Filipieŋ 3:9 - MEY HAYNA WAYNA MA YEZU KRISTE MA MEVEY

⁹ Ma i ka da key da ŋga na, ta dzerey ana ma sawa da Mewey ana kakay, amana, ta na ma sawa da me pey 'ar ka Kriste ana, dzerey na ma sawa da Bay ma Bəla ana, na ma zəga har aha na, ka me pey 'ar ana.

Filipieŋ 3:9 Iomraidhean Croise

Matiyew 9:13

Dawam da tatəkadama guma neney da Mewindey Kokwoɗ ana hay: ‹I wuɗey na ndaw me key da vaw a ndaw zləna, kuley kwar ma kəmaya na kakay›. Hərway i sawa na ma da zəley na ndaw ma ŋgəsa na hay zləna, ndaw dzerey ana hay kakay.»

Romeŋ 1:17

Da Mey Wayna na, a ɓada na neney: Bay ma Bəla na, a tərada ndaw dzerey aha ka slam dey ŋga, ta ma pey 'ar ka ŋga. ’Ar me pey ana ŋga na na, ɗa tsa. Andza na ma windaha na da ɗeriwel Kokwoɗ ana: ‹Ndaw ana dzerey aha ta ma pey 'ar ana na, a da səfərey.›

Romeŋ 10:10

Akwa na, haɗaw ka pey 'ar da mevel eɗek na, a da dadaka a dzerey, ma ɓada da huɗa mey tey na, a kəsada ndaw a ma buwey.

Romeŋ 16:7

Tsadəmatara guma a Andronikus ta Zuniyas, gwalay ɗaw hay, mandala ɗaw na ma hələmandar a daŋgay dzaya na, taya na, Maslaŋ gədaŋ ahiya, taya ndaw ma Kriste ahiya telelew ka yah.

Romeŋ 5:21

Andza ma meŋgəsey ana ma key bay ma memətsey ana na, kəɗey na, ta dzerey na, hahaya ma key bay ma mendzey ma ndəvey kakay ana, ta har ma Yezu Kriste, Bay’ərlam a lakwa.

Romeŋ 8:1

Ekəɗey na, kwa ndaw ma da dzuwata ndaw ma vəlaya ma Yezu Kriste na hay na dasakay.

Romeŋ 8:3

Na ŋga na na ma kafa vaw ka Mewey kakay ana, hərway slaw vaw ka tərada ba a slafa kakay ana na, Bay ma Bəla na, ka ka ba: Kavəday ma meŋgəsey na, ta ma sləradərawa Bəzey ŋga na, a mendzey ma slaw vaw lakwa ma ŋgəsa na na, ŋga ka dzuwa meŋgəsey ba da slaw vaw,

1 Korintieŋ 1:30

Ka da kam da Kriste Yezu na ta har aŋga, ŋga na ka tərafandakwar ba andza ma səra 'ar na ma sawa da Bay ma Bəla ana, dzerey, tek me tərey kokwoɗ ana, ta ma ləhey vaw.

2 Korintieŋ 5:17

satsa na, haɗaw ndaw ana ŋga ta Kriste na, ma ləma ha ba waya ha. Bəla gurma na na, ma mbəka ha tsoy ta dəba, nəkafama tek ma kaha waya ha, ŋga kəɗey.

2 Korintieŋ 5:21

Ndaw andza ma səradərawa meŋgəsey kakay ana na, ka tərada ba ma ŋgəsa ha ma vəday lakwa, ma aza ta har aŋga na, lakwa ka da tərakwama dzerey ahiya ma Bay ma Bəla.

Galat 2:16

Ama ka səradakwa ha, ma tərada ndaw dzerey aha na, mber ma Mewey kakay, ama na, sey ta me pey 'ar ka Yezu Kriste. Lakwa na tiyatsa na, ka pəkwawa 'ar na ka Yezu Kriste, ma aza lakwa ka da tərakwa dzerey ahiya, da me pey 'ar a lakwa ka Kriste, zləna, da mber ma Mewey kakay, zləna, hərway ta mber ma Mewey na, ndaw ma da tərey dzerey aha na dakay.

Filipieŋ 3:6

ka ma gawla ley na, i ndaw ma kada tatakway ta Egliz, ka me səpey dzerey da Mewey na, i da tərey na, ndaw ma slafa ma ŋgəlaya bəzay dakay.

2 Timotey 1:9

Ŋga ma buwandukurawa, ma zəlandukurawa ta mezəley kokwoɗ ana, na ŋga na na, ka vəday ma mber a lakwa me key hayna kakay, amana ka vəday ma tek aŋga ma dzeley ana, ta hahaya ŋga. Hahaya na, ŋga na ma vəladandukurawa da Kriste Yezu ana, zla bəla ka zley tsaray kakay ana.

Ɗeriwel a Tit 3:5

a buwandukurawa na hərway ma mber a lakwa, na lakwa ma kukwama dzerey ahiya na kakay, amana, ka vəday ŋga na, ndaw a kar da vaw. A buwandukurawa na, ta me dzuhəɓey ma ma yawa wayna ma Mesəfrey Kokwoɗ ana me vəley ana.

Ebrew 6:18

Kəɗey na, tek a neney tsew ana hay na, a mbəɗam kakay, da huɗa tsetsuwe ta ahiya na, na Bay ma Bəla me ŋgəley ana da huɗa dakay, tek ana hay a səmadandakwar ta ma slafa ŋga, lakwa neney ma mbəkadukurawa tek hay tabiyaha, ma da zəgey har ka me pey dey a neney ma tsa ha kava na.

Ɗeriwel ma Zak 3:2

Hərway tobiya lakwa ha na, metsembeɗ a ndzandakwar. Kendzey ndaw ana a tsey aha guma mandzara ka zləɓey na, na ŋga na na, ndaw hayna, a slafa ma war 'ar a vaw ŋga na tabiyaha.

2 Piyer 1:1

Yah Simeiyoŋ Piyer, gawla ma 'ay, maslaŋ ma Yezu Kriste, i windatar a ndaw na ma ndzafam ta dzerey ma Bay ma Bəla lakwa, ta me buwey lakwa Yezu Kriste, me pey 'ar ma wam kal kal ta na ŋga la na:

1 Zaŋ 3:4

Kwa way way me key meŋgəsey na, a key na dzerey aha kakay tiyatsa, hərway me key meŋgəsey na, me key dzerey kakay.