Filipieŋ 2:19 - MEY HAYNA WAYNA MA YEZU KRISTE MA MEVEY

¹⁹ I ma dzala da mezəley ma Bay’ərlam Yezu na, mazlambar aha i da slərəkuraɓa Timotey, ma aza ka maya 'ərev ta tek ana wayna hay na i ma da ndzafawa da ’ay kwar ana tiyatsa.

Filipieŋ 2:19 Iomraidhean Croise

Matiyew 12:21

Ka mezəley ŋga na ndaw ma dala hay a da pamar dey.

Mber 16:1

Arka andza ha tok na, ŋga me husey a Derbey, arka a Listre. Da huɗa na, gawla ma Yezu ana daha a zəlamar Timotey, may ŋga na na dey Zuif hay me tərey me pey ’ar aha, ama baba ŋga na na ndaw Grek.

Romeŋ 15:12

Ezayi a ləvey satsa: «Bəzey ma hwaɗ ma Zesey a da bawa 'ar, a da lətsey ma da wata ndaw ma dala hay. A ŋga na, ndaw ma dala hay a da pamar dey.»

Romeŋ 16:21

Timotey ndaw na la ma kam mber tsetsuwe na ka tsadukuraɓa guma, andza Lusiyus, Zazoŋ ka zəgawa Sozipatros gwalay ɗaw hay.

1 Korintieŋ 4:17

I sləradukuraɓa Timotey, wawa ɗaw na i ma wuɗa haɗa da mezəley ma Bay’ərlam ana, ma tsənaya sləmay da mezəley ma Bay’ərlam ana na, mavədiya, ma aza ka madakwar me tetəkey ɗaw na ma kəsadaya da mendzey ɗaw ana ta Kriste, andza na i ma tatəkadara a ndaw hay ka waray ka waray da Egliz hay tabiyaha na.

Efeziyeŋ 1:13

Da ŋga satsa na, kuray ka tsənadama mey ma dərka ba, Mey Wayna na ma buwakwar ana. Da ŋga satsa na, kuray ka pam 'ar ba, ma kafakwar zeheɗ ma Mesəfrey na ma tsəmawa kava na: Mesəfrey Kokwoɗ ana,

Filipieŋ 1:1

La, Pol ta Timotey, gawla ma Yezu Kriste hay, la windəmatar a ndaw kokwaɗ ana hay tabiyaha da Yezu Kriste, a bay ’ar ata na ma kəlatar ke mey ana ta diyakre ta hay, na taya tabiyaha da Filipi ana.

Filipieŋ 2:18

andza ha satsa na, kuray ana tey na, ka dakwar 'ar, kakwama wuiya andza yah ka masləta ha.

Filipieŋ 2:28

I sləradukwaraɓa tsam tsam, ma aza ha nəkadama, ka dadakwar 'ar sa, arka aza yah tey na, mevel ka da tsaya kambəlaɓa sazlay.

1 Tesalonisieŋ 3:2

arka la ma sləradəməkuraɓa Timotey, malam ala, ndaw ma key mber ma Bay ma Bəla da me tələkey mey ta Mey Wayna ma Kriste, ma ka makwar 'ərev, ka səmadakwar da me pey 'ar a kwar,

1 Tesalonisieŋ 3:5

Ma vədiya tok na, andza i ɓəsa sakay na, i ma sləraɓa ndaw ka ɓadiyawa me pey 'ar a kwar, da me wesey na ndaw me petəney ndaw ka da pətənakwar ba na, ma me yey vaw la ka da zəɗey tedehe zlay.

2 Tesalonisieŋ 1:3

Akwa təɗe na, la ka madəmara sise dzeɓelle a Bay ma Bəla hərway kwar malam a ɗaw hay, arka na kassla dərka na, hərway me pey 'ar a kwar na, a gəley aha haɗadzidzay. Ta ma wuɗa vaw kwar ana ka 'ar vaw kwar ana hay na, a gəlawa ha da vaw kwar ka ndaw ka ndaw tabiya kwar aha,

2 Timotey 1:12

Nəkafa i sey banay ana ekəɗey na hərwuiya. Amana a kaya hwaray kakay, hərway i sərada 'ar a ɗaw ma pa ha na ka way, i səradaha dey ta kava, ŋga na a slafa ma wafa vaw ka tek na ma vəla ha, da har a ɗaw ana, kasl ka meney ana.

Ɗeriwel ma Zak 4:15

Akwa hana na ləvam na: «Haɗaw Bay’ərlam ka wuɗey ba na, la daha na, la da kam tek eɗey dakay andza neney.»

1 Piyer 1:21

Ta Kriste na, ka pam 'ar ka Bay ma Bəla, na ma mbəladərawa da walaŋ ma ndaw ma mətsa na hay, arka ma vəlar maram, ha me pey 'ar a kwar, ta me pey dey kwar ma pa ha na ka Bay ma Bəla na.