Filipieŋ 1:20 - MEY HAYNA WAYNA MA YEZU KRISTE MA MEVEY

²⁰ Da me hutey ɗaw ana hatsatsa ta me pey dey ɗaw ana na, hwaray a dakaya ha dakay, ama mevel a ɗaw ma ndza ha na, ndar ndar. Ekəɗey ana, kwa ma ka pas ka pas aha na, Kriste a da ɓey vaw da vaw ɗaw, ka key na, da mendzey ɗaw, dakay da memətsey ɗaw na.

Filipieŋ 1:20 Iomraidhean Croise

Mey Hayna Wayna ma Yezu Kriste Zaŋ 21:19

Yezu a tsey andza neney na, a ɓada ma da mətsey ma Piyer, ma da hasəkadara bəzay a Bay ma Bəla teŋgey. Arka a dəba ma guma neney na, ŋga me ləvar: «Səpaya.»

Mber 20:24

Akwa dərka na na, mendzey ma bay ’ar ma vaw ɗaw ana na, ka kaya da ’ar tikay, tek a ɗaw me wuɗey ana na, i ka ndaslada tsəveɗ me meslərey ɗaw haya haya ha ta mber ma Bay’ərlam Yezu ma vəladiyawa na: me key seydewe ma Mey Wayna, ta hahaya ma Bay ma Bəla.

Mber 21:13

Arka ŋga ma mbəɗandar kava: «Ɗagay ka tuwam, ka həɓadəmaya 'ərev na ka mey? Yah na ma həla vaw aha na ka me dzuwey dada tsa kakay, amana, i ka da mətsey na da Zeruzalem, hərway ma mezəley ma Bay’ərlam Yezu.»

Mber 4:31

A dəba ma me ɗuley mey ta na, ’ay ana taya tsəha ’ar ahiya da huɗa na me ɓəley; taya ma rəha vaw aya tabiyaha ta Mesəfrey Kokwoɗ ana, taya ma zlamar ma tsam guma ma Bay ma Bəla ndar ndar.

Romeŋ 12:1

Malam aɗaw hay, i həladakwar bəzay da mezəley ma Bay ma Bəla ndaw ma kar da vaw ana, ma kuray ka vəladama vaw kwar andza tek ma ger aha ta dey ana, kokwaɗ ana, ma dar 'ar a Bay ma Bəla. A da tərey na, kuley ma mezek a kwar aha.

Romeŋ 5:5

Arka ma pey dey tey na, a zləgey ndaw kakay, hərway ma ma wuɗa vaw ma Bay ma Bəla na, ka guvawa ba a mevel a lakwa hay ta Mesəfrey Kokwoɗ ana, na ma vəladəmandukurawa na.

Romeŋ 6:13

Ka da vəladəmara mezəvey ma vaw kwar hay ma kadara mber a meŋgəsey, andza tek ma har ma dzerey kakay ana sazlay, ama haya təram na, andza ndaw ta dey ana hay, ma məmawa da walaŋ ma ndaw ma mətsa na hay, ta mezəvey ma vaw kwar hay, andza tek ma har, ma dzerey aha, vəladəmara vaw kwar kərem a meslərey ma Bay ma Bəla.

Romeŋ 6:19

I tsey guma neney na, ma slaw vaw ɗaw aha, i tsadakwar na diday ma bəle kwar ana, kalkal andza kuray ma padəmata mezəvey ma vaw kwar hay, andza beke me key meslərey ma tek me zləɓey ndaw ana ta me key tek so lamba na hay, ma dada ndaw ba me bərey ka Bay ma Bəla ana. Ekəɗey na, padəmata mezəvey ma vaw kwar hay beke hiya ma key meslərey ma dzerey, ma da kəsadakwar me tərey kokwoɗ ahiya.

Romeŋ 8:19

Hərway tek na ma ka ahiya na a hutam aha, a katar hatsatsa, pas andza Bay ma Bəla ma da ɓadata bəzey ŋga hay.

Romeŋ 9:33

Andza na ma winda ha da ɗeriwel kokwaɗ ana na: «Nəkafama i da pey ŋgwa ma tsey metsembeɗ da Siyoŋ. Ŋgwa ma təɗey ndaw aha, ama haɗaw ndaw ana a pey 'ar ka ŋga na, a da pamar aha hwaray a dey kakay.»

