Filipieŋ 2:14 - MEY HAYNA WAYNA MA YEZU KRISTE MA MEVEY

¹⁴ Kam tek hay tabiyaha na, mandzara kuray ka gwaŋguɗam mey, mandzara me tərey vaw.

Filipieŋ 2:14 Iomraidhean Croise

Matiyew 20:11

Andza a təɓama ha na, ma gwaŋguɗam mey ka bay ma 'ay ana.

Mark 14:5

Akwa ka haɗəkadama wurdey a neney na, a sadərawa gabal temere makar na, a vəladəmatara sumkwo na a ndaw mbarga na hay!» Arka taya na ma kafama mevel ka ŋgwas ana hana na.

Mark 9:14

Andza a səmawa ha ka slam ma gawla ŋga hay na, taya ma nəkadəmata ndaw hay haɗadzidzay, ma kusa hiya ka tsakay ta. Ndaw me sesəkey mewey hay a kəɗam aha waway ta taya.

Mey Hayna Wayna ma Bay Yezu Kriste Luk 5:30

Fariziyeŋ hay, ta ndaw me sesəkey Mewey ta hay ma gwaŋguɗam mey, ma ləvəmatar a gawla ma Yezu hay: «Ɗagay ka zəmam tek, ka sam tek andza ndaw me tsekeley dzaŋgal hay, ta ndaw ma ŋgəsa na hay na ka mey?»

Mber 15:2

Me tərey vaw ma sawa ɗuhwa ha, dzendze me key da walaŋ ma ndaw me tetəkey ndaw ana hay Pol ta Barnabas. Arka taya ma dzalam me slərey andza Pol ta Barnabas ka zəgawa ndaw hay nekəɗey, ka dawam a Zeruzalem ka da ndzafəmata maslaŋ hay ta ndaw ma səka na hay kavəday ma guma na.

Mber 15:39

Me tərey vaw ta na na ka key ba haɗa, a da wunam 'ar na, kwa way way me zəgey tsəveɗ aŋga. Barnabas ma ŋgəla Mark, ma dawam ta kombiwal a Sipre.

Mber 15:7

Andza guma na a səkey aha adiya na, Piyer me mbəɗey kava me ləvey: «Ka səradama ha seŋgey, malam a ɗaw hay, Bay ma Bəla ka zəgaya ba zla da bəziya, da ’ay kwar, ndaw ma dala na Zuif ahiya kakay ana hay, ka tsənadama Mey Wayna ba ta huɗa mey ɗaw, arka na ka təram ba ndaw me pey 'ar ahiya.

Mber 6:1

Da har ana ŋga na na, ndaw me pey 'ar hay a səkam na ka meney ka meney. Zuif na ma tsam mey grek ana hay, a gwaŋguɗəmatar mey a Zuif ma ya hiya da ŋgwa na hay, kavəday a mətəkadəmata 'ar ba ta madakway ta hay, da slam me wunəkey tek me zəmey.

Romeŋ 12:18

Kendzey ha na na a key vaw, paɗ ka kuray ana na, ndzam da zoyzoy ta ndaw hay tabiyaha.

Romeŋ 14:1

Hayna ŋgəlama ndaw na bəleha da me pey 'ar ana na, mandzara ka tsafa ka tek aŋga ma dzeley ana.

Romeŋ 16:17

Malam a ɗaw hay, i həladakwar bəzay, wam daw ka vaw ka ndaw ma sadərawa me tsey vaw ana hay, ma zləgadata ndaw hay ana, a kam na tek me zləgey ndaw ka tek ma tatəkadəmakwar ana hay, hwam ba dəreŋ ta taya.

1 Korintieŋ 10:10

A dəba na tok na, ka da gwaŋguɗam mey andza ma ndaw hay daha da walaŋ ata ma kam ana zlay; madurlam na me hətey ndaw hay ana ma bazlata.

2 Korintieŋ 12:20

I wesey akwa na, naŋgarhay i ka da husaɓa ba na, i da ndzafakwar aha andza na i me wuɗey ana sakay, dakay na ka da ndzafəmaya ha, andza ma kwar kuray ma wuɗam ana sakay. I wesey naŋgarhay dzendze, səleŋ, me key mevel, me kəɗey waway, me həley ndaw hay ka vaw, me tsey ka ndaw, me ŋgəley bəzay, me bərey, me key tek so ha daha da 'ay kwar.

Galat 5:15

Ama kendzey ka zam vaw ka 'ar vaw kwar ana hay, ka pəɗam vaw ka 'ar vaw kwar ana hay na, wam daw ka vaw, ka da zəɗam vaw ka 'ar vaw kwar ana.

Galat 5:26

Ka da ŋgalakakwa ka 'ar vaw lakwa na hay zlay, ka 'ar vaw lakwa na hay na, me zerey mey ka da key daha zlay, me ney dey ka da key daha zlay.

Filipieŋ 2:3

Ɗaɗa ka da kam tek ta səleŋ aha zlay, ta me ɓey ta vaw aha zlay, amana, ta ləfeɗeɗe ha, nəkafəmata ka sa ma ndaw hay na, andza a fənəmakwar.

1 Tesalonisieŋ 5:13

Hayna hasəkadəmatara bəzay haya haya, da ma wuɗa vaw kavəday ma meslərey ta, ndzam da zozoy ka 'ar vaw kwar ana.

1 Tesalonisieŋ 5:15

Wam daw ka vaw, hayna kwa ndaw ka da madara gandaf ma ndaw zlay, ama səpam ka pas ka pas na, me key hahaya da walaŋ a kwar hərway ma ndaw hay tabiyaha.

Ebrew 12:14

Səpam zozoy ta ndaw hay tabiyaha, ta me tərey kokwoɗ aha, hərway mandzara kokwoɗ na, ndaw a da nəkada ha Bay’ərlam kakay.

Ɗeriwel ma Zak 1:20

hərway mevel ma ndaw ma tsar na, a ndaslada dzerey ma Bay ma Bəla kakay.

Ɗeriwel ma Zak 3:14

Ama kendzey mevel a kwar ma rəha ha ta səleŋ haykakay ana, ta me dzeley 'ar ma me kəɗey waway na, ka da ŋgalakam ma kuray ka da ŋgəsadama dərka ta maləwaɗay kwar ana hay zlay.

Ɗeriwel ma Zak 5:9

Malam aɗaw hay, ka da gwaŋguɗam mey ka 'ar vaw kwar ana hay zlay, ma aza ka da kafəmakwar sariya zlay, nəkafama, ndaw me key sariya na ma lətsa ha ka mey mambaw kwar hay.

1 Piyer 3:11

ma mbəɗar dəba a tek haya kakay ana, me key tek hayna, me səpey zozoy, ma səpar bəzay,

1 Piyer 4:9

Ŋgəlam vaw ka 'ar vaw kwar ana hay mandzara ma gwaŋguɗey mey.

Ɗeriwel ma Zud 1:16

Na ŋga na na, taya təŋga ndaw ma dzendze hay, ta ndaw me gweŋguɗey mey hay, ma kəlatar ka mey na tek me sey ta, ma bawa da huɗa mey ta na gandala ma guma hay, a da ɗamar ndaw a ndaw na, sey ka tek ata ma da ndzefey ka ŋga daha.