Filipieŋ 2:15 - MEY HAYNA WAYNA MA YEZU KRISTE MA MEVEY

¹⁵ mendzey andza bəzey ma Bay ma Bəla ahiya, mandzara luweɗ da walaŋ ma ndaw ma bəla neney ma ŋgəsaya na, ma bəraya na hay. Ka da nəkəmawa da huɗa na, andza 'ar yam ma waw me nəkey dey ma bəla ha.

Filipieŋ 2:15 Iomraidhean Croise

Matiyew 10:16

Nəkam dey, i sləradakwar na kal kal andza təɓaŋ hay a walaŋ ma dəvar hay. Hayna kam wewer andza ma gwavaŋ, təram ləfeɗeɗe ahiya andza hwoɗəgwam hay.

Matiyew 17:17

Yezu na me mbəɗey kava, me ləvey: «Kuray ndaw a neney ekəɗey ana hay, ma pam 'ar ka Bay'ərlam kakay, ma kam tek hayakakay ana hay. I da ndzey ta kuray na, kasl ka waray? I da ɓəsakwar na kasl ka waray? Aŋga sadəmiyawa wawa na, ka sləna.»

Matiyew 5:45

ma kuray ka da təram dərka na bəzey ma Baba kwar da 'ərlam ahiya, hərway ŋga na, a sləradərawa pas aŋga na, ka ndaw seweɗ ana hay, ta ndaw kokwoɗ ana hay dzay; a pawa yam na, ka ndaw dzerey ana hay, ta ndaw dzerey kakay ana hay dzay.

Matiyew 5:48

Kuray tok na, ka da təram na kərem kokwoɗ a hiya, andza Baba kwar da 'ərlam, ŋga na kərem kokwoɗ aha na.»

Mey Hayna Wayna ma Bay Yezu Kriste Luk 1:6

Tsetsuwe taya na, dzerey ahiya ka slam dey ma Bay ma Bəla. A səpama mey ma mewey ma Bay’ərlam hay na təɗe təɗe, kwa ma ŋgəla bəzay kava dakay.

Mey Hayna Wayna ma Bay Yezu Kriste Luk 6:35

Amana wuɗəmata ndaw dugwan a kwar hay, kam tek hayna hay, dadeɗamar tek mandzara me dzeley ka da mawa. Arka na ka da ndzafam masa kwar ɗuhwa ha, ka da təram na bəzey ma Bay'ərlam tsaŋ da mekekəle ŋga ahiya, hərway ŋga na a wuɗata ndaw me pətey har ana hay, ta ndaw seweɗ ana hay dzay.

Mey Hayna Wayna ma Yezu Kriste Zaŋ 5:35

Zaŋ na, andza lalam ma kam waw kava me wuɗey ana, ka dakwar 'ar ba ma kada wuiya ta waw aŋga na da mendzey nekəɗey.

Mber 2:40

Tasa ma guma na sana hay na, Piyer me key seydewe na, ma səmadata. Ŋga ma ləvatar: «Wanəkam ba ka vaw ta ndaw ma bəla neney ma ŋgəsa na hay, ma ha da ləham vaw kwar.»

Mber 20:30

Da walaŋ a kwar ana tekeɗe na, ndaw ta guma haya kakay ana hay a da lətsəmawa 'ar, a da pətənəmata gawla ma Yezu hay ma ka pəmatar bəzay.

Romeŋ 16:19

Ma tsəney sləmay kwar na, akwa na, ndaw hay tabiyaha a səradama. Kəɗey tok na, i key wuiya hərway kwar, amana, i wuɗey na təram ndaw ma səra 'ar aya, ma key tek hayna hay. Ndzam mandzara meŋgəsey ka vaw, ka da kam tek haya kakay ana hay zlay.

1 Korintieŋ 1:8

Ma da səmadakwar na ŋga na tiyatsa, ha səlekw, mala ta pas ma Bay’ərlam a lakwa Yezu Kriste na, ka da ŋgələmakwar bəzay zlay.

2 Korintieŋ 6:17

Bay’ərlam a ləvey na: «Bəmawa ba da walaŋ ma ndaw ana ŋga na hay, ndzam slam a kwar gəle, ɗaɗa ka da ɓəlamar a tek na ma zləɓa na zlay, arka yah tey na, i da ŋgəlakwar.

Efeziyeŋ 5:27

A wuɗey ka ɓadara vaw na, a bay 'ar ma vaw ŋga na, mambay aha, mandzara luweɗ, mandzara həzlay ma vaw ka gerɗesey, kwa tek ma ŋgəsa ha kava dakay: a wuɗey na, Egliz aŋga ka key na kokwoɗ aha, me ŋgəley bəzay kava dakay.

Filipieŋ 1:10

Ma kuray ka səradama ma sesəkey tek na ŋgama na hay, kəɗey na, kuray ka da kam tsəzlak ahiya, mandzara me ŋgəley bəzay ta pas ma da sawa ma Kriste.

Filipieŋ 3:6

ka ma gawla ley na, i ndaw ma kada tatakway ta Egliz, ka me səpey dzerey da Mewey na, i da tərey na, ndaw ma slafa ma ŋgəlaya bəzay dakay.

