Filipieŋ 3:12 - MEY HAYNA WAYNA MA YEZU KRISTE MA MEVEY

¹² Ka ləva na, tek a neney hay tabiyaha na, i ka ndzafata ba kakay, dakay na, i ka tərey tsoy kərem ndaw haya ha me təke kakay; ama i kəɗey vaw na, i ka husafa, i ka zəga masa ma ma hway ana, ka vəday ma mey na, yah ana ta 'ar a ɗaw ana na, Yezu Kriste ka zəgiyawa ba.

Filipieŋ 3:12 Iomraidhean Croise

Matiyew 5:48

Kuray tok na, ka da təram na kərem kokwoɗ a hiya, andza Baba kwar da 'ərlam, ŋga na kərem kokwoɗ aha na.»

Mber 9:15

Ama Bay’ərlam ma ləvar: «Daway, hərway i ma zəga ndaw a neney na ka ɓadatara mezəley ɗaw a ndaw ma dala na Zuif ahiya kakay ana hay, bay ta na hay ta ndaw ma Israyel hay.

Romeŋ 8:39

kwa gədaŋ ma 'ərlam hay, kwa gədaŋ ma babaŋ tsəvay, kwa tek na ma ka hiya na hay ma slafa ma waɗəkadandakwar ba ka vaw, ta ma wuɗa vaw ma Bay ma Bəla ma nəkey da Yezu Kriste, Bay’ərlam a lakwa na dakay.

1 Korintieŋ 13:10

Ama pas ma tek ana hayna ka da sawa ba na, tek ana kokway ŋga na daha na hay na, a da ndəvey.

1 Korintieŋ 13:12

Ekəɗey i nəkadakwa da malam na, andza a nəkey haya haya kakay, ama aza a da key tok na ndar ndar. Ekəɗey tek a ɗaw me sərey na, kokway ŋga na daha, arka na, aza i da sərada na, kal kal andza ma Bay'ərlam ma səradaya na.

1 Korintieŋ 9:24

Ka səradama kakay ɗaw? Ndaw ma hway hay ka dala ma wasa na, a hwam na tabiya ta ahiya, ama ma da tsey mey na ndaw asləta kakay ɗaw? Hwam tok, ma kəla ha da tsam mey.

2 Korintieŋ 13:9

Pas andza la bəle ahiya, ama kuray gədaŋ ahiya na, la da wuiya. Nəkafama, me ɗuley mey la na hərway kwar na, neney: ma kuray ka kam haya ahiya lele.

2 Korintieŋ 7:1

Haɗaw azlakwa i wafakwa ha vaw ka guma na ma tsəmandakwar ana na, dzam a ɗaw hay, lakwa na na, bazləmakwa vaw lakwa hay ba tabiyaha da meŋgəsey ma slaw vaw, ta na ma mesəfrey; ndakadakwa ma tərada vaw kokwoɗ aha, da me wesey ta Bay ma Bəla.

Galat 5:17

Hərway slaw vaw ta tek aŋga ma wuɗey na, a da dawam aha ka vaw ta Mesəfrey kakay. Mesəfrey a dam ka vaw ta slaw vaw kakay. Vərom daha da walaŋ ata, kəɗey tok na, ka da kəmata tek a kwar ana ma wuɗam ana hay sakay.

Efeziyeŋ 1:4

Ŋga ka gaɗəmandakwar ba a ŋga, amba ka zlərawa bəla, ma lakwa ka tərakwama kokwoɗ ahiya, mandzara me ŋgəley bəzay ka slam dey ŋga, da ma wuɗa vaw.

Efeziyeŋ 4:12

Ma aza ma padata ndaw Kokwaɗ ana hay ka ndasladama meslərey ma ma zlada vaw ma Kriste,

Filipieŋ 1:1

La, Pol ta Timotey, gawla ma Yezu Kriste hay, la windəmatar a ndaw kokwaɗ ana hay tabiyaha da Yezu Kriste, a bay ’ar ata na ma kəlatar ke mey ana ta diyakre ta hay, na taya tabiyaha da Filipi ana.

Filipieŋ 3:16

Ekəɗey kasl ka slam a neney, lakwa ma husakwama kasl kava ta fəɗa ha na na, nakwa na, 'ar a slam ana asləta.

