Filipieŋ 3:8 - MEY HAYNA WAYNA MA YEZU KRISTE MA MEVEY

⁸ Ama ayaw, i nəkafata ka tek ana ŋga na hay na, andza me zəɗey tedehe, ka slam dey me zleley a neney ma fənata tabiyaha na, da ma sərada Yezu Kriste Bay’ərlam a ɗaw aha. Hərway ŋga na, i ka zəɗadata tek a ɗaw hay ba tabiyaha, ha arka, i nəkafata ka tek ana ŋga na hay na, andza kwaskwalay tedehe, ma aza i ka da ndzafada Kriste.

Filipieŋ 3:8 Iomraidhean Croise

Mey Hayna Wayna ma Bay Yezu Kriste Luk 1:43

Yah ana na way tey, ha maya ma Bay’ərlam a ɗaw ma sawa 'ay ɗaw ana na?

Mey Hayna Wayna ma Bay Yezu Kriste Luk 11:20

Ama haɗaw azlakwa i ɓəlata na ta har ma Bay ma Bəla na, na ŋga na na, Slala ma Bay'ərlam ka husafukurawa ba.

Mey Hayna Wayna ma Yezu Kriste Zaŋ 14:20

Ta pas ana ŋga na na, ka da səradama yah da Baba ɗaw, kuray da yah, yah tey da kuray.

Mey Hayna Wayna ma Yezu Kriste Zaŋ 14:7

Kendzey ka səradəmaya na, ka da səradama Baba ɗaw tiyatsa. Zla ekəɗey ana na, ka səradama, kuray ka nəkadama ba.»

Mey Hayna Wayna ma Yezu Kriste Zaŋ 16:3

A da kam andza ha na, hərway taya ka səradama kwa Baba kakay, kwa yah kakay.

Mey Hayna Wayna ma Yezu Kriste Zaŋ 17:3

Arka mendzey me ndəvey kakay ana ma taya ka səradəmaka kah na Bay ma Bəla asləta dərka na, ta Yezu Kriste ndaw kah ma sləradərawa na.

Mey Hayna Wayna ma Yezu Kriste Zaŋ 17:8

Guma i ma vəlatar ana hay na, guma na kah ma vəladatiyawa na hay, taya ka təɓama ba, ka səradama ba dərka dərka na, i bawa na da kah, taya ka təɓama ba, ma sləradiyawa na kah.

Mey Hayna Wayna ma Yezu Kriste Zaŋ 20:13

Taya ma ləvamar: «Ŋgwas eɗey, ka tuway mey?» Ŋga ma mbəɗafatara kava: «Ka zəgama vagay ma Bay’ərlam Yezu a ɗaw ba, i sərada a padama ka waray kakay.»

Mey Hayna Wayna ma Yezu Kriste Zaŋ 20:28

Tomas ma mbəɗar kava: «Bay’ərlam a ɗaw, Bay ma Bəla.»

Mber 20:24

Akwa dərka na na, mendzey ma bay ’ar ma vaw ɗaw ana na, ka kaya da ’ar tikay, tek a ɗaw me wuɗey ana na, i ka ndaslada tsəveɗ me meslərey ɗaw haya haya ha ta mber ma Bay’ərlam Yezu ma vəladiyawa na: me key seydewe ma Mey Wayna, ta hahaya ma Bay ma Bəla.

Romeŋ 8:18

Akwa i ma dzala ekəɗey na, banay lakwa neney me sey ekəɗey ana, a da malam aha ta me wezley dey ma Bay’ərlam, na ma da bawa da vaw lakwa na kakay.

Romeŋ 8:39

kwa gədaŋ ma 'ərlam hay, kwa gədaŋ ma babaŋ tsəvay, kwa tek na ma ka hiya na hay ma slafa ma waɗəkadandakwar ba ka vaw, ta ma wuɗa vaw ma Bay ma Bəla ma nəkey da Yezu Kriste, Bay’ərlam a lakwa na dakay.

1 Korintieŋ 2:2

Hərway da walaŋ a kwar na, i ka dzalawa ma səradərawa tek mekelehe na, dakay, sey Yezu Kriste, Yezu Kriste aŋga na ma daradama ka 'ar ma tuwaw ma gazləla ha na,

1 Korintieŋ 9:10

tsukuɗu a tsəmərawa andza ha na, na ŋga la makəra la ɗaw? Ayaw, a windəmərawa na hərway la, ndaw ma həvey na, a dafa na ka pey dey, ndaw me kəzley a dafa na hayna ka pey dey ma da ndzefey ma ŋga ba da huɗa.

2 Korintieŋ 4:4

ma ndaw me pey 'ar kakay na hay, na 'ərlam ma bəla neney ma waləfadatara me sərey tek ata ba, ma aza ka da nəkadama me wuɗey dey ma Mey Wayna ma maram ma Kriste na zlay, ŋga na, mey 'ərdey ma Bay ma Bəla.

2 Korintieŋ 4:6

Hərway Bay ma Bəla ana me ləvey: «Hayna waw ka wuɗey da wuzlah ma ləvaŋ.» Me wuɗey na, ŋga na ta 'ar aŋga da mevel a lakwa hay, ma da wazlada dey ta tek me sərey ma maram aŋga, me wuɗey ka mey 'ərdey ma Kriste na.

