Filipieŋ 2:12 - MEY HAYNA WAYNA MA YEZU KRISTE MA MEVEY

¹² Dzəm a ɗaw hay, da ma ndzawa kwar na, ka tsənam sləmay bəza kakay ana na, ka da kam andza i daha dada tsa zlay, ama a fəna sa na, ekəɗey akwa na, kwa i dakay na, ta me wesey aha kwasl kwasl na, kadama mber ma me buwey kwar.

Filipieŋ 2:12 Iomraidhean Croise

Matiyew 11:12

Zla da har ma Zaŋ Batist, kasl ekəɗey na, a zarafama mey ka Slala ma 'ərlam ma sukom, ma buwa na ndaw sukom ana hay.

Matiyew 11:29

Hayna zəgam na dambəla ɗaw, da tatəkam na ka yah, hərway yah na kokwoɗ aha, i ləfeɗeɗe ha da mevel. Arka tok na, mezek a kwar hay a da sasəkam vaw.

Mber 16:29

Sidzew ma daŋgay ana me tsəhey waw, ma hway 'ar a hwaɗ ma 'ay ana ta me wesey aha ka vaw, ma kəley ka slam sek ma Pol ta Silas.

Mber 9:6

Amana, lətsey, fuləkwey a wuraw na, a da ɓadəmaka tek eɗek ana ma da key ana.»

Romeŋ 2:7

mendzey me ndəvey kakay ana na, a ndaw ta matanduroŋ ata ma key ka tek hayna hay, na ma səpam maram, me hesəkey bəzay ta mendzey me mətsey tikay ana.

1 Korintieŋ 15:58

Kəɗey tok na malam a ɗaw i ma wuɗata ana hay, ka da mam ta dəba zlay, ka da təɗam zlay, guram ka mey ka mey da meslərey ma Bay’ərlam, səradama me yey vaw kwar da mezəley Bay’ərlam na, tedehe kakay.

1 Korintieŋ 2:3

hərway mavəday, da har i da walaŋ a kwar na, i kada vaw ɗaw na bəle ha, zluwer aha, i wesey ka vaw kwasl kwasl.

1 Korintieŋ 4:14

I windadukuraɓa na, ma ka da pakwar hwaray a dey kakay, ama i kakwar ka ’ar ɗaf andza a bəzey ɗaw ma wuɗata na hay.

2 Korintieŋ 7:15

Kokwoɗ aŋga ma kakwar ana a səkey adiya, kendzey a dzalada me tsəney sləmay kwar tabiyaha, zluwer a kwar ta ma wasamar a kwar da har andza kuray ma ŋgəlama na na.

Efeziyeŋ 6:5

Beke hay, tsənəmatar sləmay a ndaw ma wumakwar ka dala na hay, ta me wesey aha kwasl kwasl, ta mevel ləfeɗeɗe ha, andza a Kriste.

Filipieŋ 1:27

Haya dzadzak na, ndzam andza na ma Mey Wayna ma Kriste, haɗaw i da daɓa ma da nəkurawa na, kwa kendzey i dakay na, i tsənada a tsam aha ka kuray, ma ɓadəmaya kuray mandzaya mambay aha da mesəfrey ana asləta, ka kəɗam aha vaw ka masləta ha, ta mevel asləta, andza ma me pey 'ar ma Mey Wayna.

Filipieŋ 1:29

Hərway ka kakwar hahaya ba kavəday ma Kriste, ama da me pey'ar ka ŋga dada tsa kakay, ama satsa na, da me key tsetseh hərway ŋga,

Filipieŋ 1:5

Hərway ma lakwa ma dzəmakwa dzaya ka Mey Wayna, zla ta pas tsəfəmey aha na, kasl ekəɗey.

Filipieŋ 1:6

Me dzeley 'ar a ɗaw na, andza neney: Ndaw ana ma zələrawa me key mber mambay mambay aha da vaw kwar ana na, a da husada, a da ndaslada ba kasl ka pas ma Yezu Kriste.

Filipieŋ 2:19

I ma dzala da mezəley ma Bay’ərlam Yezu na, mazlambar aha i da slərəkuraɓa Timotey, ma aza ka maya 'ərev ta tek ana wayna hay na i ma da ndzafawa da ’ay kwar ana tiyatsa.

Filipieŋ 4:1

Kəɗey tok na malam a ɗaw i ma wuɗata haɗa na hay, na i ma wuɗey nduk nduk ma da nəkadata na hay, kuray na wuiya ɗaw, gursam a ɗaw aha, ndzam gədaŋ gədaŋ andza neney da mezəley ma Bay’ərlam malam i ma wuɗata na hay.

Filipieŋ 4:15

Kuray ana ka səradama seŋgey, kuray Filipiyeŋ hay, da ma zlawa ma Mey Wayna na, andza i ma mbəkadərawa Masedowan ba na, kwa Egliz asləta ka nəkey dey ka tek ma merɓey ɗaw ta tek a ɗaw me zəɗey ana na dakay, sey kuray dada.

1 Tesalonisieŋ 1:3

La sərafama ka me pey 'ar a kwar da tek a kwar ma kam, da ma wuɗa vaw, da ma vəlada vaw me key viya hərway ma ndaw hay, da me pey dey kwar ta matanduroŋ aha, da Bay’ərlam a lakwa Yezu Kriste, ka slam dey ma Bay ma Bəla Baba lakwa.

2 Timotey 2:10

kavəday ma mey na, i ɓəsata tek a neney hay tabiyaha na, hərway ma ndaw ma gəɗəma na hay, ma aza taya tiyatsa na ka ndzafam me buwey na, da Kriste Yezu ana, ta maram me ndəvey kakay ana.

Ebrew 12:1

Kəɗey tiyatsa na, lakwa neney ndaw seydewe lakwa hay kambəlaɓa ka tsakay ana hay na, kəladakwa tek a neney ma ləhandakwar ana, ta meŋgəsey a neney ma sərada ma ɗawalandakwar bəzakay ana ba, arka na hwakwama ta matanduroŋ aha, ma təɓa suwet ana ma həlafəmandakwar ana.

Ebrew 4:1

Wasakwama tok zləna, guma daha Bay ma Bəla ma tsandukurawa kava, ka ma da fuləkwey a mesesəkey vaw ŋga. Wasakwama zləna, naŋgar hay ndaw da walaŋ a kwar a da sərafa na ma məta'ar aha.

Ebrew 4:11

Hayna fuləkwakwama tsam tsam a me sesəkey vaw ana ŋga na na, ma aza me tsey dey ka me tsəney sləmay kakay ana ŋga na, ka da vaha ndaw a me zəɗey sazlay.

Ebrew 5:9

arka andza me husey ba kasl ka ma da ndaslada ŋga na, a da tərey ka ndaw ma tsənamar sləmay ana hay na, ndaw me buwey ta ma kwaza ha na,

1 Piyer 2:11

Kuray a neney i ma wuɗakwar bəzakakay ana hay, i həladakwar bəzay na, hayna mbəkadama tek me sey ma slaw vaw na, ma kar vərom a mezek ma vaw ana, kam andza ma mbəlak hay, ta ndaw na a dawam aha tek ata na hay.

2 Piyer 3:18

Amana, gəlam da hahaya ta ma sərada Bay’ərlam a lakwa, ta Mebuwey lakwa Yezu Kriste. Ŋga na, a wezley dey zla ekəɗey na, ha kasl ka pas ma me ndəvey kakay ana. Amen!