Filipieŋ 2:16 - MEY HAYNA WAYNA MA YEZU KRISTE MA MEVEY

¹⁶ Kuray a neney ta guma ma mendzey da vaw ana hay: na ŋga na na, me wezley dey ɗaw ma pas ma Kriste, kavəday ma hwawa ɗaw ana ka bəla, ta ma yawa vaw ɗaw ana na, ka da key tedehe zlay.

Filipieŋ 2:16 Iomraidhean Croise

Matiyew 10:27

Guma ɗaw na i ma tsakwar da ləvaŋ ana na, wudadama ta rəpas, na kuray ma tsənadama ta me sesəkwey ana na, taləkadama mey ka mazaŋ.

Mey Hayna Wayna ma Bay Yezu Kriste Luk 12:8

I ləvakwar: kwa way way ma ɓada vaw ŋga ka slam dey ma ndaw hay, ŋga ndaw aɗaw na, Bəzey ma Ndaw tey na, a da ləvafa ŋga ndaw aŋga, ka slam dey ma madurlam ma Bay ma Bəla hay tiyatsa.

Mey Hayna Wayna ma Yezu Kriste Zaŋ 6:63

Ma ndzaha da ndaw na Mesəfrey, slaw vaw na a nefey haɗa ha dakay. Guma ɗaw i ma tsakwar ana hay na, Mesəfrey ta sifa.

Mey Hayna Wayna ma Yezu Kriste Zaŋ 6:68

Ama Simoŋ Piyer ma mbəɗar kava: «Bay’ərlam, la da dawam na ka tsakay ŋgway sa ŋgway! Guma ɗek hay na, guma ma mendzey me ndəvey kakay ana sana.

Mber 13:26

Malam a ɗaw hay, kuray ka kam na bəzey ma hwaɗ ma Abraham hay, dakay ma ndaw da walaŋ a kwar ma wasam ta Bay ma Bəla na hay na, a sləradəmərawa guma me me buwey a neney na a lakwa.

1 Korintieŋ 1:8

Ma da səmadakwar na ŋga na tiyatsa, ha səlekw, mala ta pas ma Bay’ərlam a lakwa Yezu Kriste na, ka da ŋgələmakwar bəzay zlay.

1 Korintieŋ 9:26

Yah na, i hway na andza neney: i hway na dah 'ar kakay; i kəɗey vaw na andza neney: i kəɗey na a batam kakay.

2 Korintieŋ 1:14

hərway sa ma tek ana la ma tsəmakwar ana hay na, kuray ka tsənadəmandar ba nekəɗey, ka da həslam 'ar hərway la, la da həslam 'ar hərway kwar tey, ta pas ma Bay’ərlam Yezu.

Galat 2:2

I tsəley na, kavəday Mesəfrey ka ɓaya guma ba daha, i ma ɓadatara Mey Wayna, na i ma ɓey da walaŋ ma ndaw Zuif ahiya kakay ana hay. I ma ɓadatara satsa, da me tsəhey 'ar gəle, a ndaw na ma ɗəmatar ndaw ana hay, me wesey na, tsefe mber a ɗaw ma kawa na na, ka da tərey tedehe zlay.

Galat 4:11

Ma wasadaya na, mber a ɗaw ma kawa hərway kwar ana na, a da zəɗey tedehe!

Filipieŋ 1:10

Ma kuray ka səradama ma sesəkey tek na ŋgama na hay, kəɗey na, kuray ka da kam tsəzlak ahiya, mandzara me ŋgəley bəzay ta pas ma da sawa ma Kriste.

Filipieŋ 1:6

Me dzeley 'ar a ɗaw na, andza neney: Ndaw ana ma zələrawa me key mber mambay mambay aha da vaw kwar ana na, a da husada, a da ndaslada ba kasl ka pas ma Yezu Kriste.

1 Tesalonisieŋ 2:19

Akwa na, tek ala ma me pey dey la na na, na waray? Wuiya la, me ŋgelekey la na na, a da tərey na gursam ala, ha ka slam dey ma Bay’ərlam lakwa Yezu, ta pas ma ma da sawa ŋga na na, sey kuray zləna wiyaway saway?

1 Tesalonisieŋ 3:5

Ma vədiya tok na, andza i ɓəsa sakay na, i ma sləraɓa ndaw ka ɓadiyawa me pey 'ar a kwar, da me wesey na ndaw me petəney ndaw ka da pətənakwar ba na, ma me yey vaw la ka da zəɗey tedehe zlay.

Ebrew 4:12

Akwa guma ma Bay ma Bəla na ŋga daha ta dey wer wer, ɓeɓer ɓeɓer, a zəmey a fəna maslalaɓ na mey tsew ana hay tabiyaha, a fuləkwey na, ha a tsadata mezek ta mesəfrey adzay, mezəvey hay ta o'oz adzay, a sasəkata tek na da mevel ana hay, ta 'ar me dzeley hay.

1 Piyer 1:23

Akwa na, kuray a neney ma yadəməkurawa mekelehe na na, a yadəməkurawa na, ta haləfaw na me zey ana kakay, amana, ta haləfaw na me zey kakay ana, ta guma ma Bay ma Bəla na ŋga ta dey ana ma tsoy aha na.

1 Zaŋ 1:1

Tek ana me key zla da mezley ana, tek ana la ma tsənadəmərawa na, la ma nəkadəmərawa ta dey la na, tek ana la ma zazurəmərawa na, arka na har ala ma ləmərawa na, Ndaw ana Mey ma Bay’ərlam ma mesəfrey ana.

Apokalis 22:17

Mesəfrey ta kokwa na a ləvam: Sawa! Hayna ndaw ma tsənada na ka ləvey: Sawa! Haɗaw ndaw ana yam a harta ha na ka sawa. Ndaw ana me wuɗey ana na, a ndzefey yam me vey ana ma hayaha.