Filipieŋ 1:10 - MEY HAYNA WAYNA MA YEZU KRISTE MA MEVEY

¹⁰ Ma kuray ka səradama ma sesəkey tek na ŋgama na hay, kəɗey na, kuray ka da kam tsəzlak ahiya, mandzara me ŋgəley bəzay ta pas ma da sawa ma Kriste.

Filipieŋ 1:10 Iomraidhean Croise

Matiyew 16:23

Ama ŋga me mbəɗey dey, ma ləvar a Piyer: «Sawa daway ba a dəba ɗaw, Setene eɗey! Kah na, ka tərafaya ba tek me tsey metsembeɗ a ɗaw aha, hərway 'ar eɗek me dzeley na, andza ma ndaw hay zləna, andza ma Bay ma Bəla kakay.»

Matiyew 26:33

Piyer na, me mbəɗey kava me ləvey: «Kendzey ndaw hay tabiyaha ka təɗam ba hərway ɗek na, yah na ɗaɗa i da təɗey aha tikay.»

Mey Hayna Wayna ma Yezu Kriste Zaŋ 1:47

Yezu ma nəkada Natanayel a sawa ha ka tsakay ŋga na, ŋga ma tsafa: «Nəkafama ka bəzey ma Israyel dzerey aha na, maləwaɗay da huɗa mey ŋga dakay ana.»

Mey Hayna Wayna ma Yezu Kriste Zaŋ 3:20

Akwa na, kwa way way me key tek hayakakay ana hay na, a rəsa waw me nəkey dey, a sawa ka dey waw kakay, ka vəday a mey na, a wesey tek aŋga me key haya kakay ana hay a da nəkam ba.

Mber 24:16

Yah ana ekəɗey tiyatsa na, i kəɗey vaw i kendzey mezek aɗaw ka da ŋgəlaya bəzay zlay, ka slam dey ma Bay ma Bəla, ka slam dey ma ndaw hay na kavədiya.

Romeŋ 12:2

Ka da vəladəmara vaw kwar a bəla neney hay zlay, ama hayna, mesərey tek a kwar a neney wayna na, ka təradakwar na, ma kuray ka səradama ma weley tek na ma Bay ma Bəla me wuɗey ana hay: tek na hayna, tek na ma dar 'ar ana, tek na kərem haya ha na.

Romeŋ 12:9

Ma ma wuɗa vaw na, ka key na, haya hayaha. Hwadama ta tek haya kakay ana, ka ka kwar tsatsaŋ, tapam na, ka tek hayna.

Romeŋ 16:17

Malam a ɗaw hay, i həladakwar bəzay, wam daw ka vaw ka ndaw ma sadərawa me tsey vaw ana hay, ma zləgadata ndaw hay ana, a kam na tek me zləgey ndaw ka tek ma tatəkadəmakwar ana hay, hwam ba dəreŋ ta taya.

Romeŋ 2:18

Kah a neney ma sərada tek aŋga ma wuɗey ana, kah na ma saɗəka ha ta mewey, ma sərada me weley na hayna.

Romeŋ 7:16

Arka azlakwa tek a ɗaw ma wuɗey kakay ana na, i ka na, na ŋga na na, la ma dzəma mey ahiya ta Mewey, arka i sərada ŋga na haya ha.

Romeŋ 7:22

Hərway Mewey ma Bay ma Bəla na a mbafaya, da mevel a ɗaw ana na.

Romeŋ 8:7

Hərway mber ma slaw vaw na, a mbafa ka Bay ma Bəla kakay, a tsənar sləmay a mewey ma Bay ma Bəla kakay, kwa a slafa kakay.

1 Korintieŋ 1:8

Ma da səmadakwar na ŋga na tiyatsa, ha səlekw, mala ta pas ma Bay’ərlam a lakwa Yezu Kriste na, ka da ŋgələmakwar bəzay zlay.

1 Korintieŋ 10:32

Ka da təram tek ma təɗey ndaw aha zlay: kwa ma Zuif hay zlay, kwa ma Grek hay zlay, kwa ka Egliz ma Bay ma Bəla zlay.

1 Korintieŋ 8:13

Nəkafama, azlakwa hərway ma tek me zəmey a da təɗada malam a ɗaw ba na, ŋgama i ka mbəkada ba, i ka pəɗey slaw sazlay tabiyaha ta na i ma da təɗada malam a ɗaw na.

2 Korintieŋ 1:12

Hərway tek ala na ma dandar 'ar ana na, seydewe ma mezek ma vaw la ’ar piokw ana: tek ala ma kəmawa ka bəla na, ɗoh na ta kuray, ta ləfeɗeɗe ta tsəzlakka ma Bay ma Bəla, zləna ta ma səra’ar ma slaw vaw kakay, amana, ta hahaya ma Bay ma Bəla.

