Filipieŋ 2:3 - MEY HAYNA WAYNA MA YEZU KRISTE MA MEVEY

³ Ɗaɗa ka da kam tek ta səleŋ aha zlay, ta me ɓey ta vaw aha zlay, amana, ta ləfeɗeɗe ha, nəkafəmata ka sa ma ndaw hay na, andza a fənəmakwar.

Filipieŋ 2:3 Iomraidhean Croise

Mey Hayna Wayna ma Bay Yezu Kriste Luk 18:14

I ɓadakwar: ndaw me tsekeley dzaŋgal a da harɗawa a mbaw na, ma pəsa mey aha ba; ama ndaw Fariziyeŋ ana hana na, ma pəsa mey aha tikay. Hərway ma mey na, mendzey ma ndaw ma gəlada vaw ŋga na, a da madama a gwadaw. Ama ndaw ma tərada vaw ŋga bəza ha tey na, a da gəladama.»

Romeŋ 12:10

Hayna ma wuɗa vaw ka dzəmadakwar ka vaw ka 'ar vaw kwar ana ta malam ahiya da kokwoɗ; a fəna sa na, ɗam ndaw a vaw ka 'ar vaw kwar ana hay.

Romeŋ 13:13

Ndzakwama da mendzey hayna, andza ta wuzla rəpas: mandzara me zəmey tek kambəlaɓa, me sey zom kambəlaɓa, mandzara me ney so, ta me tsəley so, mandzara me tərey vaw ta me ney dey.

Romeŋ 2:8

Ama mevel ma tsar ta ma kəla ’ar aha ka ndaw ma bəra na hay, ma tsənamar sləmay a dərka na kakay ana hay, ma kam tek ma dzerey kakay ana.

1 Korintieŋ 15:9

Hərway yah na, bəzaha da walaŋ ma maslaŋ hay tobiya, yah a neney akwa, i ɗa ndaw aha ka zələmaya maslaŋ a ha kakay zləna, hərway i ka kada tatakway ba ta Egliz ma Bay ma Bəla.

1 Korintieŋ 3:3

Hərway kuray ma ndza hiya na da slaw vaw mba, ma vəday ma mey na, ma ney dey ta dzendze hay da walaŋ a kwar daha mba. Kuray ana hay na, andza ndaw ma slaw vaw ahiya, mendzey kwar ana na, andza ma slaw vaw kakay ɗaw?

2 Korintieŋ 12:20

I wesey akwa na, naŋgarhay i ka da husaɓa ba na, i da ndzafakwar aha andza na i me wuɗey ana sakay, dakay na ka da ndzafəmaya ha, andza ma kwar kuray ma wuɗam ana sakay. I wesey naŋgarhay dzendze, səleŋ, me key mevel, me kəɗey waway, me həley ndaw hay ka vaw, me tsey ka ndaw, me ŋgəley bəzay, me bərey, me key tek so ha daha da 'ay kwar.

Galat 5:15

Ama kendzey ka zam vaw ka 'ar vaw kwar ana hay, ka pəɗam vaw ka 'ar vaw kwar ana hay na, wam daw ka vaw, ka da zəɗam vaw ka 'ar vaw kwar ana.

Galat 5:26

Ka da ŋgalakakwa ka 'ar vaw lakwa na hay zlay, ka 'ar vaw lakwa na hay na, me zerey mey ka da key daha zlay, me ney dey ka da key daha zlay.

Efeziyeŋ 4:2

da ləfeɗeɗe, da kokwoɗ, da me sey mevel, ɓəsam vaw ka 'ar vaw kwar ana hay da ma wuɗa vaw.

Efeziyeŋ 5:21

Kuray a neney ma wasam ta Kriste na hay na, tsənam sləmay a vaw ka 'ar vaw kwar ana hay.

Filipieŋ 2:14

Kam tek hay tabiyaha na, mandzara kuray ka gwaŋguɗam mey, mandzara me tərey vaw.

Kolosieŋ 3:12

Hərway kuray ma gaɗəmaya, ma təra hiya ba kokwoɗ ahiya, Bay ma Bəla a wuɗakwar sana, kəlam ka vaw tok na mevel ma ndaw ma kar da vaw ana, me səŋgərey da mey, ləfeɗeɗe, ma ləɓa vaw, ta ma zəgey mevel.

Kolosieŋ 3:8

Ekəɗey tok na, kuray ana tiyatsa na, kuyadəmata tek ana ŋga na hay ba, mevel me tsey, magwam, seweɗ, me tseɗey ndaw ta guma haya kakay ana hay ka da bawa da mey kwar sazlay.

1 Timotey 6:4

na ŋga na na, ma wuləfa dey aha ta me ŋgelekey. Ŋga na ndaw ma sərada tek kakay ana, ndaw dzedzey aha me səpey guma so na hay, ta dzendze ma guma hay. Tek ana ŋga na na, a sadərawa na, me ney dey, dzendze, me tseɗey Bay'ərlam, me ŋgəley bəzay haya kakay ana,

1 Piyer 3:8

Arka tok na, me dzeley 'ar a kwar ka key na asləta, sam yam ka vaw, ndzam ta malam aya da ma wuɗa vaw, ndaw hay ka kəmakwar da vaw, təram ləfeɗeɗe.

1 Piyer 5:5

Andza ha satsa na, kuray gawla hay, tsənəmatar sləmay a ndaw ma səka na hay. Arka kuray tabiyaha da mendzey kwar asləta na, madama vaw kwar andza bəza hiya, hərway Bay ma Bəla na a mbəɗatar dəba a ndaw ma rəsa vaw ana hay, ama a ndaw ma madama vaw ta bəza hiya na hay na, a vəlatar hahaya ŋga.