŋ 4:12

I sərada me ndzey da mbarga, i sərada me ndzey da zleley kambəlaɓa na. Da na waray waray, ta ndaraw waray waray na, i ka tatəkada ba, i sərada me rəhey ta may me tsey, mandzey da zleley kambəlaɓa na ta me ndzey da tek a hətsey ana.

2 Tesalonisieŋ 1:3

Akwa təɗe na, la ka madəmara sise dzeɓelle a Bay ma Bəla hərway kwar malam a ɗaw hay, arka na kassla dərka na, hərway me pey 'ar a kwar na, a gəley aha haɗadzidzay. Ta ma wuɗa vaw kwar ana ka 'ar vaw kwar ana hay na, a gəlawa ha da vaw kwar ka ndaw ka ndaw tabiya kwar aha,

Ebrew 13:16

Ka da mətadakwa 'ar ta me key hahaya ta ma dzəney vaw da kominite zlay, hərway kuley andza na ŋga na na hay na, na ma dar 'ar a Bay ma Bəla ana.

1 Piyer 2:5

kuray ana na, andza ŋgwa ta dey ana hay, fuləkwam a me zley ma ’ay ma mesəfrey ana, ma da tərada səkway kokwoɗ ana, ma baba me key kuley ahiya, ma da kar kuley ta mezek, na ma dar 'ar a Bay ma Bəla ana, ta har ma Yezu Kriste.