Filipieŋ 3:18 - MEY HAYNA WAYNA MA YEZU KRISTE MA MEVEY

¹⁸ Akwa na, ndaw hay haɗadzidzay ɓa i ka tsakwar ba zarra, i madakwar sa, ekəɗey na, ta ma tuway aha, da mendzey ta na, dugwan ahiya ta tuwaw ma gazləla na ma Kriste.

Filipieŋ 3:18 Iomraidhean Croise

Mey Hayna Wayna ma Bay Yezu Kriste Luk 19:41

Andza a husey aha a wuraw ana, andza ŋga ma nəkada na, ŋga ma tuwafa.

Mber 20:19

Da mber a ɗaw i ma kar a Bay’ərlam tabiya ha na, da ləfeɗeɗe, ta yam dey aha ka dey, da walaŋ ma tek ger ana hay, ma Zuif hay ma kəmaya na.

Romeŋ 9:2

Tek ana a tsaya mevel kambəlaɓa, viya ɗaw ana a ndəvey kakay.

1 Korintieŋ 1:18

Akwa guma ana ma tsam ka ma mətsey ma Kriste ka ’ar ma tuwaw ma gazləlaha na na, a kafata ka ndaw ma zəɗaya dəreŋ ta Bay ma Bəla a na hay na, andza guma ma 'ar me mbəɗey, ama ka ndaw Bay ma Bəla ma buwata na hay na, ka lakwa na, gədaŋ ma ma Bay ma Bəla.

1 Korintieŋ 6:9

Ka səradama, ndaw me key dzerey kakay ana hay na, a da ndzafam aha Slala ma Bay'ərlam kakay tikay ɗaw? Ka da zləgam zlay! Kwa ndaw ma tsəlam so na hay, ndaw ma nam dəba a ’ərlam ma ndəra ta har ana hay, kwa ndaw me key madama na hay, kwa ŋgwas ma nam ta tsəla ta na hay, kwa mawal ma nam ta tsəla ta na hay,

2 Korintieŋ 11:13

Ndaw ana ŋga na hay na, maslaŋ haya kakay ana hay, ndaw maləwaɗay hay, ma təradama vaw ta, andza maslaŋ ma Kriste ahiya.

2 Korintieŋ 11:29

Kendzey ndaw ana bəle ha, a kaya na i bəle ha tey, kendzey ka təɗey ba na, a ndalaya kambəlaɓa.

2 Korintieŋ 2:4

Satsana, i windukuraɓa ɗey na, da viya ɗuhwa ha, da mevel a tsaya ha, ta yam dey aha ka dey, ma kuray ka kam mevel kakay, amana, kuray ka səradama ma wuɗakwar a ɗaw ana kambəlaɓa da mevel a ɗaw ana.

Galat 1:7

A-'ay akwa mekelehe na dakay; daha na, ndaw ma dzoŋgufəmakwar ’ar ana hay, a wuɗam na, ma mbəɗadama Mey Wayna ma Kriste ba.

Galat 2:14

Ama andza i ma nəkada a dawam aha ta tsəveɗ ma dərka na ma Mey Wayna sakay na, i ma ləvar a Sefas ma dey ma ndaw hay tabiyaha: «Haɗaw kah ndaw Zuif ka ndzey na, andza ma ndaw Zuif ahiya kakay ana hay tok na, mendzey ɗek ana andza ma Zuif hay sakay tok na, ɗagay ka təkəmatar ɗay a ndaw Zuif ahiya kakay ana hay ka ndzam andza ma Zuif hay na teŋgey?»

Galat 2:21

Hərway haɗaw hahaya ma Bay ma Bəla da yah ana na, i tərada tek tedehe kakay, hərway haɗaw a da ndzafama dzerey na ta Mewey na, azlakwa na ŋga na na, Kriste a mətsey na ma tedehe.

Galat 5:21

Tek me sey kambəlaɓa, me sey zom kambəlaɓa, me zəmey tek kambəlaɓa, a kam tek ana sa na hay andza ha sa tsa. Ndaw me key tek andza na ŋga na hay na, i ɓadakwar andza na i ma tsəkurawa na, a da zəmam aha slam da Slala ma Bay'ərlam kakay.

Galat 6:12

Ndaw ma wuɗam, ma sladəmakwar kuɗey ana hay na, ndaw ma wuɗam me dzeley ma ɓada vaw ma slaw vaw ana hay. Tek ata asləta ma wuɗam na, ka da kadəmata tatakway hərway ma tuwaw ma gazləla na ma Kriste zlay.

Galat 6:14

Na ŋga ɗaw na, andza ha tikay, ɗaɗa tek a ɗaw ma hasəkadəmaya bəzay a fəna tuwaw ma gazləla na ma Bay’ərlam a lakwa Yezu Kriste na, daha tikay; ta ŋga na, bəla ma dara ha ba ka 'ar ma tuway hərway ɗaw, andza yah ana ma dara ha hərway ma bəla tiyatsa.

Efeziyeŋ 4:17

Nəkafama tek a ɗaw me ləvey, ma ɓada da mezəley ma Bay’ərlam: ana tok na, ɗaɗa ka da ndzam andza ma ndaw Zuif ahiya kakay ana hay sazlay, me sərada tek ata na, a dadata a tek me nefey kakay.

Filipieŋ 1:4

Ka pas ka pas da ma ɗuley mey ka kuray tabiyaha na, i ɗuley mey na ta wuiya ha.

1 Tesalonisieŋ 4:6

Hayna kwa ndaw ka da kar tek a malam aŋga zlay, ma ka da tərafa malay aha da tek ana ma kar ana zlay, hərway da tek ana ŋga na na, Bay’ərlam a mada gandaf ba, andza na la ma tsəməkurawa ta waw aha kava na.

2 Tesalonisieŋ 3:11

Arka azlakwa la ma tsənadama tok na, ndaw hay daha da walaŋ a kwar, ma ndza hiya so ha, ma kəzləvey a tek ma ndaw hay, a wuɗam me key mber kakay.

2 Piyer 2:10

dzadzak na ndaw ma hwam ma səpam tek ma slaw vaw ma satar ana, tek hayakakay ana hay tedehe na hay na, a rəsəmata ɗuhwa ma Bay'ərlam. Taya na waya ɗa ka vaw ta, seweɗ ahiya, zluwer a katar me tseɗey Maram ma 'ərlam hay kakay,

Ɗeriwel ma Zud 1:13

Ɗaŋgwala ma yam ma vənəhawa ma zarnay ma hwaray ma bay'ar ma vaw ta na, wurzla ma halam so na hay ma paya ma kwozaha ma ləvaŋ tekəɗe feŋfeŋ ana.