Filipieŋ 2:2 - MEY HAYNA WAYNA MA YEZU KRISTE MA MEVEY

² arka na rəhadəmaya wuiya ɗaw, ta mendzey kwar ma dzəma mey ahiya haya hayaha. Ma wuɗa vaw kwar ka key na asləta, mevel a kwar ka key na asləta, səpam na, me dzəmey vaw.

Filipieŋ 2:2 Iomraidhean Croise

Mey Hayna Wayna ma Yezu Kriste Zaŋ 3:29

Kokwa ma vəla ha na ma zel ma kokwa na təŋga. Dzam ma zel ma kokwa na, ma ndza ha, a pey sləmay ka vəɗe ma ɗay, arka na vəɗe ma ɗay ma zel ma kokwa na na, a rəhada ta wuiya. Wuiya ɗaw ma ka ha na andza ha, wuiya ɗaw ana na kərem haya ha.

Mber 1:14

Tobiyaha ma dzəma mey aya asləta, a ɗulam mey zarra andza ŋgwas hay daha nekəɗey, andza Mariya maya ma Yezu, arka ka zəgawa malam ma Yezu ana hay.

Mber 2:1

Andza pas ma Paŋtekot ma husawa na, taya ma kusa hiya tabiyaha ka maslətaha.

Mber 2:46

Taya ma dzəma mey aya asləta, ka pas ka pas a dawam a 'Ay me key Kuley; da mbaw ta na hay na, a wunəkam peŋ, a zəmam tek ka maslətaha da wuiya, ta mevel ləfeɗeɗe ha.

Mber 5:12

Maslaŋ hay ma kam zeheɗ ta ɗeɗew hay haɗadzidzay ta har ata, da səkway. Taya ma lətsa hiya tabiya ta ha ka maslətaha ka slam ana daha a zəlamar mey mambaw ma Salomoŋ.

Romeŋ 12:16

Dzəmam ɗay ka 'ar vaw kwar ana hay; ka da gəladama vaw kwar zlay, amana, tek na andza ma tərada ndaw tedehe na, ka mbafakwar, ka təradama vaw andza ndaw ma səra ’ar ana hay zlay.

1 Korintieŋ 1:10

Amana, i tsəhafakwar malam a ɗaw hay, ta mezəley ma Bay’ərlam a lakwa Yezu Kriste: ndzam tabiyaha ayaw ayaw, me wenəkey vaw ka da key da walaŋ a kwar daha zlay. Dzəmam mey asləta, ta mesəfrey ana asləta, da 'ar me dzeley ana asləta.

2 Korintieŋ 13:11

Ekəɗey tok na malam a ɗaw hay, ndzam da wuiya, kam meslərey ma ləmada vaw kwar lele, səmam vaw ka 'ar vaw kwar ana hay, dzəmam ɗay, ndzam da zozoy, arka na, Bay ma Bəla ma ma wuɗa vaw, ma zozoy a da ndzey ta kuray.

2 Korintieŋ 2:3

I windaɓa na hərway ma guma neney, tsefe aza ma husaɓa ɗaw na, i ka da ndzefey ndaw, mevel a tsar aha da walaŋ ma ndaw ma da vələmaya wuiya na hay zlay. I sərada me key kwar mambay mambay aha, wuiya ɗaw na, wuiya kwar tabiyaha tiyatsa.

2 Korintieŋ 7:7

Ma ma husaɓa ŋga tsa kakay, amana, ma mesəmey vaw kwar kuray ma səmadəraɓa na. Ka ɓadandar tek a kwar ma sakwar nduk nduk ana ba, yam dey kwar, ta hatsatsa kwar ma dzaŋgərafaya na, ha ma daya 'ar na afəna sa.

Filipieŋ 1:4

Ka pas ka pas da ma ɗuley mey ka kuray tabiyaha na, i ɗuley mey na ta wuiya ha.

Filipieŋ 2:16

Kuray a neney ta guma ma mendzey da vaw ana hay: na ŋga na na, me wezley dey ɗaw ma pas ma Kriste, kavəday ma hwawa ɗaw ana ka bəla, ta ma yawa vaw ɗaw ana na, ka da key tedehe zlay.

Filipieŋ 2:20

Ndaw mekelehe ka tsakay ɗaw a rafaya ma wanəkada me dzeley 'ar ka tek ana ma nəkafakwar dey ana hay na, dakay,

Filipieŋ 4:2

I həladara bəzay a Ivowdi, i həladara bəzay a Seŋtik, ka ndzam da ma dzəma mey haya haya da mezəley ma Bay’ərlam.

Kolosieŋ 2:5

Waway kava dakay, bay 'ar ma vaw ɗaw ana na, ŋga ka tsakay kwar dakay, ama mezek a ɗaw na, ŋga ka tsakay kwar, a mbafaya bəza kakay, andza i ma nəkafakwar ka zəgadama ha meslərey kwar ta tsəveɗ, andza kuray ma ndzaya gədaŋ gədaŋ da me pey 'ar kwar ka Kriste na na.

2 Tesalonisieŋ 2:13

Ŋga la tey na, hayna la ka madəmara sise dzeɓelle a Bay ma Bəla hərway kwar, malam na Bay’ərlam ma wuɗata na hay, hərway Bay ma Bəla ka gaɗəmakwar ba zla da mezley, ma aza ka buwəmakwar ta Mesəfrey ma tərada ndaw kokwoɗ aha, ta me pey 'ar ka dərka ana.

2 Timotey 1:4

Andza i sərafa ka yam dey ɗek na, a saya nduk nduk ma nəkadaka, ma aza i ka rəhey ta wuiya.

Filemoŋ 1:20

Ana ŋgey malam a ɗaw, kadaya meslərey a neney da mezəley ma Bay’ərlam, maya mevel ta Kriste.

2 Zaŋ 1:4

Andza ma ma nəkadata wawa ɗek hay a dam aha ta tsakay tsəveɗ ma dərka, andza na mey ma mewey lakwa ma ndzafukwawa da Baba na na, ma vəlaya wuiya ɗuhwa ha.

3 Zaŋ 1:4

Wuiya ɗaw ɗuhwaha na, na i ma tsənada wawa ɗaw hay a dawam aha da waw me nəkey dey ma dərka na.