Galat 1:16

ka ɓada Bəzey ŋga da yah, ma aza i ka da tələkada mey da walaŋ ma ndaw Zuif ahiya kakay ana hay, mandzara i ka səpey ndaw ka tsaya guma a ’ar ma slaw vaw kakay.

Efeziyeŋ 4:13

Arka tabiya ha ka masləta ha na, arka nekəɗey nekəɗey na i ndzafakwa ’ar me pey asləta, ma sərada Bəzey ma Bay ma Bəla na asləta. A dəba na na i da tərakwama kretieŋ ma səka na hay, ma da ndzefey zozom ma Kriste na kassla ha na.

Filipieŋ 1:1

La, Pol ta Timotey, gawla ma Yezu Kriste hay, la windəmatar a ndaw kokwaɗ ana hay tabiyaha da Yezu Kriste, a bay ’ar ata na ma kəlatar ke mey ana ta diyakre ta hay, na taya tabiyaha da Filipi ana.

Filipieŋ 3:10

Haya a dafa na, ŋga, ta gədaŋ ma ma mbəlawa ŋga, ta me dzəmey a tsetseh aŋga, me tərey andza ŋga, da memətsey ŋga.

Filipieŋ 3:12

Ka ləva na, tek a neney hay tabiyaha na, i ka ndzafata ba kakay, dakay na, i ka tərey tsoy kərem ndaw haya ha me təke kakay; ama i kəɗey vaw na, i ka husafa, i ka zəga masa ma ma hway ana, ka vəday ma mey na, yah ana ta 'ar a ɗaw ana na, Yezu Kriste ka zəgiyawa ba.

Filipieŋ 3:7

Arka tek a neney hay tabiyaha kete ka yah, andza riba na hay na, a da kafaya ekəɗey na, andza me zəɗey, kavəday ma Kriste.

2 Timotey 4:6

Nəkafa ekəɗey na ŋga ɗaw na, i ma vəla ha tsoy andza tek ma key kuley aha, har a ma daway ɗaw ka slawa tsoy.

Ebrew 3:14

Nəkafama ekəɗey na, lakwa ka tərakwama tsoy mandala ma Kriste ahiya, haɗaw lakwa ma ndza hiya gədaŋ ahiya kasl a me ndəvey andza mendzey lakwa tsəfəmey aha na na.

1 Piyer 2:7

A kuray ndaw me pey 'ar ana hay tok na, ma hasəka bəzay; ama ndaw me pey 'ar tikay ana hay na ŋgwa aŋga na ndaw me zley 'ay hay ma kəladəmarawa ba na na, ka tərey ba ŋgwa ma telkwemere aha,

2 Piyer 1:2

Hayna hahaya ta zozoy ka safəkurawa haɗadzidzay, ta ma sərada Bay ma Bəla ta Yezu Bay’ərlam a lakwa.

2 Piyer 1:3

Akwa na, Bay'ərlam ta gədaŋ aŋga na, ka vəlandakwar tek ma haya ha ba, ma da nafandakwar da mendzey lakwa tabiyaha na, da me ɗula mey, da ma ɓadandakwar ndaw ma zəlandəkurawa ta maram aŋga, ta gədaŋ aŋga na, ma kada tek ana.

2 Piyer 1:8

Hərway ndaraw a neney hay daha da vaw kwar haɗadzidzay na, ka da ndzam aha mayaɗ ahiya, mandzara me key tek ana kava kakay, ma da sərada Bay’ərlam a lakwa Yezu Kriste.

2 Piyer 3:18

Amana, gəlam da hahaya ta ma sərada Bay’ərlam a lakwa, ta Mebuwey lakwa Yezu Kriste. Ŋga na, a wezley dey zla ekəɗey na, ha kasl ka pas ma me ndəvey kakay ana. Amen!

1 Zaŋ 1:3

Na la ma nəkadəmərawa, ma tsənadəmərawa na na, la ɓadəmakwar a kuray tiyatsa, ma aza kuray tiyatsa na, la ka dzəmakwama dzaya. Me dzəmey vaw lakwa na na, me dzəmey vaw ta Baba, ta Bəzey ŋga na Yezu Kriste.

1 Zaŋ 2:19

A bəmawa na da 'ay lakwa na hay, amana taya ndaw a lakwa hay kakay. Hana na ka kam ndaw a lakwa hay na, akwatay na taya ma ndzaya ta lakwa. Ama a dafa na ka sərey: kwa taya tobiya ta hiya, taya andza ha tekeɗe na, taya ndaw a lakwa hay kakay təŋga.

1 Zaŋ 5:20

Ka səradakwa Bəzey ma Bay ma Bəla ka sawa ba, arka ma vəlandakwar ma sərada tek, ma da sərada Ndaw na dərka na. Arka lakwa na, da Ndaw na dərka na na, da Bəzey ŋga Yezu Kriste. Ŋga na Ndaw na dərka na, ŋga na Bay ma Bəla, ŋga na mendzey me ndəvey kakay ana.