Filipieŋ 2:17 - MEY HAYNA WAYNA MA YEZU KRISTE MA MEVEY

¹⁷ Kwa mambaz a ɗaw a da mbəɗawa me pesley ka kuley ta meslərey ma me pey 'ar a kwar na, na ŋga na na, a daya 'ar, i kakwama wuiya tsetse ka masləta ha.

Filipieŋ 2:17 Iomraidhean Croise

Mber 20:24

Akwa dərka na na, mendzey ma bay ’ar ma vaw ɗaw ana na, ka kaya da ’ar tikay, tek a ɗaw me wuɗey ana na, i ka ndaslada tsəveɗ me meslərey ɗaw haya haya ha ta mber ma Bay’ərlam Yezu ma vəladiyawa na: me key seydewe ma Mey Wayna, ta hahaya ma Bay ma Bəla.

Mber 21:13

Arka ŋga ma mbəɗandar kava: «Ɗagay ka tuwam, ka həɓadəmaya 'ərev na ka mey? Yah na ma həla vaw aha na ka me dzuwey dada tsa kakay, amana, i ka da mətsey na da Zeruzalem, hərway ma mezəley ma Bay’ərlam Yezu.»

Romeŋ 12:1

Malam aɗaw hay, i həladakwar bəzay da mezəley ma Bay ma Bəla ndaw ma kar da vaw ana, ma kuray ka vəladama vaw kwar andza tek ma ger aha ta dey ana, kokwaɗ ana, ma dar 'ar a Bay ma Bəla. A da tərey na, kuley ma mezek a kwar aha.

Romeŋ 15:16

Ma i ka da tərey ndaw ma key kuley ma Yezu Kriste ka slam ma ndaw Zuif ahiya kakay ana hay, i ma pa ha na gəle, ma ɓey Mey Wayna ma Bay ma Bəla, ma ndaw Zuif ahiya kakay ana hay, ka təram tek me vəley ma tərada kokwoɗ aha ta har ma Mesəfrey Kokwoɗ ana na, ka dar ’ar a Bay ma Bəla.

2 Korintieŋ 12:15

Na ŋga ɗaw na, yah ana me wuɗey, i slafa me zəɗey tek, kwa vaw ɗaw ana, ta 'ar a ɗaw ana kərem hərway kwar, ma vəday ma wuɗakwar a ɗaw haɗa na na, ka da wuɗəmaya sakay na, hərwuiya ɗaw?

2 Korintieŋ 4:12

Kəɗey na, memətsey a key aha mber da vaw la na, ama mendzey na a key mber da kuray.

2 Korintieŋ 6:10

A kəmandar tek ma ndeley ana hay, ama la ka pas ka pas na da wuiya, mbarga hiya, amana, i kadəmata zleley haya hayaha, tek ala dakay, ama tek hay tabiyaha na, na ŋga la!

2 Korintieŋ 7:4

'Ar a ɗaw me pey ka kuray na, ɗuhwa ha dzay, wuiya ɗaw me ndzefey da kuray na, ɗuhwa ha dzay, kuray ka məmaya 'ərev ba, da viya la ma kam tabiyaha na, i ma rəha ha ta wuiya.

Filipieŋ 1:20

Da me hutey ɗaw ana hatsatsa ta me pey dey ɗaw ana na, hwaray a dakaya ha dakay, ama mevel a ɗaw ma ndza ha na, ndar ndar. Ekəɗey ana, kwa ma ka pas ka pas aha na, Kriste a da ɓey vaw da vaw ɗaw, ka key na, da mendzey ɗaw, dakay da memətsey ɗaw na.

Filipieŋ 2:18

andza ha satsa na, kuray ana tey na, ka dakwar 'ar, kakwama wuiya andza yah ka masləta ha.

Filipieŋ 2:30

Hərway me meslərey ma Kriste na, a zarawa ketekuɗey na, a mətsey. A zarawa ketekuɗey na, a zəɗada mendzey ŋga ba ma da ndzey a veɗ a kwar ma kaya meslərey, na kuray ma slafama ma kadəmaya kakay ana.

Filipieŋ 4:18

Akwa ekəɗey na, tek hay a rafəmaya da har daha, ka zəgawa ba na, perzlem kana ma saya na. Ekəɗey na ɗaraya kadəba, andza i ma təɓa tek a kwar ma slərəmiyawa na ba, da har ma Epafrodit na, wurdey ma zey hayna, kuley hayna ma dar ’ar Bay ma Bəla na.

Kolosieŋ 1:24

I ndzefey ekəɗey wuiya ɗaw na, da tsetseh a neney i me sey hərway kwar ana, tek na ma hətsar a tsetseh ma Kriste ana, i ndəvada da slaw vaw ɗaw, mavəday ma vaw ŋga na: Egliz aha na.

1 Tesalonisieŋ 2:8

La ka wuɗəmakwar ba haɗadzidzay, ha la ma həla vaw ahiya na, ma vəlakwar na Mey Wayna ma Bay ma Bəla dada tsa kakay, amana, ta mendzey la na dzay, hərway kuray ka təram ba ndaw andza la ma wuɗəmata haɗa na hay.

2 Timotey 4:6

Nəkafa ekəɗey na ŋga ɗaw na, i ma vəla ha tsoy andza tek ma key kuley aha, har a ma daway ɗaw ka slawa tsoy.

1 Piyer 2:5

kuray ana na, andza ŋgwa ta dey ana hay, fuləkwam a me zley ma ’ay ma mesəfrey ana, ma da tərada səkway kokwoɗ ana, ma baba me key kuley ahiya, ma da kar kuley ta mezek, na ma dar 'ar a Bay ma Bəla ana, ta har ma Yezu Kriste.

1 Zaŋ 3:16

Zla ekəɗey ka səradakwa ma wuɗa vaw na ka neney: ŋga na Yezu ana na, ma vəlada mendzey ŋga hərway lakwa. Lakwa tiyatsa na, hayna lakwa ka vəladakwa mendzey lakwa, hərway ma malam a lakwa hay tey.