Filipieŋ 3:3

Hərway ndaw ma sla kuɗey ana hay na, lakwa neney, ma kakwar kuley a Bay ma Bəla ta Mesəfrey ana, ma padakwa me wezley dey lakwa ka Yezu Kriste ana, ma mbəkadakwa vaw lakwa hay a bay'ar ma vaw lakwa na hay kakay ana.

Filipieŋ 3:8

Ama ayaw, i nəkafata ka tek ana ŋga na hay na, andza me zəɗey tedehe, ka slam dey me zleley a neney ma fənata tabiyaha na, da ma sərada Yezu Kriste Bay’ərlam a ɗaw aha. Hərway ŋga na, i ka zəɗadata tek a ɗaw hay ba tabiyaha, ha arka, i nəkafata ka tek ana ŋga na hay na, andza kwaskwalay tedehe, ma aza i ka da ndzafada Kriste.

1 Tesalonisieŋ 5:15

Wam daw ka vaw, hayna kwa ndaw ka da madara gandaf ma ndaw zlay, ama səpam ka pas ka pas na, me key hahaya da walaŋ a kwar hərway ma ndaw hay tabiyaha.

2 Tesalonisieŋ 2:13

Ŋga la tey na, hayna la ka madəmara sise dzeɓelle a Bay ma Bəla hərway kwar, malam na Bay’ərlam ma wuɗata na hay, hərway Bay ma Bəla ka gaɗəmakwar ba zla da mezley, ma aza ka buwəmakwar ta Mesəfrey ma tərada ndaw kokwoɗ aha, ta me pey 'ar ka dərka ana.

1 Timotey 5:10

Hayna ka səradama hərway ma mber aŋga me key hayna hay: ka gəlawa wawa hay ba, ka wey vaw ba ka mbəlak hay, ka pəradatara sek ma ndaw Kokwaɗ ana hay ba, ka dzənata ndaw viya na hay ba, ka vəladərawa vaw ŋga ba, ka sa ma mber ana hayna hay tabiyaha.

1 Timotey 6:19

Kəɗey tok na, a da kwarsam zleley a vaw ta na, na mambay ana, na gədaŋ ana na, ka mey, ma aza ka da ndzafadama mendzey dərka na.

Ebrew 12:14

Səpam zozoy ta ndaw hay tabiyaha, ta me tərey kokwoɗ aha, hərway mandzara kokwoɗ na, ndaw a da nəkada ha Bay’ərlam kakay.

Ebrew 12:23

arka ta ma tsəhey 'ar ma marakway hay, na mezəley ta ma winda hiya da 'ərlam ana, arka ta Bay ma Bəla, ndaw me key sariya ma ndaw hay tabiyaha na, arka ta mesəfrey ma ndaw dzerey ana hay ma husam ba ka ma ndesley ana,

Ebrew 13:21

ka təradakwar, ma ha slafama me key tek hayna, andza ma ŋga me wuɗey ana; ka ndaslada tek ana ma dar 'ar da lakwa na, ta har ma Bay Yezu Kriste, na maram ma vəla ha ma ŋga da mevey temere da mevey temere Amen!

Ɗeriwel ma Zak 3:2

Hərway tobiya lakwa ha na, metsembeɗ a ndzandakwar. Kendzey ndaw ana a tsey aha guma mandzara ka zləɓey na, na ŋga na na, ndaw hayna, a slafa ma war 'ar a vaw ŋga na tabiyaha.

1 Piyer 5:10

Bay ma Bəla ma hahaya tabiyaha na, ma zələkurawa ka maram aŋga me ndəvey kakay ana ta Kriste na na, ŋga na ta 'ar aŋga na, a da padakwar, andza kuray ka kam tsetseh ba da mendzey nekəɗey na; a da səmadakwar, a da vəlakwar gədaŋ, a da təradakwar na ka da taɓam aha sakay.

2 Piyer 3:18

Amana, gəlam da hahaya ta ma sərada Bay’ərlam a lakwa, ta Mebuwey lakwa Yezu Kriste. Ŋga na, a wezley dey zla ekəɗey na, ha kasl ka pas ma me ndəvey kakay ana. Amen!