Filipieŋ 1:27 - MEY HAYNA WAYNA MA YEZU KRISTE MA MEVEY

²⁷ Haya dzadzak na, ndzam andza na ma Mey Wayna ma Kriste, haɗaw i da daɓa ma da nəkurawa na, kwa kendzey i dakay na, i tsənada a tsam aha ka kuray, ma ɓadəmaya kuray mandzaya mambay aha da mesəfrey ana asləta, ka kəɗam aha vaw ka masləta ha, ta mevel asləta, andza ma me pey 'ar ma Mey Wayna.

Filipieŋ 1:27 Iomraidhean Croise

Matiyew 12:25

Andza ŋga ma sərada medzeley 'ar ata na, Yezu ma ləvatar: «Slala waray waray ma tsa vaw ha ka 'ar vaw ta na na, a da tərey ideŋ aha. Wuraw ana, dakay veɗ 'ay ana, ma tsa vaw aha ka 'ar vaw ta na na, a da ndzey aha kakay.

Mber 2:46

Taya ma dzəma mey aya asləta, ka pas ka pas a dawam a 'Ay me key Kuley; da mbaw ta na hay na, a wunəkam peŋ, a zəmam tek ka maslətaha da wuiya, ta mevel ləfeɗeɗe ha.

Mber 24:24

Meney nekəɗey a dəba na na, Felis taya ta ŋgwas aŋga Drusil dey zuif hay. Ŋga ma zələrawa Pol, ma ŋga ka pafa sləmay ka me pey 'ar ka Kriste Yezu.

Mber 4:32

Ndaw me pey 'ar ana hay haɗadzidzay ana na, mevel ata asləta, me dzeley 'ar ata asləta, kwa ndaw da walaŋ ata me ləvey: neney tek a ɗaw na dakay; dzadzak a padama zleley ta hay na, ka maslətaha.

Romeŋ 1:16

Hərway yah na, hwaray a kaya ta Mey Wayna tikay: ŋga na, ma slafa ma Bay ma Bəla ma buwey kwa way way ma pey 'ar ana tsəfəmey aha na Zuif hay ba ɗagay, a dəba na na Grek hay.

Romeŋ 1:5

Ta har aŋga na, la ma ndzafam hahaya ma da tərey maslaŋ aha, ma da kəsadata a me tsəney sləmay ta me pey ’ar, a maram ma mezəley ŋga, səkway Zuif ahiya kakay ana hay tabiyaha.

Romeŋ 1:9

Hərway Bay ma Bəla na, ndaw seydewe ɗaw ana, ŋga na i ma kar kuley ta mezek a ɗaw adzay ana, da ma tələkada mey ta Mey Wayna ma Bəzey ŋga na. I mətsar aha har ma sləfakwar kakay,

Romeŋ 10:8

A da ləvam na, teŋgey tok? Guma na ŋga bəse ka tsakay ɗek, ŋga da huɗa mey ɗek, ŋga da mevel eɗek. Guma na ŋga na na, guma ma me pey'ar ana la ma tələkadama mey ana.

Romeŋ 15:16

Ma i ka da tərey ndaw ma key kuley ma Yezu Kriste ka slam ma ndaw Zuif ahiya kakay ana hay, i ma pa ha na gəle, ma ɓey Mey Wayna ma Bay ma Bəla, ma ndaw Zuif ahiya kakay ana hay, ka təram tek me vəley ma tərada kokwoɗ aha ta har ma Mesəfrey Kokwoɗ ana na, ka dar ’ar a Bay ma Bəla.

Romeŋ 15:29

I sərada ha, ka ma da daɓa ɗaw a 'ay kwar na, i daɓa na, ma rəha vaw aha ta ma pəsey mey ma Kriste.

1 Korintieŋ 1:10

Amana, i tsəhafakwar malam a ɗaw hay, ta mezəley ma Bay’ərlam a lakwa Yezu Kriste: ndzam tabiyaha ayaw ayaw, me wenəkey vaw ka da key da walaŋ a kwar daha zlay. Dzəmam mey asləta, ta mesəfrey ana asləta, da 'ar me dzeley ana asləta.