1 Korintieŋ 15:31

Ka pas ka pas i ma ŋgwaha vaw aha a memətsey, ayaw, i ɓadakwar dərka na, malam a ɗaw hay, kuray na, tek ma me ŋgelekey ɗaw da mezəley ma Yezu Kriste Bay’ərlam a lakwa.

1 Korintieŋ 6:20

Ndaw ɓa ka ka tsekeley ana ba, ka mbəɗəkurawa ba. Ta vaw kwar ana tok na, madəmara sise a Bay ma Bəla.

1 Korintieŋ 7:34

arka ŋga ma wanəka vaw aha. Kal kal andza ha satsa na, ŋgwas mandzar zel, dakay dem dahalay ahiya na, a dzalam 'ar na ka tek ma Bay’ərlam, ma ka təram kokwoɗ ahiya da vaw ta, da mesəfrey. Ama ŋgwas ta zel aha na, a dzeley 'ar na ka tek ma bəla: a səpey ŋga ka mbafa ka zel aŋga na teŋgey.

2 Korintieŋ 10:8

Kəɗey na, kwa andza i ka ŋgelekey ba kambəlaɓa nekəɗey na, hərway ma slam har ma Bay’ərlam ma vəlandərawa na na, ma da gəladakwar ka mey zləna, ma da madakwar ta dəba kakay, hwaray a da kaya ha kava dakay.

2 Korintieŋ 3:12

Kuse ma me pey dey ana andza na ŋga na na na, la ma ndza hiya na, 'ar piokw.

2 Korintieŋ 4:10

Zarra la zəgama tsetseh ma Yezu da vaw la, ma aza mendzey ma Yezu ka nəkey da vaw la tiyatsa.

2 Korintieŋ 5:15

Arka, ŋga me mətsey hərway ma ndaw hay tabiyaha, ma aza ndaw ta dey ana hay ka ndzam ta dey na hərway ta dada sakay, amana, hərway ma Ndaw me mətsey arka ma mbəlawa hərway ta na.

2 Korintieŋ 7:14

Kwa andza i ka ŋgalakadakwar ba ka tsakay ŋga na, hwaray a da kaya ha kava dakay, ama andza la ma tsəmakwar ka pas ka pas na dərka na na, ma ŋgalakadəmakwar ala na ka slam ma Tit ana na, ka tərey ba dzerey aha.

2 Korintieŋ 7:4

'Ar a ɗaw me pey ka kuray na, ɗuhwa ha dzay, wuiya ɗaw me ndzefey da kuray na, ɗuhwa ha dzay, kuray ka məmaya 'ərev ba, da viya la ma kam tabiyaha na, i ma rəha ha ta wuiya.

Filipieŋ 1:14

Arka har a var a sa malam a hay, ma pa ’ar ahiya ka Bay’ərlam ta me zəgey ɗaw a neney a daŋgay ana na na, ma ndzafam gədaŋ adiya, ma tələkey mey ta Guma ma Bay ma Bəla mandzara me wesey.

Filipieŋ 2:17

Kwa mambaz a ɗaw a da mbəɗawa me pesley ka kuley ta meslərey ma me pey 'ar a kwar na, na ŋga na na, a daya 'ar, i kakwama wuiya tsetse ka masləta ha.

Kolosieŋ 1:24

I ndzefey ekəɗey wuiya ɗaw na, da tsetseh a neney i me sey hərway kwar ana, tek na ma hətsar a tsetseh ma Kriste ana, i ndəvada da slaw vaw ɗaw, mavəday ma vaw ŋga na: Egliz aha na.

1 Tesalonisieŋ 5:23

Hayna Bay ma Bəla ma zozoy ana ta 'ar aŋga na, ka təradakwar kərem kokwoɗ ahiya, arka aza na, mesəfrey kwar, mezek a kwar, ta tapay ma vaw kwar, ka da ndzam ma wa vaw aya, mandzara meŋgəsey, mandzara me ŋgəley bəzay, ta pas ma da sawa ma Bay’ərlam lakwa Yezu Kriste.

1 Piyer 4:16

Ama kendzey a sey banay hərway ŋga ndaw ma Kriste aha na, ka da kar hwaray zlay, dzadzak na ka səmbəra Bay ma Bəla, kavəday ma Mezəley ana ŋga na na.

1 Zaŋ 2:28

Kəɗey tok ŋgey dem a ɗaw hay, ndzam na da ŋga, ma aza ka da bawa ba na, i ka da ndzakwama fandar fandar, ma aza i ka da ndzakwama da hwaray dəreŋ ta ŋga, ta pas ma ma da mawa ŋga zlay.