1 Tesalonisieŋ 5:23

Hayna Bay ma Bəla ma zozoy ana ta 'ar aŋga na, ka təradakwar kərem kokwoɗ ahiya, arka aza na, mesəfrey kwar, mezek a kwar, ta tapay ma vaw kwar, ka da ndzam ma wa vaw aya, mandzara meŋgəsey, mandzara me ŋgəley bəzay, ta pas ma da sawa ma Bay’ərlam lakwa Yezu Kriste.

1 Timotey 3:10

Taya tiyatsa na, ka hələmatara suwet ba ɗagay, arka a dəba na na, haɗaw ka ndzafam meŋgəsey ma tek ka taya dakay na, a slafama me key mber ma Diyakre tok.

1 Timotey 3:2

Haya satsa na, ndaw me tsukurey ma səkway ma Yezu ana hana na, ka key na ndaw ma ŋgəlar bəzay dakay, hayna ŋgwas aŋga asləta, a sey zom kakay, ka sərada 'ar, a war 'ar a vaw ŋga, a ŋgəley ndaw haya haya, a slafa me tetəkey ndaw hay,

1 Timotey 5:14

Akwa a saya tok na, madakway bəza na hay na, ka zəgam zel ata hay, ka yam bəza hay, ka wam veɗ 'ay ta hay, kəɗey na ka da vəlamar slam har a me ŋgəley bəzay haya kakay ana ma ndaw dugwan zlay.

1 Timotey 5:20

Ndaw na ka ŋgəsam ba na hay na, katar say ma dey ma ndaw hay tabiyaha, ma aza sa na hay ka wasam tiyatsa.

1 Timotey 5:7

Nəkafa ka guma kah ma da tsatar a 'ar ana sa, ma ka da ndzam mandzara me ŋgəley bəzay na.

Ɗeriwel a Tit 1:6

Kwa way way da walaŋ ata ka key na, a ŋgəlamar bəzay tata kakay, zel ma ŋgwas asləta, hayna wawa ŋga hay ka kam na a pam 'ar, ma ka da tsafəmata mendzey ta na hayakakay, dakay na a tsənam sləmay kakay zlay.

Ɗeriwel a Tit 2:10

mandzara ka mbəkom tek. Hayna ka pas ka pas na, ka kadama vaw ta, ndaw me tsəney sləmay ahiya dərka na, kəɗey andza ha tok na, a da hasəkadəmara bəzay a mezəley ma Bay ma Bəla, me buwey lakwa.

Ɗeriwel a Tit 2:15

Haya aza tsa guma na andza neney, ma həladatara bəzay a ndaw hay, ta ma katar say ta mazlaɗ aha haya hayaha. Kwa ndaw ka da rəsaka zlay.

Ebrew 7:26

Kassla ma sandakwar na baba ɗuhwa na me key kuley ana na, andza na ŋga na: kokwoɗ aha, malay ŋga dakay, ka ŋgəsey tikay, ma tsaha ba ka vaw ta ndaw ma ŋgəsa na hay, ma tsakafa ha pərazl ndasl ma 'ərlam.

1 Piyer 2:12

Hayna mendzey kwar ka nəkey mambay aha da walaŋ ma ndaw Zuif ahiya kakay ana hay, ma aza ka slam ana andza a ŋgələmakwar aha bəzay, andza a ndaw me key tek haya kakay ana hay na, tek a kwar me key hayna hay ka ɓatar waw, ma ka da səmbərama Bay ma Bəla, ta pas ma ma da sawa ŋga.

1 Piyer 2:9

Ama kuray na, kuray da me Səmbərey ma gaɗəma na, gwalay ma baba me key kuley ma 'ay Bay, ndaw ma dala kokwoɗ ana hay, səkway na ma vəla ha ma Bay ma Bəla na, ma kuray ka tələkadama mey ta tek ma ka hiya ɗuhwa hiya na hay, ma Ndaw ma zələkurawa da ləvaŋ, a waw me nəkey dey haya bəza kakay ana,

2 Piyer 3:14

Mavəday ma mey tok na dzam a ɗaw hay, kam gədaŋ hayna ka ndzafakwar na da zozoy, kassla, mandzara ka ŋgələmakwar bəzay.

Apokalis 2:5

Hayna sərafa tok na, ka təɗawa na ka waray? Mbəɗada mendzey ɗek, arka na kata meslərey ɗek a zlekete na hay. Dakay na, i da daɓa ta tsakay ɗek, haɗaw ha mbəɗada mendzey ɗek kakay na, i da tsəkwa tek me key waw eɗek ana ba ka slam ŋga.

Apokalis 3:9

Nəkafa i vəlaka ndaw ma 'ay me ɗuley mey ma Sataŋ hay, na ma ləvam: la na Zuif ahiya na hay, ama azlakwa zlay a tsam malwaɗay. Nəkafa, i da sadatərawa ka da gərdam ka slam sek a ɗek, arka a da səradama na, i ka wuɗaka ba.