1 Korintieŋ 15:58

Kəɗey tok na malam a ɗaw i ma wuɗata ana hay, ka da mam ta dəba zlay, ka da təɗam zlay, guram ka mey ka mey da meslərey ma Bay’ərlam, səradama me yey vaw kwar da mezəley Bay’ərlam na, tedehe kakay.

2 Korintieŋ 13:11

Ekəɗey tok na malam a ɗaw hay, ndzam da wuiya, kam meslərey ma ləmada vaw kwar lele, səmam vaw ka 'ar vaw kwar ana hay, dzəmam ɗay, ndzam da zozoy, arka na, Bay ma Bəla ma ma wuɗa vaw, ma zozoy a da ndzey ta kuray.

2 Korintieŋ 4:4

ma ndaw me pey 'ar kakay na hay, na 'ərlam ma bəla neney ma waləfadatara me sərey tek ata ba, ma aza ka da nəkadama me wuɗey dey ma Mey Wayna ma maram ma Kriste na zlay, ŋga na, mey 'ərdey ma Bay ma Bəla.

2 Korintieŋ 9:13

Andza mber a neney ka datar 'ar ba kassla na, a da səmbərama Bay ma Bəla, hərway ma me tsəney sləmay kwar ma ɓadama da Mey Wayna ma Kriste, da ma wama ’ar hərway ma me wurey har a kwar, kuray ma wanəkadama tek a kwar hay, ta taya, ta sa ma ndaw hay tabiyaha na.

Galat 1:7

A-'ay akwa mekelehe na dakay; daha na, ndaw ma dzoŋgufəmakwar ’ar ana hay, a wuɗam na, ma mbəɗadama Mey Wayna ma Kriste ba.

Efeziyeŋ 1:13

Da ŋga satsa na, kuray ka tsənadama mey ma dərka ba, Mey Wayna na ma buwakwar ana. Da ŋga satsa na, kuray ka pam 'ar ba, ma kafakwar zeheɗ ma Mesəfrey na ma tsəmawa kava na: Mesəfrey Kokwoɗ ana,

Efeziyeŋ 1:15

Nəkafama hərway ma mey na, yah ana tiyatsa na, zla i ka tsənada me pey 'ar a kwar da mezəley ma Bay’ərlam Yezu, ta kuray ma wuɗəmata ndaw Kokwaɗ ana hay tabiya ha na ba.

Efeziyeŋ 4:1

I həladakwar bəzay tok na, da mezəley ma Bay’ərlam, yah a neney da daŋgay ana: mendzey kwar ana na, ka dam ka vaw ta me zəley ana, kuray ma ndzafəmawa na,

Filipieŋ 1:5

Hərway ma lakwa ma dzəmakwa dzaya ka Mey Wayna, zla ta pas tsəfəmey aha na, kasl ekəɗey.

Filipieŋ 2:12

Dzəm a ɗaw hay, da ma ndzawa kwar na, ka tsənam sləmay bəza kakay ana na, ka da kam andza i daha dada tsa zlay, ama a fəna sa na, ekəɗey akwa na, kwa i dakay na, ta me wesey aha kwasl kwasl na, kadama mber ma me buwey kwar.

Filipieŋ 2:24

Akwa yah ana na, i sərada ha da mezəley ma Bay’ərlam na, yah ana tiyatsa na, mazlambar aha i da daɓa.

Filipieŋ 3:18

Akwa na, ndaw hay haɗadzidzay ɓa i ka tsakwar ba zarra, i madakwar sa, ekəɗey na, ta ma tuway aha, da mendzey ta na, dugwan ahiya ta tuwaw ma gazləla na ma Kriste.

Filipieŋ 3:20

Hərway lakwa na, wurow a lakwa na, ŋga da 'ərlam, da huɗa na, i hutakwama andza me buwey aha na, Bay’ərlam Yezu Kriste.

