Filipieŋ 1:6 - MEY HAYNA WAYNA MA YEZU KRISTE MA MEVEY

⁶ Me dzeley 'ar a ɗaw na, andza neney: Ndaw ana ma zələrawa me key mber mambay mambay aha da vaw kwar ana na, a da husada, a da ndaslada ba kasl ka pas ma Yezu Kriste.

Filipieŋ 1:6 Iomraidhean Croise

Mey Hayna Wayna ma Yezu Kriste Zaŋ 6:29

Yezu ma mbəɗatar kava: «Mber ma Bay ma Bəla na, me pey 'ar ka Ndaw ŋga ma sləradərawa na.»

Mber 11:18

A dəba ma guma ŋga neney na, ndaw ma pafama sləmay ana hay ma ndzam tete, arka na, ma səmbərama Bay ma Bəla: «Nəkafama Bay ma Bəla ka vəlatərawa me mbəɗey mendzey ba a ndaw ma dala na Zuif ahiya kakay ana hay, ma da kəsadata a mendzey hayna.»

Mber 16:14

Naŋgar asləta da walaŋ ata a zəlamar Lydi a filey veveze, ŋga dem ma wuraw ma Tiyatir. Ŋga na a ɗular aha mey a Bay ma Bəla ka dəba, a pey aha sləmay haya hayaha, hərway Bay’ərlam ka wuradara mevel aŋga ba, me pey sləmay ka guma ma Pol təɗe təɗe.

1 Korintieŋ 1:8

Ma da səmadakwar na ŋga na tiyatsa, ha səlekw, mala ta pas ma Bay’ərlam a lakwa Yezu Kriste na, ka da ŋgələmakwar bəzay zlay.

2 Korintieŋ 1:15

Arka da ma sərafa ɗaw ana na, i wuɗey ma da daɓa ba ta 'ay kwar ɗagay, ma i ka ndzafawa hahaya dey ma tsetsew ana.

2 Korintieŋ 2:3

I windaɓa na hərway ma guma neney, tsefe aza ma husaɓa ɗaw na, i ka da ndzefey ndaw, mevel a tsar aha da walaŋ ma ndaw ma da vələmaya wuiya na hay zlay. I sərada me key kwar mambay mambay aha, wuiya ɗaw na, wuiya kwar tabiyaha tiyatsa.

2 Korintieŋ 7:16

I ma rəha ha ta wuiya da me pey 'ar a ɗaw ka kuray, da tek hay tabiyaha.

2 Korintieŋ 9:4

I wesey na, kendzey andza la dəmaɓa andza ndaw ma Maseduwan hay na, la ndzafəmakwar ma həla vaw aya kakay na, me pey 'ar ala na ka kuray haya hayaha na na, ka da tərey hwaray aha zlay, ɗoh na ma kwar.

Galat 5:10

Na ŋga ɗaw na, i ma pa 'ar aha ka kuray da mezəley ma Bay’ərlam: ka da mbəɗam aha dey a slam mekelehe kakay. Ama ndaw ma sadərawa guma a walaŋ a kwar, ma da daləhwasadakwar ana na, kwa ka key na teŋgey teŋgey na, a da ndzafa me hətey ŋga na.

Efeziyeŋ 4:12

Ma aza ma padata ndaw Kokwaɗ ana hay ka ndasladama meslərey ma ma zlada vaw ma Kriste,

Filipieŋ 1:10

Ma kuray ka səradama ma sesəkey tek na ŋgama na hay, kəɗey na, kuray ka da kam tsəzlak ahiya, mandzara me ŋgəley bəzay ta pas ma da sawa ma Kriste.

