Filipieŋ 2:9 - MEY HAYNA WAYNA MA YEZU KRISTE MA MEVEY

⁹ Bay ma Bəla ma pada tsaŋ ka ’ar ma tek hay na hərwuiya. Arka ma vəlar Mezəley na, ma fənata sa mezəley hay tabiya ha na,

Filipieŋ 2:9 Iomraidhean Croise

Matiyew 11:27

Tek hay tabiyaha ma vəladiyawa na Baba ɗaw. Ndaw ma sərada Bəzey ana na way na, dakay, sey Baba na dada. Ndaw ma sərada Baba na na way na, dakay, sey Bəzey ana dada. Dakay na, sey ndaw ana ŋga na, Bəzey ana me wuɗey ma ɓadara na.

Matiyew 28:18

Arka, Yezu ma gurey ka tsakay ta, ma tsadatara guma neney hay: «Slam har ma vəla ha tsoy tabiyaha da har aɗaw, na ma 'ərlam, ta na ma dala adzay.

Mey Hayna Wayna ma Bay Yezu Kriste Luk 10:22

Tek hay tabiyaha, Baba ka vəladaya ba. Ndaw ma sərada bəzey ana na wuyaway na dakay, sey Baba na dada. Ndaw ma sərada Baba na na wuyaway na dakay, sey Bəzey, arka sey na Bəzey ana me wuɗey ma ɓadatara na.»

Mey Hayna Wayna ma Yezu Kriste Zaŋ 13:3

Ŋga na a sərada Baba ka vəladatara tek hay ba tabiyaha a huɗa har aŋga. A bawa na da Bay ma Bəla, a mey a ’ar 'ay Bay ma Bəla ana.

Mey Hayna Wayna ma Yezu Kriste Zaŋ 17:11

Mazlambar aha, i da key na, tsoy i ka bəla ɗey dasakay; taya na taya ka bəla ɗey mba, ama yah na, i daɓa ha ka tsakay ɗek. Baba Kokwoɗ ana, nəkafata dey da ma mezəley ɗek, kah ma vəladiyawa na, ma taya ka dzəmam asləta, andza na ŋga lama, ma dzəmama asləta na tey.

Mey Hayna Wayna ma Yezu Kriste Zaŋ 17:12

Da har la dzaya mba na, i nəkafata ha dey ba da mezəley ɗek ma vəladiyawa na. I ka wafata ba, kwa ndaw asləta da walaŋ ata ka zəɗey dakay, dakay na sey bəzey ma me zəɗey aŋga na na, ma aza ka ndesley andza me Mewindey Kokwoɗ.

Mey Hayna Wayna ma Yezu Kriste Zaŋ 17:5

Ekəɗey na, Baba, vəlaya maram eɗek ka slam dey ɗek ta maram ana ŋga na i ma ndzafawa ka tsakay ɗek zla bəla ma kaha tsaray kakay ana.

Mber 5:31

Na Bay ma Bəla ma tsakafada ta har zəmay ŋga, ma paha Bay aha, Ndaw me buwey aha, ma vəlatar me mbəɗey mendzey a Israyel ta me sey yam ka meŋgəsey hay.

Efeziyeŋ 1:10

ma dada har ana hay a me ndesley ta na, ma da tsəhadara 'ar ta bəla tabiyaha, a bəzay ma Bay ana asləta: Kriste. Tek na da 'ərlam ana hay ta na ka dala na hay.

Kolosieŋ 1:18

arka ŋga na na, ŋga bay 'ar ma vaw ana, na Egliz aha na. Ŋga na mezley ana, marakway aha, da walaŋ ma ndaw ma mətsa na hay, ma ŋga ka da key, ka mey ma tek hay tabiyaha, ma tsoy aha, ka bəla tabiya ha.

2 Tesalonisieŋ 1:12

Kəɗey na, a da hasəkadəmara bəzay a mezəley ma Bay’ərlam a lakwa Yezu da kuray, kuray tey da ŋga, andza na ma hahaya ma Bay ma Bəla lakwa, ta na ma Bay’ərlam Yezu Kriste.

