Filipieŋ 3:11 - MEY HAYNA WAYNA MA YEZU KRISTE MA MEVEY

¹¹ Kendzey a key vaw na, ma da husey a ma mbəlawa da walaŋ ma ndaw ma mətsa na hay.

Filipieŋ 3:11 Iomraidhean Croise

Mey Hayna Wayna ma Bay Yezu Kriste Luk 14:14

Arka a da mbafaka, kavəday tek a rafata ma da madəmaka ka sele na dakay; na ŋga na na, a da madəmaka tek eɗek ta pas ma, ma da mbəlawa ma ndaw dzerey ana hay.»

Mey Hayna Wayna ma Yezu Kriste Zaŋ 11:24

Ŋga ma mbəɗar kava: «I sərada ha a da mbəlawa ta pas madakwaydok ana.»

Mber 23:6

Andza ŋga ma sərada Sanedreŋ ana ma ka hana, sa na hay Sadusieŋ ahiya, sa na hay Fariziyeŋ ahiya na, Pol me wudey da walaŋ ata: «Malam a ɗaw hay, yah na, Fariziyeŋ aha, bəzey ma ndaw Fariziyeŋ; a zəgəmiyawa ɗey ka dala ma sariya na, hərway ma me pey dey a lakwa, ka ma da mbəlawa ma ndaw ma mətsa na hay.»

Mber 26:7

Arka gedzek ana, kurow kava tsew ana hay a kama kuley ma Bay ma Bəla ana, rəpas ta dəvaɗ adzay, mandzara ka mətsatar har na, hərway a pam dey ka da nəkadama tek ana, ma da key ana. Ka vəday ma me pey dey a neney na, bay, Zuif hay ma zəgəmiyawa ka dala ma sariya, ma ŋgəlafəmaya na, hərwuiya.

Mber 27:12

Andza wuraw ma slam me lətsey kombiwal ana, a mbafata me ndzey da huɗa ta piya kakay na, har a var a ndaw tabiyaha na, a wuɗam me mey a kombiwal, ma daway ka mey. Waya aza i nəkafakwa kendzey i slafakwa me husey a Feniks slam me lətsey kombiwal ma Kret, 'ar a bəzay ta mey ŋgwa ŋga, ta tsakay lam ta mey ŋgwa, ma da huta piya ka daw ba ɗagay na, da huɗa.

Romeŋ 11:14

da me pey dey ɗaw, ma həladatara bəzay me key səleŋ a ndaw ma səkway ɗaw hay, ma ka da buwam sa na hay nekəɗey da walaŋ ata.

1 Korintieŋ 15:23

Amana, ka membere ka membere: tsəfəmey aha na, Kriste ana, andza tek ma zlagwam me nəhey tsəfəmey ana, ma sawa a dəba na na, ndaw ma vəlaya ma Kriste na hay, da har ma da sawa ŋga.

1 Korintieŋ 9:22

I ka wanəkadama bəle ma ndaw bəle na hay ba, ma aza i ka ndzafawa ndaw bəle na hay. I ma kada vaw ɗaw teŋgey teŋgey na, ma ndaw tabiyaha, ma dakay dakay na, dey ta kava i da ləhawa ha ndaw hay ba nekəɗey.

1 Korintieŋ 9:27

I kada beke ta vaw ɗaw, i war ’ar a vaw ɗaw, me wesey na, i ka tələkadatara mey tsoy a sa ma ndaw hay tok na, ka da parzləmiyawa yah ana zlay.

2 Korintieŋ 11:3

Ama i wesey na -andza ma gwavaŋ ma pafa wuiya ka Ev ta wewer aŋga na-, me dzeley 'ar a kwar a da zləgey ba dəreŋ ta ləfeɗeɗe ma kar a Kriste.

1 Tesalonisieŋ 3:5

Ma vədiya tok na, andza i ɓəsa sakay na, i ma sləraɓa ndaw ka ɓadiyawa me pey 'ar a kwar, da me wesey na ndaw me petəney ndaw ka da pətənakwar ba na, ma me yey vaw la ka da zəɗey tedehe zlay.

2 Tesalonisieŋ 2:3

Kwa ndaw ka da pətənakwar ta ndaraw waray waray zlay, hayna har ana ndaw hay ma mbəɗamar dəba a Bay'ərlam ana na, ka husawa ba ɗagay, Bay ma meŋgəsey ka ɓey vaw ba ɗagay, Bəzey ma me zəɗey.

2 Timotey 4:8

Zla ekəɗey na, tek ma sise ma dzerey ɗaw a hutaya ha, na Bay’ərlam ma da vəlaya andza masa ha na. Ta pas ana ŋga na na, ŋga ndaw ma sariya dzerey ana; a da vəlaya na a yah asləta tsa kakay, amana, a ndaw hay tabiyaha, ma wuɗəmawa me hutey pas ana ŋga na, da ma ɓey vaw ana.

Ebrew 11:35

Ŋgwas hay daha ma ndzafəmata vagay ma ndaw a ta hay ma mbələmawa. Ama sa na hay na ma puwəmata, ka wuɗam ma buwam vaw ta tikay, a wuɗam ɗoh na ma da ndzefey ma mbəlawa na hayna;

Apokalis 20:5

Sa ma ndaw ana ma mətsa na hay na, ka mbələmawa tikay, ha aza ka mevey gabal ana a ndesley ba ɗagay. Na ŋga na na, ma mbəlawa tsəfəmey ana.