Filipieŋ 2:1 - MEY HAYNA WAYNA MA YEZU KRISTE MA MEVEY

¹ Haɗaw azlakwa mezəley ma Kriste daha, ma səma vaw da ma wuɗa vaw daha, ma dzəma mey ma Mesəfrey, ma ləɓa vaw ta ndaw me key da vaw daha na,

Filipieŋ 2:1 Iomraidhean Croise

Mey Hayna Wayna ma Bay Yezu Kriste Luk 2:25

Arka azlakwa tok na, ndaw ana daha da Zeruzalem, a zəlamar Simeiyoŋ. Ndaw ana na dzerey aha ma ɗamara ’ar aha,, a hutey aha ndaw ma da bədada Israyel ana. Mesəfrey Kokwoɗ ana ŋga ta ŋga.

Mey Hayna Wayna ma Yezu Kriste Zaŋ 14:18

I da mbəkadakwar aha matakwam ahiya kakay, i da sawa ka tsakay kwar.

Mey Hayna Wayna ma Yezu Kriste Zaŋ 14:27

I mbəkadakwar zozoy, i vəladakwar zozoy ɗaw. I vəladakwar na andza ma ndaw ma bəla hay tikay, 'ərev ka da həɓakwar zlay, ka da wasam zlay.

Mey Hayna Wayna ma Yezu Kriste Zaŋ 17:13

Ekəɗey na, i daɓa ha 'ay ɗek, i tsadatara ha guma a neney hay ka bəla na, ma taya ka ndzafama wuiya ɗaw kərem.

Mber 2:46

Taya ma dzəma mey aya asləta, ka pas ka pas a dawam a 'Ay me key Kuley; da mbaw ta na hay na, a wunəkam peŋ, a zəmam tek ka maslətaha da wuiya, ta mevel ləfeɗeɗe ha.

Mber 4:32

Ndaw me pey 'ar ana hay haɗadzidzay ana na, mevel ata asləta, me dzeley 'ar ata asləta, kwa ndaw da walaŋ ata me ləvey: neney tek a ɗaw na dakay; dzadzak a padama zleley ta hay na, ka maslətaha.

Romeŋ 5:5

Arka ma pey dey tey na, a zləgey ndaw kakay, hərway ma ma wuɗa vaw ma Bay ma Bəla na, ka guvawa ba a mevel a lakwa hay ta Mesəfrey Kokwoɗ ana, na ma vəladəmandukurawa na.

Romeŋ 8:26

andza ha satsa na, Mesəfrey Kokwoɗ ana tiyatsa na, a sawa ma da dzənandakwar da bəle lakwa na, hərway i səradakwa ma ɗuley mey andza na a dafa na kakay. Amana, Mesəfrey Kokwoɗ ana a ɗular mey a Bay'ərlam da mey lakwa, ta ma gweguzey aha, hərway ndaw a sərada ma weley ŋga na kakay.

1 Korintieŋ 12:13

Hərway a dzuhəɓadəmandakwar na a Mesəfrey ana asləta, ma da tərey vaw ma ndaw asləta: Zuif hay, Grek hay, beke hay ta ndaw ma wama 'ar ata na hay, i səkwawa tabiyaha na, Mesəfrey ana asləta.

1 Korintieŋ 15:31

Ka pas ka pas i ma ŋgwaha vaw aha a memətsey, ayaw, i ɓadakwar dərka na, malam a ɗaw hay, kuray na, tek ma me ŋgelekey ɗaw da mezəley ma Yezu Kriste Bay’ərlam a lakwa.

1 Korintieŋ 3:16

Ka səradama kuray na, 'ay me key kuley ma Bay ma Bəla, Mesəfrey ma Bay ma Bəla ma ndzaha da vaw kwar tikay ɗaw?

2 Korintieŋ 2:14

Təɗe ma madara sise a Bay ma Bəla, ta Kriste na ma dadandakwar da mendzey tabiya ha da me zəgey ’ar me sleɗ aŋga, ta lakwa na, a wetsey wurdey ma me sərey tek aŋga ka waray ka waray tabiya ha.

