Filipieŋ 3:2 - MEY HAYNA WAYNA MA YEZU KRISTE MA MEVEY

² Wam daw ka vaw ka gədey hay! Wam daw ka vaw ka ndaw ma kam mber haya kakay ana hay! Wam daw ka vaw ka ndaw ma sla kuɗey haya kakay ana hay.

Filipieŋ 3:2 Iomraidhean Croise

Matiyew 24:10

arka tok na, ndaw hay haɗadzidzay a da mam ta dəba. A da haɗəkam vaw ka 'ar vaw ta na hay, a da ŋgəlam aha dey a vaw ka 'ar vaw ta na hay, kakay.

Matiyew 7:15

«Wam daw ka vaw hərway ma ndaw sek maləwaɗay ana hay. A səmawa ka tsakay kwar na, a təradama vaw na, təɓaŋ ahiya, ama da huɗa na taya dəvar ahiya a buwam ndaw.

Matiyew 7:6

«Ka da vəladəmatara tek ma kuley hay a gədey hay zlay. Ka da kuyadəmatara tek ma wuiya kwar hay a gaduru hay zlay, zləna a da ndarsləmata ba, arka a da mbəɗafəmakwar dey na, a da ŋgərɗəmakwar.»

Romeŋ 2:28

Akwa na, ma tərada ndaw Zuif aha na, tek ana ma nəkey ana kakay, kwa vavay mbəlek ana ka vaw ma ma sley kuɗey ana kakay.

2 Korintieŋ 11:13

Ndaw ana ŋga na hay na, maslaŋ haya kakay ana hay, ndaw maləwaɗay hay, ma təradama vaw ta, andza maslaŋ ma Kriste ahiya.

Galat 5:13

Malam a ɗaw hay, a zələmukurawa na, ma kuray ka wama 'ar a kwar, ama da me wey 'ar a kwar ana hana tok na, ka da mbəkadəmara vaw a tek me sey ma slaw vaw zlay, ama na, da ma wuɗa vaw na, dzənam vaw ka 'ar vaw kwar ana hay.

Galat 5:15

Ama kendzey ka zam vaw ka 'ar vaw kwar ana hay, ka pəɗam vaw ka 'ar vaw kwar ana hay na, wam daw ka vaw, ka da zəɗam vaw ka 'ar vaw kwar ana.

Galat 5:6

Hərway ma ndaw ŋga da Kriste na, ndaw ma sla kuɗey aha, dakay ma sla kuɗey aha kakay na, a nefey tikay, ama me nefey na, me pey ’ar me key tek da ma wuɗa vaw.

Filipieŋ 3:19

Ma da ndəvey ta na na, mezəɗey, 'ərlam ata na na, hwaɗ ata na, me wezley dey ta na ma pa ha na, da hwaray ta na, taya ma ta da mevel ata na, tek ma dala ɗey hay.

Filipieŋ 3:3

Hərway ndaw ma sla kuɗey ana hay na, lakwa neney, ma kakwar kuley a Bay ma Bəla ta Mesəfrey ana, ma padakwa me wezley dey lakwa ka Yezu Kriste ana, ma mbəkadakwa vaw lakwa hay a bay'ar ma vaw lakwa na hay kakay ana.

1 Timotey 1:19

da me pey 'ar ta me ndzey hayna. Sa na hay na, ka kəladama ba, arka na me pey 'ar ata ka zəɗey ba.

Ɗeriwel a Tit 1:16

Ma dey ma ndaw hay na, a ɓadama vaw ta waya la səradama Bay ma Bəla. Ama da tek ata ka mey na, a dam ka vaw sakay, ma zləɓa ahiya, ma bəra ahiya, a slafama me key mber hayna kakay tabiyaha.

2 Piyer 2:22

A da safatərawa na kassla andza ma guma ma tsam ana: Gədey me mey 'ar ka ma venəhey ŋga, ta na: «Gaduraw ka pəra vaw tsoy na a mey me ney a slam ndəleɓ aha sa.»

Ɗeriwel ma Zud 1:4

Hərway ma mey na, ndaw hay daha ka fuləkumaɓa ba, ta mahal aha a walaŋ a kwar, me dzuwey ta na na, ma winda ha ba zla ka vaw, ma zləɓa vaw ahiya na, a mbəɗadama hahaya ma Bay ma Bəla ba, ta me tsəley so, arka na, a mbəɗamar mey a Miter a lakwa asləta na, Bay’ərlam Yezu Kriste na.

Apokalis 2:9

I sərada ha suwet eɗek ma həlafəmaka na hay, kah na mbarga ha, amana kah zleley aha. Ka me ŋgəley bəzay ma ndaw ma təradama vaw ta Zuif ahiya na hay, amana taya Zuif ahiya kakay, me tsəhey 'ar ata na na ma Sataŋ.

Apokalis 21:8

Ama ndaw zluwer ana hay, ndaw me mbəɗey sler a guma ta na hay, ndaw me key tek haya kakay kambəlaɓa na hay, ndaw me kəɗey ndaw vagay ana hay, ndaw me ney ta ndaw hay so ha na hay, ndaw me key hila hay, ndaw ma nəmatar dəba a ’ərlam ndəraya ta har ana hay, ndaw maləwaɗay ana hay tabiyaha na. Mala ma ta ma vəla ha na, da bəlay ma waw ta burəhway me dəlɓey ndaw ana. Ma ndaw ana ŋga na hay na, memətsey me tsetsew ana.»

Apokalis 22:15

Da bəla na, ndaw me key tek so ha na hay! ndaw me key hila hay, ndaw me ney ta ndaw hay so ha na hay! Da bəla na ndaw me kəɗey ndaw vagay ana hay, ndaw ma nəmatar dəba a ’ərlam ndəra ta har ana hay, ndaw me wuɗey maləwaɗay ana hay ta ndaw me tsey maləwaɗay ana hay!

Apokalis 3:9

Nəkafa i vəlaka ndaw ma 'ay me ɗuley mey ma Sataŋ hay, na ma ləvam: la na Zuif ahiya na hay, ama azlakwa zlay a tsam malwaɗay. Nəkafa, i da sadatərawa ka da gərdam ka slam sek a ɗek, arka a da səradama na, i ka wuɗaka ba.