Filipieŋ 4:1

Kəɗey tok na malam a ɗaw i ma wuɗata haɗa na hay, na i ma wuɗey nduk nduk ma da nəkadata na hay, kuray na wuiya ɗaw, gursam a ɗaw aha, ndzam gədaŋ gədaŋ andza neney da mezəley ma Bay’ərlam malam i ma wuɗata na hay.

Kolosieŋ 1:10

Da mendzey kwar na, ha ndzam na, kassla andza ma Bay’ərlam; me səpey me key kerem andza ma ŋga me wuɗey ana. Arka tok na, tek a kwar ma da key na hayna ka waray ka waray na, a da yey kava, a da gəley ka mey da ma sərada Bay ma Bəla dərka na.

Kolosieŋ 1:4

Akwa na, la ka tsənadama me pey 'ar a kwar ka Yezu ana, ta ma wuɗa vaw kwar, ma wuɗəmata ndaw Kokwaɗ ana hay tabiyaha.

1 Tesalonisieŋ 3:6

Ekəɗey na, Timotey ka husawa ba da 'ay kwar ka tsakay la, ka ɓadandar mey ma me pey 'ar a kwar ba, ta ma wuɗa vaw kwar, a ləvey na, waya, ka sərafəmandar aha zarra haya hayaha təŋga, kuray ka wuɗam ma da nəkəmandəraɓa, andza la ma wuɗam me dzeley ma da nəkəməkurawa na sa tey.

1 Tesalonisieŋ 4:1

Ekəɗey ana na, malam a ɗaw hay, nəkafama tek ala me tsəhey ka kuray, da na la ma həladəmakwar bəzay da medzəmey vaw ta Bay’ərlam Yezu ana, kuray ma tatəkadəməraɓa ka la ndaraw ma mendzey ma dar ’ar a Bay ma Bəla na, ekəɗey kuray ma ndza hiya na andza ha, hayna səkadama adiya satsa.

1 Timotey 1:11

Nəkafa neney na tek ma dam ka vaw ta Mey Wayna ma me wezley dey ma Bay ma Bəla wuiya ha na, ma vəladəmiyawa na.

1 Timotey 1:19

da me pey 'ar ta me ndzey hayna. Sa na hay na, ka kəladama ba, arka na me pey 'ar ata ka zəɗey ba.

2 Timotey 4:7

I ka kəɗawa vaw ba mambay aha, i ka ndaslada ma hway ɗaw tsoy, i ka wafa vaw ba ka me pey 'ar ɗaw.

Ɗeriwel a Tit 2:10

mandzara ka mbəkom tek. Hayna ka pas ka pas na, ka kadama vaw ta, ndaw me tsəney sləmay ahiya dərka na, kəɗey andza ha tok na, a da hasəkadəmara bəzay a mezəley ma Bay ma Bəla, me buwey lakwa.

Filemoŋ 1:5

Hərway i tsənada ha a tsam aha ka ma wuɗa vaw ɗek, ta me pey 'ar eɗek ka Bay’ərlam Yezu ta ndaw kokwaɗ ana hay tabiyaha.

Ɗeriwel ma Zak 3:18

Haləfaw ma dzerey ma sləka ha na, da zozoy, ma ndaw ma kam mber ma zozoy ana hay.

2 Piyer 3:11

Haɗaw azlakwa tek ana hay tabiyaha a da davasam sana, ka da təram na ndaw waray hay? Mendzey kokwoɗ ana waray? Ma tsənar sləmay a Bay ma Bəla waray?

2 Piyer 3:14

Mavəday ma mey tok na dzam a ɗaw hay, kam gədaŋ hayna ka ndzafakwar na da zozoy, kassla, mandzara ka ŋgələmakwar bəzay.

Ɗeriwel ma Zud 1:3

Dzam a ɗaw hay, akwa na a saya ha ma windəkuraɓa ndok ndok, ka guma ma me buwey a neney, lakwa da huɗa tabiyaha na, i ma nəka na, sey i ka windəkuraɓa təŋga, ma aza ka səmadakwar da me kəɗey vaw hərway ma me pey 'ar, na ma tsadəmatərawa a ndaw kokwaɗ ana hay ma tsoy aha na.