Filipieŋ 2:30 - MEY HAYNA WAYNA MA YEZU KRISTE MA MEVEY

³⁰ Hərway me meslərey ma Kriste na, a zarawa ketekuɗey na, a mətsey. A zarawa ketekuɗey na, a zəɗada mendzey ŋga ba ma da ndzey a veɗ a kwar ma kaya meslərey, na kuray ma slafama ma kadəmaya kakay ana.

Filipieŋ 2:30 Iomraidhean Croise

Mber 20:24

Akwa dərka na na, mendzey ma bay ’ar ma vaw ɗaw ana na, ka kaya da ’ar tikay, tek a ɗaw me wuɗey ana na, i ka ndaslada tsəveɗ me meslərey ɗaw haya haya ha ta mber ma Bay’ərlam Yezu ma vəladiyawa na: me key seydewe ma Mey Wayna, ta hahaya ma Bay ma Bəla.

Romeŋ 16:4

Da ma ləhadiyawa mesəfrey ɗaw na, zarawa nekəɗey a zəɗadama 'ar ata. Ma madatara sise andza neney na yah asləta kakay, ta mendzey ma Egliz ma dala Zuif ahiya kakay ana hay dzay tiyatsa.

1 Korintieŋ 15:53

A dafa akwa na, vaw a neney me zey na, ka kəley na me zey kakay ana ka vaw. Vaw a neney me mətsey ana, ka kəley ka vaw na me mətsey kakay ana ka vaw.

1 Korintieŋ 16:10

Kendzey andza Timotey ka daɓa ba na, nəkafama dey, ŋga ka da ndzey da walaŋ a kwar ta zluwer aha zlay, hərway a key na, meslərey ma Bay’ərlam ana, andza yah.

1 Korintieŋ 16:17

Ma mbafaya na, ma sawa ma Stefanas, ma Fortonatus, ma Akaykus, taya ka dzənəmaya ba da veɗ a kwar, andza kuray dakay na.

2 Korintieŋ 12:15

Na ŋga ɗaw na, yah ana me wuɗey, i slafa me zəɗey tek, kwa vaw ɗaw ana, ta 'ar a ɗaw ana kərem hərway kwar, ma vəday ma wuɗakwar a ɗaw haɗa na na, ka da wuɗəmaya sakay na, hərwuiya ɗaw?

2 Korintieŋ 4:12

Kəɗey na, memətsey a key aha mber da vaw la na, ama mendzey na a key mber da kuray.

Filipieŋ 2:17

Kwa mambaz a ɗaw a da mbəɗawa me pesley ka kuley ta meslərey ma me pey 'ar a kwar na, na ŋga na na, a daya 'ar, i kakwama wuiya tsetse ka masləta ha.

Filipieŋ 2:27

Vaw na, ka tsafa ba dərka, a zarawa ketekuɗey na, a mətsey, amana, ŋga ka kar ba da vaw a Bay ma Bəla, ma kar da vaw na, ŋga dada tsa kakay, amana ta yah adzay tiyatsa, ma viya ɗaw ka da səkey adiya adiya zlay.

Filipieŋ 4:10

I ka key wuiya ba haɗadzidzay da mezəley ma Bay’ərlam, hərway tek a kwar ma kəmiyawa na ka vərzey ba dey mekelehe sa. Ayaw tek akwar na daha, amana, kuray ka ndzafam ma sləradəmiyawa kakay.

Filipieŋ 4:18

Akwa ekəɗey na, tek hay a rafəmaya da har daha, ka zəgawa ba na, perzlem kana ma saya na. Ekəɗey na ɗaraya kadəba, andza i ma təɓa tek a kwar ma slərəmiyawa na ba, da har ma Epafrodit na, wurdey ma zey hayna, kuley hayna ma dar ’ar Bay ma Bəla na.

Filemoŋ 1:13

Akwa na i ka slafa na i ka pada, ka ndzaya tek a ɗaw, ka kaya meslərey da mey ɗek, da daŋgay ana i da huɗa kavəday ma Mey Wayna na;

Apokalis 12:11

Ama taya na ka zəgafama 'ar ma sleɗ ba, ta mambaz ma bəzey təɓaŋ, ta guma na taya ma kadama seydewe na. Taya ka wuɗam mendzey ta kakay, ha ka wasam ta memətsey kakay.