Filipieŋ 4:11 - MEY HAYNA WAYNA MA YEZU KRISTE MA MEVEY

¹¹ I tsey eɗey na hərway tek a hətsaya ha kakay, hərway da mendzey ɗaw ka waray ka waray na, i ka tatəkada ba me nəkey dey ka vaw ɗaw.

Filipieŋ 4:11 Iomraidhean Croise

Mey Hayna Wayna ma Bay Yezu Kriste Luk 3:14

Sidzew hay ma tsəhafama: «La ekəɗey tey na, la ka kam teŋgey tey?» Ŋga ma ləvatar: «Ka da kəɗam ndaw lamba ha zlay, ka da buwam ndaw hay so ha zlay, ka da hətsama sumkwo ma kiya kwar zlay.»

2 Korintieŋ 11:27

Ma yey vaw hay ta tsetseh, me rəzley ta dey zarra, may ta me hertey ta yam, sumaya zarra, memeɗ, tek ma hətsəmaya.

2 Korintieŋ 6:10

A kəmandar tek ma ndeley ana hay, ama la ka pas ka pas na da wuiya, mbarga hiya, amana, i kadəmata zleley haya hayaha, tek ala dakay, ama tek hay tabiyaha na, na ŋga la!

2 Korintieŋ 8:9

Ka səradama ha akwa seŋgey, ma wura har ma Bay’ərlam a lakwa Yezu Kriste, ma kadakwar a kuray ana, ŋga ndaw zleley aha, amana, ma tərada vaw ŋga mbarga ha, ma da kadakwar zleley ahiya ta mbarga ŋga.

2 Korintieŋ 9:8

Bay ma Bəla a slafa ma vəlakwar hahaya hay gəle gəle tabiya ma ka pas ka pas tek ka rafakwar daha, arka ka key ka 'arra daha, ma kada tek hayna hay tabiyaha.

Filipieŋ 3:8

Ama ayaw, i nəkafata ka tek ana ŋga na hay na, andza me zəɗey tedehe, ka slam dey me zleley a neney ma fənata tabiyaha na, da ma sərada Yezu Kriste Bay’ərlam a ɗaw aha. Hərway ŋga na, i ka zəɗadata tek a ɗaw hay ba tabiyaha, ha arka, i nəkafata ka tek ana ŋga na hay na, andza kwaskwalay tedehe, ma aza i ka da ndzafada Kriste.

Ebrew 10:34

Akwa na, kuray ka kam viya ba dzaya, andza ndaw da daŋgay ana hay, ma təɓadəmakwar zleley kwar hay ba na, a mbafakwar, hərway ka səradama zleley kwar hayna a fəna sa, me ndzey ana daha.