Ebrew 1:4

A da tərey ɗuhwa ha tsaŋ ka madurlam hay, me ndzefey mezəley gəle ta na ma ta.

Ebrew 1:9

Ka da wuɗey na dzerey, meŋgəsey na ka wuɗey kakay. Hərwuiya tok na, Bay’ərlam! Bay ma Bəla eɗek ka fəɗafaka mal ma wuiya, ka wuɗaka ba, a fəna sa ma mandala ɗek hay.

Ebrew 12:2

Dey ma zazura ha zurra ka bay 'ar ma me pey 'ar, ma da husada a me ndesley ŋga na, Yezu ana, ma mbəɗar mey ba a wuiya na akwa ma vəla ha ma ŋga na, ma ɓəsa me derey ka 'ar ma tuwaw, ma rəsa hwaray, arka na me ndzey ta har zəmay ma koriwal ma bay ma Bay ma Bəla.

Ebrew 2:9

Ama lakwa ma səradakwa na neney: ndaw ana ŋga na ma madama ta dəba nekəɗey ka madurlam hay ana na, Yezu. A da tərey hərway ma memətsey na, ŋga ma sa banay ana na, ma vaha 'ar aha ta maram, ma hasəka bəzay aha, kəɗey tok na, ta hahaya ma Bay ma Bəla na, hərway ma ndaw waray waray na, ŋga ma ndzəka memətsey.

1 Piyer 3:22

na ma daway təŋga a 'ərlam, me ndzey ta har zəmay ma Bay ma Bəla, arka a watar 'ar a madurlam hay, a bay hay, ta ma slafa hay.

2 Piyer 1:17

Hərway ŋga me ndzefey me hesəkey bəzay ta maram da har ma Bay ma Bəla Baba, andza ma vəɗe ma ɗay ma tsənawa da me wezley dey mambay ana ma Bay ma Bəla, ŋga ma ləvar: neney na Bəzey ma mey 'ərev a ɗaw, a mbafaya, i da gəɗəmey na ŋga.

3 Zaŋ 1:7

Hərway ma Mezəley ana ma zəgam tsəveɗ, mandzara ka təɓam tek da har ma ndaw Zuif ahiya kakay ana hay.

Apokalis 1:5

arka ta har ma Yezu Kriste, Ndaw seydewe hayna, marakway da walaŋ ma ndaw ma mətsa na hay, Bay Ŋgalaka ma Bay ma dala hay. A Ndaw ma wuɗakwar ana, ma ləhadandukurawa ba da meŋgəsey lakwa hay ta mambaz aŋga,

Apokalis 11:15

Madurlam ma tsəla na ma fa tolom aŋga, vəɗe ma ɗay ɗuhwa hiya ma tsənəmawa da 'ərlam, a ləvam: «Slala ma bəla ekəɗey ma vəla ha na ma Bay’ərlam a lakwa ta Kriste ŋga, a da key bay na ka mevey temere ka mevey temere.

Apokalis 19:16

Ka zana ma memeɗ aŋga na, ka tuwal aŋga na na, mezəley ma winda ha kava: Bay ɗuhwa na ma bay ɗuhwa na hay, Bay’ərlam ma bay hay.

Apokalis 3:21

Ndaw ana ma zəga 'ar ma sleɗ ana na, i da vəlar me da ndzey a koriwal ma bay ɗaw ta yah. Andza na ŋga ɗaw, i ma zəgərawa 'ar ma sleɗ ana tiyatsa na, arka i ma daway ma da ndzey ta Baba ɗaw, ka koriwal ma bay ŋga.

Apokalis 5:12

A tələkam mey ta magala ha: «Bəzey təɓaŋ ana ma slaha ba ma kuley ana na, ŋga na təɗe, me ndzefey ma slafa, zleley, me sərey 'ar, gədaŋ, me hesəkey bəzay, me wezley dey ta me Səmbərey.»