Filipieŋ 3:19 - MEY HAYNA WAYNA MA YEZU KRISTE MA MEVEY

¹⁹ Ma da ndəvey ta na na, mezəɗey, 'ərlam ata na na, hwaɗ ata na, me wezley dey ta na ma pa ha na, da hwaray ta na, taya ma ta da mevel ata na, tek ma dala ɗey hay.

Filipieŋ 3:19 Iomraidhean Croise

Matiyew 16:23

Ama ŋga me mbəɗey dey, ma ləvar a Piyer: «Sawa daway ba a dəba ɗaw, Setene eɗey! Kah na, ka tərafaya ba tek me tsey metsembeɗ a ɗaw aha, hərway 'ar eɗek me dzeley na, andza ma ndaw hay zləna, andza ma Bay ma Bəla kakay.»

Matiyew 25:41

Arka Bay ana a da ləvatar a ndaw ma har gula ŋga hay tey: ‹Kuray eɗey ma kəla 'ar ana hay na, dam ba dəreŋ ka slam dey ɗaw, a waw ma ndəvey kakay ana, ma ləmaha na ma Sataŋ ta madurlam aŋga hay.

Mey Hayna Wayna ma Bay Yezu Kriste Luk 12:19

Arka i da ləvey ka 'ar vaw ɗaw ana: ekəɗey na tek eɗek ma həva ha haɗa, ma mevey haɗadzidzay sana, sesəkey vaw ka dəba tok, zəmey tek, sey tok, key wuiya ɗek›.

Mey Hayna Wayna ma Bay Yezu Kriste Luk 16:19

Ndaw ana daha zleley aha bəza kakay, a pey ka vaw na, zana mambay ana, ma sumkwo haɗadzidzay ana, ka pas ka pas da 'ay ŋga na a key hwahwaɓay ɗuhwa ha.

Mey Hayna Wayna ma Bay Yezu Kriste Luk 18:4

Ma mbəɗar mey a key dey haɗadzidzay. A dəba na na, ŋga me ləvey ka 'ar vaw ŋga na: ‹Kwa andza tekeɗe i wesey ta Bay ma Bəla kakay, kwa i ɗatar ndaw a ndaw hay kakay na,

Romeŋ 16:18

Hərway ndaw ana ŋga na hay na, a kamar mber a Kriste, Bay’ərlam a lakwa kakay. Ama a səpam na hwaɗ ata, ta guma ta na mambay ana hay, ta guma ta na zaɗaɗa me pey wuiya na na, a zləgaɗəmata mevel bəle na hay ba.

Romeŋ 6:21

Ka da ndzafadama bəzey ma mey tok? Ekəɗey teseɗey na, a kakwar hwaray, hərway me ndekey ŋga na na, ta memətsey.

1 Korintieŋ 3:3

Hərway kuray ma ndza hiya na da slaw vaw mba, ma vəday ma mey na, ma ney dey ta dzendze hay da walaŋ a kwar daha mba. Kuray ana hay na, andza ndaw ma slaw vaw ahiya, mendzey kwar ana na, andza ma slaw vaw kakay ɗaw?

1 Korintieŋ 5:2

Andza ha tekeɗe na, re ka ŋgalakam sa! A dafa hana dzadzak na, kuray ka tuwam andza da 'ay vagay, ma kuray ka ɓəlama ndaw ana, ŋga na me key tek ana, ŋga na ba, da walaŋ a kwar.

1 Korintieŋ 5:6

Me ŋgelekey kwar ana na, a mbay kakay! Ka səradama tikay ɗaw, is ketekwəɗey na, a mbəslada hapa ma haləɓa ha tabiyaha kakay ɗaw?

2 Korintieŋ 11:12

Tek ana i me key ana na, i da ka satsa, ma i ka kəlada guma ma ndaw ma wuɗam ma ŋgalakam waya la kal kal ana hay ba.

2 Korintieŋ 11:15

Ma gawla ma Sataŋ ana ŋga na hay me tərey gawla ma dzerey ahiya na ger aha kakay. Ma da ndəvey ta na na kalkal andza ma mber ata na.

Galat 6:13

Hərway ndaw ma təkəmatar ɗay ka sladəmatara kuɗey ba na hay na, a tsənəmatar sləmay a mewey kakay. Dakay dakay a slədəmakwar kuɗey na, ma kuray ka ndzafam ma hasəkadəmakwar bəzay da slaw vaw.

Filipieŋ 2:21

tabiyaha kwa way way na, a dzeley 'ar na ka tek ata ma satar ana hay zləna, na ma Yezu Kriste kakay.

Kolosieŋ 3:2

tek a kwar ma səpam ana na, da 'ərlam zləna ka dala kakay.

2 Tesalonisieŋ 1:9

Me hətey ta na a da key na, me zəɗey me ndəvey kakay ana, dəreŋ ta mey dey ma Bay’ərlam, ta me wezley dey ma ŋgalaka ŋga.

2 Tesalonisieŋ 2:12

Kəɗey na, ndaw me pey 'ar ka dərka kakay ana hay tabiyaha, ama ma zəgam tsəveɗ ma dzerey kakay ana hay na, a da kadəmatara sariya ta na.

2 Tesalonisieŋ 2:8

Arka na, Bay ma meŋgəsey a da ɓawa vaw tok, na Bay’ərlam Yezu ma da zəɗadara 'ar ta Mesəfrey ma huɗa mey ŋga na, arka a da davasada ta ma wezley dey ma ma sawa ŋga.

