Filipieŋ 3:14 - MEY HAYNA WAYNA MA YEZU KRISTE MA MEVEY

¹⁴ I hway 'ar ka mey ka tek ana, ma vəday ma masa na ma dzəmaya ka vaw ta me zəley ana, na Bay ma Bəla ma zəladandakwar da 'ərlam, da Yezu Kriste ana.

Filipieŋ 3:14 Iomraidhean Croise

Mey Hayna Wayna ma Bay Yezu Kriste Luk 16:16

Mewey ta ndaw sek hay na, ma husawa na, kasl ka Zaŋ; zla da na ŋga na na, ma tələkadama mey ta Mey Hayna Wayna ma Slala ma Bay'ərlam. Arka na, kwa way way na, a kəɗey vaw ta gədaŋ a ŋga dzay me fuləkwey a huɗa.

Romeŋ 11:29

Hərway tek ma haya ha ma Bay ma Bəla ta me zəley ndaw aŋga na, a mafa dey ma təɓa sakay.

1 Korintieŋ 9:24

Ka səradama kakay ɗaw? Ndaw ma hway hay ka dala ma wasa na, a hwam na tabiya ta ahiya, ama ma da tsey mey na ndaw asləta kakay ɗaw? Hwam tok, ma kəla ha da tsam mey.

2 Korintieŋ 4:17

Hərway viya lakwa ma kakwa ma mendzey nekəɗey ana na a ləham kakay kendzey ma malada ta me ləhey ma maram ana ma gegətsey ’ar ana, ma ndəvey kakay ma ləmadəmandakwar ana na.

Filipieŋ 3:3

Hərway ndaw ma sla kuɗey ana hay na, lakwa neney, ma kakwar kuley a Bay ma Bəla ta Mesəfrey ana, ma padakwa me wezley dey lakwa ka Yezu Kriste ana, ma mbəkadakwa vaw lakwa hay a bay'ar ma vaw lakwa na hay kakay ana.

Kolosieŋ 2:18

Ka da mbəkadəmatara vaw kwar a ndaw hay ka da zləgaɗəmakwar, ta me zəgey 'ar ma sleɗ ma ndaw ma mbafata na, me ndzey da me ɗuley mey, dakay na ma katar kuley a madurlam ana hay zlay. A tələkadama vaw ta a tek ata ma nəkatar a dey ana, arka tok na, da me sərey tek ata ma slaw vaw ma zlambaradata tedehe na.

1 Tesalonisieŋ 2:12

La ka səmadakwar ba, la ka həladəmakwar bəzay ba, la ka ndzəkəmakwar hahay ba ka dəba, hayna mendzey kwar ka key na, andza na ma dawam ka vaw ta Bay ma Bəla ana, na ma zəlakwar a Slala ŋga me wezley dey ana.

2 Timotey 1:9

Ŋga ma buwandukurawa, ma zəlandukurawa ta mezəley kokwoɗ ana, na ŋga na na, ka vəday ma mber a lakwa me key hayna kakay, amana ka vəday ma tek aŋga ma dzeley ana, ta hahaya ŋga. Hahaya na, ŋga na ma vəladandukurawa da Kriste Yezu ana, zla bəla ka zley tsaray kakay ana.

Ebrew 3:1

Kəɗey tok ŋgey malam kokwoɗ ana hay, na ma wanəkəmawa mezəley na ma sawa da 'ərlam ana hay, təradama Yezu na maslaŋ aha, baba ɗuhwa na ma key kuley ana, na lakwa ma təɓakwa ka mevel a lakwa na.

Ebrew 6:1

Kəɗey tok na, mbəkadakwa me tetəkey tsəfəmey ana ka Kriste na, səpakwa na ma ndaw ma səka na hay ka dəba, mandzara lakwa ka makwawa ta dəba ka na lakwa ma zlakwar me tetəkey ana: andza ma mbəkada me key tek hayakakay ana, me pey 'ar ka Bay ma Bəla,

1 Piyer 1:13

Hərway ma mey na, mevel a kwar ma həla vaw ahiya tsoy ka meslərey na, hayna wam daw ka vaw, da mendzey kwar tabiyaha na, pam dey na, ka hahaya ma da vələmakwar da ma da ɓawa vaw ma Yezu Kriste ana.

1 Piyer 5:10

Bay ma Bəla ma hahaya tabiyaha na, ma zələkurawa ka maram aŋga me ndəvey kakay ana ta Kriste na na, ŋga na ta 'ar aŋga na, a da padakwar, andza kuray ka kam tsetseh ba da mendzey nekəɗey na; a da səmadakwar, a da vəlakwar gədaŋ, a da təradakwar na ka da taɓam aha sakay.

2 Piyer 1:3

Akwa na, Bay'ərlam ta gədaŋ aŋga na, ka vəlandakwar tek ma haya ha ba, ma da nafandakwar da mendzey lakwa tabiyaha na, da me ɗula mey, da ma ɓadandakwar ndaw ma zəlandəkurawa ta maram aŋga, ta gədaŋ aŋga na, ma kada tek ana.

Apokalis 3:21

Ndaw ana ma zəga 'ar ma sleɗ ana na, i da vəlar me da ndzey a koriwal ma bay ɗaw ta yah. Andza na ŋga ɗaw, i ma zəgərawa 'ar ma sleɗ ana tiyatsa na, arka i ma daway ma da ndzey ta Baba ɗaw, ka koriwal ma bay ŋga.