Galat 4:6

Kuray na, bəzey ŋga hay dərka, Bay ma Bəla ka sləradərawa Mesəfrey ma Bəzey ŋga ba a mevel a lakwa hay, a zəla ta me wudey aha: Aba - Baba!

Galat 5:22

Ana nəkafama ka mber ma Mesəfrey ma sadərawa na: ma wuɗa vaw, wuiya, zozoy, me zəgey mevel, kokwoɗ, hahaya, me pey 'ar,

Efeziyeŋ 4:4

Vaw ana ŋga asləta, Mesəfrey ana ŋga asləta, andza ma mber a kwar Bay'ərlam ma zəlakwar kava, ma da pey dey, me hutey tek ana asləta;

Filipieŋ 1:8

Ayaw, Bay ma Bəla a key seydewe ɗaw ana, i wuɗakwar tabiyaha da kokwoɗ ma Yezu Kriste.

Filipieŋ 3:3

Hərway ndaw ma sla kuɗey ana hay na, lakwa neney, ma kakwar kuley a Bay ma Bəla ta Mesəfrey ana, ma padakwa me wezley dey lakwa ka Yezu Kriste ana, ma mbəkadakwa vaw lakwa hay a bay'ar ma vaw lakwa na hay kakay ana.

Kolosieŋ 2:2

A saya na, ka səmadama mevel ata adiya, ka dzəmam mey mambay mambay aha da ma wuɗa vaw. Ka fuləkwam a zleley ŋga tabiyaha, a me sərey tek hay tabiyaha, a ma sərada tek ana na ma kəzla ha na ma Bay ma Bəla: Kriste

Kolosieŋ 3:12

Hərway kuray ma gaɗəmaya, ma təra hiya ba kokwoɗ ahiya, Bay ma Bəla a wuɗakwar sana, kəlam ka vaw tok na mevel ma ndaw ma kar da vaw ana, me səŋgərey da mey, ləfeɗeɗe, ma ləɓa vaw, ta ma zəgey mevel.

Ebrew 6:18

Kəɗey na, tek a neney tsew ana hay na, a mbəɗam kakay, da huɗa tsetsuwe ta ahiya na, na Bay ma Bəla me ŋgəley ana da huɗa dakay, tek ana hay a səmadandakwar ta ma slafa ŋga, lakwa neney ma mbəkadukurawa tek hay tabiyaha, ma da zəgey har ka me pey dey a neney ma tsa ha kava na.

1 Piyer 1:2

Ma gaɗəmaya andza na ma Bay ma Bəla Baba me wuɗey ka key andza ha na, ta har ma Mesəfrey Kokwoɗ ana, ma təradata kokwoɗ ahiya, ma ka tsənamar sləmay a Yezu Kriste, ma aza ka da ndzafam mambaz aŋga, ka da pəradata, hayna hahaya ma Bay'ərlam ta zozoy ŋga, ka safukurawa haɗadzidzay.

1 Zaŋ 3:24

Ndaw ma wafa vaw ka mey ma mewey ŋga na hay na, ma ndza ha da Bay ma Bəla, Bay ma Bəla tey ŋga da ŋga. andza ha tok na, i səradakwa ma ndza ha da lakwa, kuse ma Mesəfrey ŋga ma vəlandukurawa ma hayaha na tok.

1 Zaŋ 4:12

Bay ma Bəla na, ɗaɗa ndaw ka nəkada ta dey ŋga na dakay, haɗaw ka wuɗakwama vaw ka 'ar vaw lakwa na hay na, Bay ma Bəla a da ndzey da lakwa, arka ma wuɗa vaw ŋga da lakwa ka ndesley ba.

1 Zaŋ 4:16

Arka la na, la səradama, ma wuɗa vaw ma Bay ma Bəla me key da walaŋ ala na, ka vəday la ma pəmawa 'ar kava, Bay ma Bəla na kokwoɗ aha. Ndaw ma ndzey da ma wuɗa vaw na, ma ndza ha da Bay ma Bəla, Bay ma Bəla tey ma ndza ha da ŋga.