Filipieŋ 4:1 - MEY HAYNA WAYNA MA YEZU KRISTE MA MEVEY

¹ Kəɗey tok na malam a ɗaw i ma wuɗata haɗa na hay, na i ma wuɗey nduk nduk ma da nəkadata na hay, kuray na wuiya ɗaw, gursam a ɗaw aha, ndzam gədaŋ gədaŋ andza neney da mezəley ma Bay’ərlam malam i ma wuɗata na hay.

Filipieŋ 4:1 Iomraidhean Croise

Matiyew 10:22

Kuray tey na, ndaw hay tabiyaha a da ŋgəladəmakwar aha dey kakay, hərway ma Mezəley ɗaw. Ama ndaw ana ka mey ta dəba kakay, ha kasl ka me ndəvey ana na, ndaw aŋga na na, a da buwama.

Mey Hayna Wayna ma Yezu Kriste Zaŋ 8:31

Arka Yezu ma ləvatar a zuif na ma pəmawa 'ar ka ŋga na hay tok: «Haɗaw ka ndzam da guma ɗaw me ləvey na, dərka na, kuray na gawla ɗaw hay.

Mber 11:23

Andza ŋga ma nəkada hahaya ma Bay ma Bəla, a key aha mber da huɗa na, a mbafa bəza kakay, ŋga ma həladatara bəzay ma ka zəgam har ka Bay’ərlam na, ta mevel ata dzay.

Mber 14:22

A madəmatara mevel a ndaw me pey 'ar ana hay, a vələmatar gədaŋ ma taya ka da, mam ta dəba zlay. Taya ma ləvəmatar: «I da fuləkwakwa a Slala ma Bay'ərlam na, sey i tasakwa ta banay hay haɗadzidzay.»

Mber 2:42

Taya zarra da me tetəkey ma maslaŋ hay, da ma dzəma mey ta andza malam aya na, da slam me wunəkey peŋ, da me ɗuley mey.

Romeŋ 2:7

mendzey me ndəvey kakay ana na, a ndaw ta matanduroŋ ata ma key ka tek hayna hay, na ma səpam maram, me hesəkey bəzay ta mendzey me mətsey tikay ana.

1 Korintieŋ 15:58

Kəɗey tok na malam a ɗaw i ma wuɗata ana hay, ka da mam ta dəba zlay, ka da təɗam zlay, guram ka mey ka mey da meslərey ma Bay’ərlam, səradama me yey vaw kwar da mezəley Bay’ərlam na, tedehe kakay.

1 Korintieŋ 16:13

Ndzam tsekerkerre, ndzam gədaŋ ahiya da me pey 'ar, ndzam mawal ahiya, kam gədaŋ.

2 Korintieŋ 1:14

hərway sa ma tek ana la ma tsəmakwar ana hay na, kuray ka tsənadəmandar ba nekəɗey, ka da həslam 'ar hərway la, la da həslam 'ar hərway kwar tey, ta pas ma Bay’ərlam Yezu.

Galat 5:1

Kriste a buwandukurawa na, ma lakwa ka tərakwama ndaw ma wama ’ar ata na hay dərka na. Səmam vaw, ma ka da madəmakwar zlambəla ma beke a ɗay sazlay.

Filipieŋ 1:27

Haya dzadzak na, ndzam andza na ma Mey Wayna ma Kriste, haɗaw i da daɓa ma da nəkurawa na, kwa kendzey i dakay na, i tsənada a tsam aha ka kuray, ma ɓadəmaya kuray mandzaya mambay aha da mesəfrey ana asləta, ka kəɗam aha vaw ka masləta ha, ta mevel asləta, andza ma me pey 'ar ma Mey Wayna.

Filipieŋ 1:8

Ayaw, Bay ma Bəla a key seydewe ɗaw ana, i wuɗakwar tabiyaha da kokwoɗ ma Yezu Kriste.

Filipieŋ 2:16

Kuray a neney ta guma ma mendzey da vaw ana hay: na ŋga na na, me wezley dey ɗaw ma pas ma Kriste, kavəday ma hwawa ɗaw ana ka bəla, ta ma yawa vaw ɗaw ana na, ka da key tedehe zlay.

Filipieŋ 2:26

A sar aha nduk nduk ma nəkadakwar tabiyaha, ŋga ka zlewerey ba, hərway kuray ka sərafama ba vaw a tsafa seŋgey.

Kolosieŋ 4:12

Epaphras ka tsadukuraɓa guma, ŋga na ndaw ma 'ay kwar, gawla ma Yezu, na ŋga zarra a kəɗey aha vaw da ma ɗula mey hərway kwar, ma kuray ka ndzam gədaŋ ahiya, haya hiya, ha vəladəmara vaw kwar kərem tabiyaha, hərway ma tek ma Bay ma Bəla ma wuɗey ana.

1 Tesalonisieŋ 3:13

Hayna ka makwar mevel da mendzey kokwoɗ aha, mandzara me ŋgəley bəzay ka slam dey ma Bay ma Bəla Baba lakwa, ta pas ma ma da sawa ma Bay’ərlam lakwa Yezu, ta ndaw aŋga kokwoɗ ana hay tabiyaha.

2 Tesalonisieŋ 2:15

Kəɗey tok ŋgey malam a ɗaw hay, ndzam gədaŋ gədaŋ ahiya, zəgafama har haya haya ka guma na la ma tatəkadəməkurawa ta huɗa mey la na, dakay na la ma windəməkuraɓa da ɗeriwel ana hay.

2 Timotey 2:1

Kah tok ŋgey dem a ɗaw, dzəŋgərey vaw na ta hahaya na da Kriste Yezu ana.

Ebrew 10:23

mandzara lakwa ka makwa ta dəba na, ka da gəradakwa ma ɓada me pey dey a lakwa zlay, hərway ndaw ana ma ləvandakwar i da vəlakwar ana na, a mbəɗar sler a guma ŋga tikay.

Ebrew 3:14

Nəkafama ekəɗey na, lakwa ka tərakwama tsoy mandala ma Kriste ahiya, haɗaw lakwa ma ndza hiya gədaŋ ahiya kasl a me ndəvey andza mendzey lakwa tsəfəmey aha na na.

Ebrew 4:14

Andza lakwa ma ndzafakwa baba ɗuhwa na me key kuley ana, ta mazlaɓ ana, ma tazlaradərawa həzlay ma 'ərlam ana na, Yezu Bəzey ma Bay ma Bəla. Me pey 'ar a neney na, zəgadakwa haya hayaha.

2 Piyer 3:17

Kəɗey tok na dzam a ɗaw hay, ka ɓadəmakwar ba ka vaw: wam daw ka vaw, ka da mbəkadəmatara vaw kwar a ndaw ma zləɓa na hay ka da vahəmakwar ma da zəɗadəmakwar zlay, ka mbəkadəmatara vaw ka da wanəkadəmakwar ba ka vaw ta ma sərada kwar zlay!