Filipieŋ 2:8 - MEY HAYNA WAYNA MA YEZU KRISTE MA MEVEY

⁸ Ŋga ka mada vaw ŋga ba a gwadaw, ma tərada vaw ŋga me tsəney sləmay aha kasl a memətsey, ha memətsey ka 'ar ma tuwaw ma gazləla ha.

Filipieŋ 2:8 Iomraidhean Croise

Matiyew 17:2

Ŋga me mbəɗey pəla, ka slam dey ta: mey dey ŋga me mbəɗey, a wezley dey andza pas. Zana ŋga me tərey babara ha andza waw.

Matiyew 26:39

Ŋga ma daw dəreŋ nekəɗey, me gertey ’ərdey dots ka dala, me ɗuley mey me ləvey: «Baba ɗaw, kendzey a key vaw na, vəley ma tsetseh a neney ka daw ba dəreŋ ta yah! Amana, andza na ŋga ɗaw me wuɗey ana kakay, ama na andza na kah me wuɗey ana!

Matiyew 26:42

Ŋga me mey dey ma tsetsew ana sa, ŋga ma gurey nekəɗey me ɗuley mey, me ləvey: «Baba ɗaw, banay a neney i ma da sa na na, a key vaw i ka sa zlay sakay sana, ka key na andza na ŋgeɗek me wuɗey ana.»

Mey Hayna Wayna ma Bay Yezu Kriste Luk 9:29

Andza Yezu a ɗuley aha mey na, mey dey ŋga me mbəɗey pəla, a wezley dey. Zana ŋga me tərey babara ha teyye.

Mey Hayna Wayna ma Yezu Kriste Zaŋ 10:18

Ndaw ma təɓadaya ba na dakay, ama ma vəlada na yah ana ta ’ar a ɗaw ana. I slafa ma vəlada, i slafa ma da təɓa tek a ɗaw. Neney na mey ma mewey ana i ma ndzafawa da har ma Baba ɗaw ana.»

Mey Hayna Wayna ma Yezu Kriste Zaŋ 14:31

Ama a sawa na, ma bəla ka sərada, i wuɗa Baba ɗaw, i key na kassla andza ma Baba ma ləviyawa, i ka key andza ha na. Lətsam, nakwama ba ka sləna na!.

Mey Hayna Wayna ma Yezu Kriste Zaŋ 15:10

Kendzey ka tsənəmatar aha sləmay a mey ma mewey ɗaw hay na, ka da ndzam na da ma wuɗa vaw ɗaw. Andza na ŋga ɗaw i ma tsənatar sləmay a mey ma mewey ma Baba ɗaw tey na, i ma ndza ha da ma wuɗa vaw ŋga na tey.

Mey Hayna Wayna ma Yezu Kriste Zaŋ 4:34

Yezu ma ləvatar: «Tek me zəmey ɗaw na, me key tek andza ma Ndaw ma sləradiyawa na, ma ndaslada meslərey ŋga na.

Mber 8:33

Ta ma mada vaw ŋga a gwadaw na, sariya ŋga ma devesey ba. Bəzey ma hwaɗ aŋga hay na, ma da təkəra na way? Hərway ka zəɗadama mendzey ŋga na ba ka dala.

Romeŋ 5:19

Kalkal andza ha satsa na, ta ma tsəney sləmay kakay ma ndaw asləta na, ndaw hay haɗadzidzay a da təram na ma ŋgəsa hiya; ta ma tsəney sləmay ma ndaw asləta tey na, ndaw hay haɗadzidzay ka təram ba dzerey ahiya tey.

2 Korintieŋ 8:9

Ka səradama ha akwa seŋgey, ma wura har ma Bay’ərlam a lakwa Yezu Kriste, ma kadakwar a kuray ana, ŋga ndaw zleley aha, amana, ma tərada vaw ŋga mbarga ha, ma da kadakwar zleley ahiya ta mbarga ŋga.

Galat 3:13

Kriste na ka haɗəka tsoy ma da buwandukurawa ba da ma kəla 'ar ma Mewey, ma tərada bay ’ar ma vaw ŋga na ma kəla 'ar aha hərway lakwa, ka vəday ma winda ha da ɗeriwel kokwaɗ ana na, andza neney: «Kwa way way ka luwadama ba ka tuwaw na, ma kəla 'ar aha.»

Ɗeriwel a Tit 2:14

Ŋga na ta 'ar aŋga na, ma vəlada vaw hərway lakwa, ma aza ma da mbəɗandukurawa da meŋgəsey hay tabiyaha, ma ka da bəzləma səkway ana ma vəla ha ma ŋga na, na ma həla vaw aha ma da key mber mambay ana hay.

Ebrew 12:2

Dey ma zazura ha zurra ka bay 'ar ma me pey 'ar, ma da husada a me ndesley ŋga na, Yezu ana, ma mbəɗar mey ba a wuiya na akwa ma vəla ha ma ŋga na, ma ɓəsa me derey ka 'ar ma tuwaw, ma rəsa hwaray, arka na me ndzey ta har zəmay ma koriwal ma bay ma Bay ma Bəla.

Ebrew 12:4

Ta me kəɗey vaw kwar ana ta meŋgəsey na, kuray ka dzaŋgəram ka vaw kwar kasl ka mambaz kakay.

1 Piyer 2:24

ŋga na ta Bay 'ar ma vaw ŋga na na, ma zəga meŋgəsey lakwa hay ka 'ar ma tuwaw, ma aza lakwa ma mətsaya ba da meŋgəsey lakwa hay na, i ka da ndzakwama da dzerey; ŋga aŋga na mbəlek aŋga hay ma ndaladakwar ana.

1 Piyer 3:18

Akwa na, Kriste na ta 'ar aŋga ka mətsey ba hərway ma meŋgəsey hay dey asləta ma tur dey, ŋga ndaw dzerey ana, hərway ma ndaw dzerey kakay ana hay hay, ma aza ka da ɓadakwar a Bay ma Bəla, ŋga aŋga na ma kəɗama da slaw vaw aŋga na vagay aha na, amana ka madərawa ba a mesəfrey, ta gədaŋ ma Mesəfrey Kokwoɗ ana.