Filipieŋ 1:29

Hərway ka kakwar hahaya ba kavəday ma Kriste, ama da me pey'ar ka ŋga dada tsa kakay, ama satsa na, da me key tsetseh hərway ŋga,

Filipieŋ 2:12

Dzəm a ɗaw hay, da ma ndzawa kwar na, ka tsənam sləmay bəza kakay ana na, ka da kam andza i daha dada tsa zlay, ama a fəna sa na, ekəɗey akwa na, kwa i dakay na, ta me wesey aha kwasl kwasl na, kadama mber ma me buwey kwar.

Filipieŋ 2:13

Hərway me key mber da vaw kwar na Bay ma Bəla, ma aza kuray ka wuɗam, ha kama andza ma tek aŋga me dzeley hayna.

Filipieŋ 2:16

Kuray a neney ta guma ma mendzey da vaw ana hay: na ŋga na na, me wezley dey ɗaw ma pas ma Kriste, kavəday ma hwawa ɗaw ana ka bəla, ta ma yawa vaw ɗaw ana na, ka da key tedehe zlay.

Kolosieŋ 2:12

Ma zlələmakwar dzaya da ma dzuhəɓey na, ta ŋga satsa na, kuray ma mbələmawa, hərway ma mey na, kuray ka pam 'ar ba ka gədaŋ ma Bay ma Bəla, ma mbəladərawa da walaŋ ma ndaw ma mətsa na hay.

1 Tesalonisieŋ 1:3

La sərafama ka me pey 'ar a kwar da tek a kwar ma kam, da ma wuɗa vaw, da ma vəlada vaw me key viya hərway ma ndaw hay, da me pey dey kwar ta matanduroŋ aha, da Bay’ərlam a lakwa Yezu Kriste, ka slam dey ma Bay ma Bəla Baba lakwa.

2 Tesalonisieŋ 1:11

Nəkafama la ɗulam mey dzeɓelle hərway kwar na, mavədiya, ma Bay ma Bəla a lakwa ka da ndzafakwar na, ɗa ndaw ahiya ka me zəley ŋga ma zələkurawa na; arka na, ta ma slafa ŋga na, ka vəlakwar slam har ma kuray ka ndasladəmata tek hayna hay, na kuray ma wuɗam ana hay tabiyaha, arka na, a da parkada me pey 'ar a kwar.

2 Tesalonisieŋ 3:4

Ma kwar na, la səradama ha mambay mambay aha, da mezəley ma Bay’ərlam, tek ala ma tsəmakwar ana hay na, ka kəmata ha, re ka da kəmata ha ba satsa.

Filemoŋ 1:21

I windəkaɓa na, i ma pa 'ar aha ka me tsəney sləmay ɗek, i sərada ha ka da key na a fəna na i ma tsəhafəkaɓa na sa.

Ebrew 10:35

Ka da mətadama 'ar ta tek a kwar ma səradama na zlay, hərway ka da ndzafadama masa ɗuhwa ha.

Ebrew 12:2

Dey ma zazura ha zurra ka bay 'ar ma me pey 'ar, ma da husada a me ndesley ŋga na, Yezu ana, ma mbəɗar mey ba a wuiya na akwa ma vəla ha ma ŋga na, ma ɓəsa me derey ka 'ar ma tuwaw, ma rəsa hwaray, arka na me ndzey ta har zəmay ma koriwal ma bay ma Bay ma Bəla.

1 Piyer 5:10

Bay ma Bəla ma hahaya tabiyaha na, ma zələkurawa ka maram aŋga me ndəvey kakay ana ta Kriste na na, ŋga na ta 'ar aŋga na, a da padakwar, andza kuray ka kam tsetseh ba da mendzey nekəɗey na; a da səmadakwar, a da vəlakwar gədaŋ, a da təradakwar na ka da taɓam aha sakay.

2 Piyer 3:10

Pas ma Bay’ərlam a da sawa na andza ndaw mahal, pas ma həzlay ma 'ərlam ma da devesey ta tek ma dederey gədaŋ ana, tek hay tabiyaha a da davasam ta waw, arka dala ta tek aŋga hay tey na a da kadəmatara sariya ta na.