Filipieŋ 1:11 - MEY HAYNA WAYNA MA YEZU KRISTE MA MEVEY

¹¹ Ka da kam na ma rəhaya ta tek ma dzerey na ma sandukurawa da Yezu Kriste ana, ma da hasəkadara bəzay ta ma da sambəra Bay ma Bəla.

Filipieŋ 1:11 Iomraidhean Croise

Matiyew 5:16

Andza ha satsa na, waw a kwar ka wuɗey ka slam dey ma ndaw hay, ma ka nəkadama tek a kwar hayna hay ma kam ana na, ka hasəkadəmara bəzay a Baba kwar na da 'ərlam ana.

Mey Hayna Wayna ma Yezu Kriste Zaŋ 15:16

Ma səpiyawa na kuray kakay, ama ma gaɗəmukurawa na yah. I ma padakwar ma aza kuray ka dawam, ha yam bəzey arka bəzey kwar ana hay ka ndzam, ma tek a kwar ma da tsəhey tabiyaha da me zəley ɗaw ka Baba na, a da vəladakwar.

Mey Hayna Wayna ma Yezu Kriste Zaŋ 15:2

Mendzey ma hawal na ma tapa ha ka yah, me yey bəzey kakay ana na, a rətsama ba. Mendzey ma hawal na me yey ana na, a kalama, ma aza ka yey a fəna satsa.

Mey Hayna Wayna ma Yezu Kriste Zaŋ 15:8

Tek ma vəlar maram a Baba ɗaw na, me yey kwar kava haɗadzidzay ana, arka na, ka təram gawla ɗaw ahiya.

Romeŋ 15:28

Andza aza i ka ndaslada meslərey a neney tsoy, i ka vəladatərawa tek a neney ma tsəkələmatar ana tsoy ma dey ma ndaw hay tabiyaha na, i da daway a Espaŋ ta ma tazlaraɓa ta 'ay kwar.

Romeŋ 6:22

Ama ekəɗey kuray ka ləhəmawa tsoy da meŋgəsey, ma təraya tsoy beke ma Bay ma Bəla ahiya na, ka da yam kava, ma da kəsada ndaw a kokwoɗ, ma da ndakada ŋga na tey na, a mendzey ma ndəvey kakay ana.

1 Korintieŋ 10:31

Kəɗey tok na, ka key na ka zəmam na tek, ka sam na tek, dakay ka da kam na mey mey na, kama tabiyaha na, ma səmbərada Bay ma Bəla.

2 Korintieŋ 9:10

Ndaw ma vəlar haləfaw a ndaw me sləkey, peŋ me zəmey ana na, a da vəlakwar haləfaw ana tiyatsa, a da səkada adiya, a da gəladərawa tek me dzerey kwar hay.

Efeziyeŋ 1:12

ma da səmbəra da maram aŋga, ndaw ma pamar dey a Kriste zla ka vaw ana hay.

Efeziyeŋ 1:14

ma rada sek ma tek a lakwa ma da zəmey ana, kasl ka ma da buwəmandukwar madakwaydok ana, na i da dzafakwa, ma səmbərada maram aŋga na.

Efeziyeŋ 2:10

Hərway ma ləmandukurawa na ŋga, a kandukurawa na ta Yezu Kriste, ma da key mber hayna hay, na Bay ma Bəla ma ləmərawa zla ka vaw ana, ma aza lakwa ka da kakwama andza ha.

Efeziyeŋ 5:9

Tek ma bawa da waw me nəkey dey na, a zələmata na: kokwoɗ, dzerey ta dərka.

Filipieŋ 4:17

I key na, i səpey tek ma hayaha kakay, tek aɗaw ma səpey na, tek a kwar andza ma vəlam ka mey ma Bay ma Bəla na na, ka yakwar bəzey adiya kava.

Kolosieŋ 1:10

Da mendzey kwar na, ha ndzam na, kassla andza ma Bay’ərlam; me səpey me key kerem andza ma ŋga me wuɗey ana. Arka tok na, tek a kwar ma da key na hayna ka waray ka waray na, a da yey kava, a da gəley ka mey da ma sərada Bay ma Bəla dərka na.

Kolosieŋ 1:6

na ma husaɓa kasl ka kuray ana; kalkal andza na me yey kava, me pey mey tabiyaha ka bəla na, da walaŋ a kwar ana na, a key na andza ha atsa; zla ta pas ana andza kuray ma təɓama, ma səradama da dərka ŋga, hahaya ma Bay ma Bəla ana,

2 Tesalonisieŋ 1:12

Kəɗey na, a da hasəkadəmara bəzay a mezəley ma Bay’ərlam a lakwa Yezu da kuray, kuray tey da ŋga, andza na ma hahaya ma Bay ma Bəla lakwa, ta na ma Bay’ərlam Yezu Kriste.

Ɗeriwel a Tit 3:14

Hayna ndaw ma 'ay lakwa hay ka tatəkadama me key mber hayna hay haya hayaha tey, ma aza ka nefey da tek ma sawa dekeslef ana hay, kəɗey na, a da ndzam na, a nafam kadəba.

Ebrew 12:11

Ka slam ana deŋe na, me hətey na a vəley wuiya kakay, amana magwam. Ama aza ka mey tok na, a da tərey ka ndaw ana hana na ma hətəmata na hay na, tek ma sadərawa zoyzoy ta dzerey.

1 Piyer 2:12

Hayna mendzey kwar ka nəkey mambay aha da walaŋ ma ndaw Zuif ahiya kakay ana hay, ma aza ka slam ana andza a ŋgələmakwar aha bəzay, andza a ndaw me key tek haya kakay ana hay na, tek a kwar me key hayna hay ka ɓatar waw, ma ka da səmbərama Bay ma Bəla, ta pas ma ma da sawa ŋga.

1 Piyer 2:5

kuray ana na, andza ŋgwa ta dey ana hay, fuləkwam a me zley ma ’ay ma mesəfrey ana, ma da tərada səkway kokwoɗ ana, ma baba me key kuley ahiya, ma da kar kuley ta mezek, na ma dar 'ar a Bay ma Bəla ana, ta har ma Yezu Kriste.

1 Piyer 2:9

Ama kuray na, kuray da me Səmbərey ma gaɗəma na, gwalay ma baba me key kuley ma 'ay Bay, ndaw ma dala kokwoɗ ana hay, səkway na ma vəla ha ma Bay ma Bəla na, ma kuray ka tələkadama mey ta tek ma ka hiya ɗuhwa hiya na hay, ma Ndaw ma zələkurawa da ləvaŋ, a waw me nəkey dey haya bəza kakay ana,

1 Piyer 4:14

Haɗaw a tsaɗəmakwar hərway ma mezəley ma Kriste na, ndzam da wuiya, hərway ma Mesəfrey ma maram, Mesəfrey ma Bay ma Bəla ŋga da vaw kwar.