2 Korintieŋ 2:17

Akwa na, la na sapa ma ndaw ana ŋga na hay, ma kam tsakana ta mey ma Bay ma Bəla ana hay tikay; na ŋga la na, da dzerey, ma sləradandar kava na Bay ma Bəla, ka slam dey ma Bay ma Bəla ana, la tsama guma neney na, da me dzəmey vaw ta Kriste.

2 Korintieŋ 6:3

La wuɗam ma par hwaray a dey a ndaw kakay, ma aza da mber ala na, la ma kam ana na, ndaw ka da ŋgəlandar bəzay zlay.

2 Korintieŋ 8:8

I tsəraɓa na, andza mewey aha kakay, ama andza i ma sləfadakwar ta hatsatsa ma sa ma ndaw hay na, i key na, i vəlakwar slam har, ma ha ɓadama ma wura har a kwar ana da dərka na.

Galat 5:11

Na ŋga ɗaw na, malam a ɗaw hay, haɗaw re i tələkey mey ta me sley kuɗey mba na, azlakwa a ŋgəladəmaya dey kakay na, ka mey? Azlakwa kəɗey na, me tsey metsembeɗ ma tuwaw ma gazləla na na, ma davasa ha ba!

Efeziyeŋ 4:15

Ama da ma taləkada mey ta dərka na, da ma wuɗa vaw na, i da gəlakwama da tek hay tabiyaha ma dada 'ar 'ay ndaw andza bay 'ar a lakwa na: Kriste.

Efeziyeŋ 5:10

Hayna sasəkəmata, tek ma dar 'ar a Bay’ərlam ana.

Efeziyeŋ 5:27

A wuɗey ka ɓadara vaw na, a bay 'ar ma vaw ŋga na, mambay aha, mandzara luweɗ, mandzara həzlay ma vaw ka gerɗesey, kwa tek ma ŋgəsa ha kava dakay: a wuɗey na, Egliz aŋga ka key na kokwoɗ aha, me ŋgəley bəzay kava dakay.

Efeziyeŋ 6:24

Hayna hahaya ka ndzey ta ndaw ma wuɗama Bay’ərlam a lakwa Yezu Kriste, da ma wuɗa vaw me ndəvey kakay ana tabiyaha.

Filipieŋ 1:16

Taya na, a kama da ma wuɗa vaw, a səradama i ka sləna na, hərway ma me dzəŋgərey ka Mey Wayna.

Filipieŋ 1:6

Me dzeley 'ar a ɗaw na, andza neney: Ndaw ana ma zələrawa me key mber mambay mambay aha da vaw kwar ana na, a da husada, a da ndaslada ba kasl ka pas ma Yezu Kriste.

Filipieŋ 2:16

Kuray a neney ta guma ma mendzey da vaw ana hay: na ŋga na na, me wezley dey ɗaw ma pas ma Kriste, kavəday ma hwawa ɗaw ana ka bəla, ta ma yawa vaw ɗaw ana na, ka da key tedehe zlay.

1 Tesalonisieŋ 3:13

Hayna ka makwar mevel da mendzey kokwoɗ aha, mandzara me ŋgəley bəzay ka slam dey ma Bay ma Bəla Baba lakwa, ta pas ma ma da sawa ma Bay’ərlam lakwa Yezu, ta ndaw aŋga kokwoɗ ana hay tabiyaha.

1 Tesalonisieŋ 5:21

Sasəkamata tek hay tabiyaha, wafəmata vaw ka na hayna hay.

1 Tesalonisieŋ 5:23

Hayna Bay ma Bəla ma zozoy ana ta 'ar aŋga na, ka təradakwar kərem kokwoɗ ahiya, arka aza na, mesəfrey kwar, mezek a kwar, ta tapay ma vaw kwar, ka da ndzam ma wa vaw aya, mandzara meŋgəsey, mandzara me ŋgəley bəzay, ta pas ma da sawa ma Bay’ərlam lakwa Yezu Kriste.

1 Zaŋ 4:1

Dzam a ɗaw hay, ka da pam 'ar ka mendzey ma mesəfrey hay tabiyaha tsa zlay, amana həlafəmata suwet ka mesəfrey ana hay ba ɗagay, ma səradata taya na ma Bay ma Bəla ɗaw, hərway ndaw sek maləwaɗay ana hay, ma pa mey ahiya ka bəla kambəlaɓa.

Apokalis 2:2

«I səradata meslərey ɗek me key hayna hay, mber eɗek ta matandəroŋ eɗek, arka na ka slafa ma wuɗafa dey ka ndaw seweɗ kakay. Ndaw ma təradama vaw ta, ka ləva taya maslaŋ ahiya na hay, azlakwa zlay ana, kah ka həladatara suwet ata na ba, arka ka da ndzafata na ndaw maləwaɗay ahiya.