Filipieŋ 2:26 - MEY HAYNA WAYNA MA YEZU KRISTE MA MEVEY

²⁶ A sar aha nduk nduk ma nəkadakwar tabiyaha, ŋga ka zlewerey ba, hərway kuray ka sərafama ba vaw a tsafa seŋgey.

Filipieŋ 2:26 Iomraidhean Croise

Matiyew 11:28

Səmawa ka tsakay ɗaw, kuray a neney tabiya ha, yah na, i da vəlakwar me sesəkey vaw.

Matiyew 26:37

Ŋga me ŋgəley ka bəzay na, Piyer ka zəgawa bəzey ma Zebedey hay tsew. A kar tossa me dzəmey ka vaw.

Mber 21:13

Arka ŋga ma mbəɗandar kava: «Ɗagay ka tuwam, ka həɓadəmaya 'ərev na ka mey? Yah na ma həla vaw aha na ka me dzuwey dada tsa kakay, amana, i ka da mətsey na da Zeruzalem, hərway ma mezəley ma Bay’ərlam Yezu.»

Romeŋ 1:11

A saya nduk nduk akwa i ka nəkadakwar, ma aza i ka ɓadakwar tek ma haya ha ma Mesəfrey nekəɗey aza ka da səmadakwar.

Romeŋ 12:15

Kam wuiya andza ndaw na taya da wuiya na hay, tuwam andza ndaw na ma tuwam ana hay.

Romeŋ 9:2

Tek ana a tsaya mevel kambəlaɓa, viya ɗaw ana a ndəvey kakay.

1 Korintieŋ 12:26

Kendzey mezəvey asləta, tek a tsafa na, sa ma mezəvey a sa na hay a wanəkadama me tsey ŋga na tabiyaha; haɗaw mezəvey asləta ma hasəka bəzay aha na, sa ma mezəvey a hay tabiyaha, a wanəkadama wuiya ŋga na.

2 Korintieŋ 9:14

Arka ta me ɗuley mey ta, hərway kwar na, a da madəmukurawa kokwoɗ a kwar, kavəday ma hahaya kwar a neney haɗadzidzay, Bay ma Bəla ma vəlakwar ana.

Galat 6:2

Dzənam vaw me zəgey tek ma ləhey ana ka 'ar vaw kwar ana, kəɗey na, ka ndasladama mewey ma Kriste.

Efeziyeŋ 3:13

satsa na, i tsəhafakwar: har ka da mətsakwar da viya neney i me sey hərway kwar ana zlay, na ŋga na na, maram kwar.

Filipieŋ 1:3

Ka pas a ɗaw andza i dzeley aha 'ar ka kuray na, i madara sise a Bay ma Bəla ɗaw.

Filipieŋ 1:8

Ayaw, Bay ma Bəla a key seydewe ɗaw ana, i wuɗakwar tabiyaha da kokwoɗ ma Yezu Kriste.

Filipieŋ 2:25

Ama i ma dzala ŋgama i slərəkuraɓa Epafrodit, malam a ɗaw, mandala ɗaw da ma kəɗada vaw da meslərey, na kuray ma sləradəmərawa ka tsakay ɗaw, ka da kaya meslərey, da har ana tek a hətsaya ha na.

Filipieŋ 2:27

Vaw na, ka tsafa ba dərka, a zarawa ketekuɗey na, a mətsey, amana, ŋga ka kar ba da vaw a Bay ma Bəla, ma kar da vaw na, ŋga dada tsa kakay, amana ta yah adzay tiyatsa, ma viya ɗaw ka da səkey adiya adiya zlay.

Filipieŋ 4:1

Kəɗey tok na malam a ɗaw i ma wuɗata haɗa na hay, na i ma wuɗey nduk nduk ma da nəkadata na hay, kuray na wuiya ɗaw, gursam a ɗaw aha, ndzam gədaŋ gədaŋ andza neney da mezəley ma Bay’ərlam malam i ma wuɗata na hay.

1 Piyer 1:6

Kəɗey satsa na, ka maməlam da wuiya, kwa andza da mendzey nekəɗey banay a da ndzafakwar da suwet hay gəle gəle tekeɗe na,