Filipieŋ 3:13 - MEY HAYNA WAYNA MA YEZU KRISTE MA MEVEY

¹³ Malam a ɗaw hay, i slafa me ləvey i ka zəga tsoy kakay, me dzeley 'ar a ɗaw asləta na, ma mətada 'ar ba ta tsəveɗ i ma kawa da dəba na, i dzeley ’ar na ka tek ka mey ana

Filipieŋ 3:13 Iomraidhean Croise

Mey Hayna Wayna ma Bay Yezu Kriste Luk 10:42

Tek hayna na ŋga asləta dada; Mariya na ka zəga na hayna ba, ɗaɗa ndaw ma da təɓadara ba na, dakay.»

Mey Hayna Wayna ma Bay Yezu Kriste Luk 9:62

Yezu ma ləvar: «Kwa way way a həvey aha ta zlagwam ma sla na, a nəkey dey ta dəba na, ma ka ha na, ma Slala ma Bay'ərlam sakay.»

2 Korintieŋ 5:16

Zla ekəɗey na, la səradama ndaw andza ma slaw vaw sakay, kendzey la səradəmərawa Kriste andza ma slaw vaw na, ekəɗey na la səradama andza ha sakay.

Filipieŋ 2:12

Dzəm a ɗaw hay, da ma ndzawa kwar na, ka tsənam sləmay bəza kakay ana na, ka da kam andza i daha dada tsa zlay, ama a fəna sa na, ekəɗey akwa na, kwa i dakay na, ta me wesey aha kwasl kwasl na, kadama mber ma me buwey kwar.

Filipieŋ 3:12

Ka ləva na, tek a neney hay tabiyaha na, i ka ndzafata ba kakay, dakay na, i ka tərey tsoy kərem ndaw haya ha me təke kakay; ama i kəɗey vaw na, i ka husafa, i ka zəga masa ma ma hway ana, ka vəday ma mey na, yah ana ta 'ar a ɗaw ana na, Yezu Kriste ka zəgiyawa ba.

Filipieŋ 3:8

Ama ayaw, i nəkafata ka tek ana ŋga na hay na, andza me zəɗey tedehe, ka slam dey me zleley a neney ma fənata tabiyaha na, da ma sərada Yezu Kriste Bay’ərlam a ɗaw aha. Hərway ŋga na, i ka zəɗadata tek a ɗaw hay ba tabiyaha, ha arka, i nəkafata ka tek ana ŋga na hay na, andza kwaskwalay tedehe, ma aza i ka da ndzafada Kriste.

Ebrew 6:1

Kəɗey tok na, mbəkadakwa me tetəkey tsəfəmey ana ka Kriste na, səpakwa na ma ndaw ma səka na hay ka dəba, mandzara lakwa ka makwawa ta dəba ka na lakwa ma zlakwar me tetəkey ana: andza ma mbəkada me key tek hayakakay ana, me pey 'ar ka Bay ma Bəla,

2 Piyer 3:8

Ka key teŋgey teŋgey na, tek asləta na daha dzam a ɗaw hay, na kuray ka mətadama 'ar zlay ana: ka Bay’ərlam na, pas asləta na andza mevey gabal, mevey gabal na kal kal andza meney asləta.