1 Timotey 6:5

me tərey vaw ka pas ka pas da walaŋ ma ndaw ta me dzeley 'ar hay me zləgey ndaw ana hay, dərka da taya dakay, taya aŋga na a dzalam na, ma ɗamara ’ar na andza ’ar yam ma ndzafada zleley.

2 Timotey 3:4

A da haɗəkadəmata ndaw hay, mevel ahiya haɗa. Me rəsey vaw ta na a da təradata wulaf ahiya. A hiyam na tek ata madatar ’ar ana hay ta me wuɗey Bay ma Bəla na.

Ɗeriwel ma Zak 4:16

Arka na, ka ŋgalakadama ta guma ma kwar a neney me tsey so ha na. Sapa ma me ŋgelekey andza na ŋga na hay na, haya hiya tikay.

2 Piyer 2:1

Zlezle na, ndaw sek maləwaɗay ana hay da səkway daha tiyatsa, andza ha satsa na, ndaw me tetəkey maləwaɗay ana hay ta mahal aha na, a fuləkwadəməraɓa me tetəkey me zəɗey ndaw ana a walaŋ a kwar, ha a da mbəɗamar dəba a Miter ana, ma mbəɗatərawa ba na, a zələmawa ka vaw ta na, me zəɗey ana na ma rawa ləma kakay ana;

2 Piyer 2:13

a da ndzafama masa ma dzerey ta kakay ana. A mbafata me key madama ta wuzla rəpas; taya na tek me zləɓey ndaw hay ta kwaskwalay so na hay, maləwaɗay ta na ma tsam ana a mbafata, ke ndzey andza ka zəmam aha hwahwaɓay dzaya ana.

2 Piyer 2:3

arka da tek me sey ta kambəlaɓa na na, a da kadəmakwar tsakana ta guma ta me ŋgəley ndaw ana hay; ma ta zla ekəɗey kakay ana, sariya ta na, a da ndzawa ha kakay, me zəɗey ta na a hutata ha.

Ɗeriwel ma Zud 1:10

Ama ndaw ana ŋga na hay na, tek na taya ma səradəmata kakay ana hay tsa na, a tsaɗam tsa, a səradama na kəɗeyya dada, andza ma gənaw me sərey tek tsana, tek ana ŋga na na, a da nafatar na, ma ma zəɗada vaw ta na.

Ɗeriwel ma Zud 1:16

Na ŋga na na, taya təŋga ndaw ma dzendze hay, ta ndaw me gweŋguɗey mey hay, ma kəlatar ka mey na tek me sey ta, ma bawa da huɗa mey ta na gandala ma guma hay, a da ɗamar ndaw a ndaw na, sey ka tek ata ma da ndzefey ka ŋga daha.

Ɗeriwel ma Zud 1:4

Hərway ma mey na, ndaw hay daha ka fuləkumaɓa ba, ta mahal aha a walaŋ a kwar, me dzuwey ta na na, ma winda ha ba zla ka vaw, ma zləɓa vaw ahiya na, a mbəɗadama hahaya ma Bay ma Bəla ba, ta me tsəley so, arka na, a mbəɗamar mey a Miter a lakwa asləta na, Bay’ərlam Yezu Kriste na.

Apokalis 18:7

Kassla andza ma ŋga na ma ndzawa da maram ma zleley ana na, andza ha sa tey na, fənadəmara mevel na ka ndzey andza da 'ay vagay, hərway a ləvey da mevel aŋga na: i mandza ha da koriwal ma bay, bay aha, i madakway aha kakay, ɗaɗa vagay a da kafaya ha tikay.

Apokalis 19:20

Ma zəgama gənaw ana ba andza ndaw sek maləwaɗay ana. Ŋga, ta hila ŋga na hay me key ka slam dey ma gənaw ana na, ma pafata wuiya ka ndaw ma ndzafam zeheɗ ma gənaw ana, ma namar dəba a mey ərdey ŋga na hay. Tsetsuwe ta ahiya na, ma kuyadəmata ta dey a bəlay ma waw ma lahaɗa ha ka vaw ta burəhway ma dəlɓey ndaw na.

Apokalis 21:8

Ama ndaw zluwer ana hay, ndaw me mbəɗey sler a guma ta na hay, ndaw me key tek haya kakay kambəlaɓa na hay, ndaw me kəɗey ndaw vagay ana hay, ndaw me ney ta ndaw hay so ha na hay, ndaw me key hila hay, ndaw ma nəmatar dəba a ’ərlam ndəraya ta har ana hay, ndaw maləwaɗay ana hay tabiyaha na. Mala ma ta ma vəla ha na, da bəlay ma waw ta burəhway me dəlɓey ndaw ana. Ma ndaw ana ŋga na hay na, memətsey me tsetsew ana.»

Apokalis 22:15

Da bəla na, ndaw me key tek so ha na hay! ndaw me key hila hay, ndaw me ney ta ndaw hay so ha na hay! Da bəla na ndaw me kəɗey ndaw vagay ana hay, ndaw ma nəmatar dəba a ’ərlam ndəra ta har ana hay, ndaw me wuɗey maləwaɗay ana hay ta ndaw me tsey maləwaɗay ana hay!