Filipieŋ 1:1 - MEY HAYNA WAYNA MA YEZU KRISTE MA MEVEY

¹ La, Pol ta Timotey, gawla ma Yezu Kriste hay, la windəmatar a ndaw kokwaɗ ana hay tabiyaha da Yezu Kriste, a bay ’ar ata na ma kəlatar ke mey ana ta diyakre ta hay, na taya tabiyaha da Filipi ana.

Filipieŋ 1:1 Iomraidhean Croise

Mark 13:34

Ma kaha na, andza ma ndaw ma daway a dzaŋgal, ŋga ma gəradatara 'ay ŋga, a har ma gawla ma 'ay ŋga hay, ka wama. Ma wanəkadatara mber hay, kwa way way na, ta mber aŋga ta mber aŋga, ma ləvar a ndaw me hutey mambaw, ka ndzey tsekerkərre.

Mey Hayna Wayna ma Yezu Kriste Zaŋ 12:26

Haɗaw ndaw a wuɗey ma kaya mber na, ka səpaya bəzay, ka slam a ɗaw i kava na na, gawla ma 'ay ɗaw a da key ŋga kava tey. Haɗaw ndaw a kaya ha mber na, Baba a da vəlar a da hasəkadara bəzay.

Mber 1:20

Hərway ma winda ha ba da ɗeriwel ma Pəsom hay andza neney: «Ideŋ aŋga na ka da ndzey baŋgway aha, ɗaɗa ndaw ka da ndzey a huɗa zlay.» Arka ma winda ha satsa: «Ndaw mekelehe ka ndzey a veɗ aŋga na.»

Mber 20:28

Wam daw ka vaw ka bay 'ar ma vaw kwar ana hay, wafəmata vaw ka welde na Mesəfrey Kokwoɗ ana ma padakwar ndaw me tsukurey ahiya na hay, tsukurama Egliz ma Bay ma Bəla na, ŋga ma haɗəkərawa ta mambaz aŋga na.

Mber 9:13

Ananiyas me mbəɗey kava: «Bay’ərlam a ɗaw, i ka tsənada ba ndaw hay haɗadzidzay a tsafama ha ka ndaw ana ŋga na, tek aŋga ma katar haykakay a ndaw eɗek kokwaɗ ana hay da Zeruzalem.

Romeŋ 1:1

Yah Pol, bəzey ma slərey ma Yezu Kriste, ma zəla ha ka da tərey maslaŋ aha, ma wala ha, ma paha gəle ma da tələkada mey ta Mey Wayna ma Bay ma Bəla.

Romeŋ 1:7

I windəkuraɓa a kuray, ndaw Bay ma Bəla ma wuɗata na hay tabiyaha da Rom ana, a ndaw Kokwaɗ ana hay ta me zəley ma Bay ma Bəla, hayna Bay ma Bəla Baba lakwa, ta Bay’ərlam Yezu Kriste ka vəlakwar hahaya ŋga, ta zozoy ŋga!

1 Korintieŋ 16:10

Kendzey andza Timotey ka daɓa ba na, nəkafama dey, ŋga ka da ndzey da walaŋ a kwar ta zluwer aha zlay, hərway a key na, meslərey ma Bay’ərlam ana, andza yah.

2 Korintieŋ 1:1

Yah Pol, i maslaŋ ma Kriste Yezu, da me wuɗey ma Bay ma Bəla. Ta malam ala Timotey, i windar a Egliz ma Bay ma Bəla na da Koreŋt ana, ta ndaw kokwaɗ ana hay, na da dala ma Akayi tabiyaha.

Galat 1:10

Hərway ekəɗey na, i səpey na, i ka datar 'ar a ndaw hay tsukuɗu, a Bay ma Bəla ɗaw? Hana akwatay i ma ndzaha re me səpey i ka mbafata ka ndaw hay na, akwatay na, i gawla ma Kriste ha sakay.

Galat 3:26

Hərway kuray tabiyaha ta me pey ’ar na, kuray bəzey ma Bay ma Bəla ahiya da Yezu Kriste.

Galat 3:28

Kəɗey na, kwa Zuif dasakay, kwa Grek dasakay, kwa beke dasakay, kwa ndaw ma wey ’ar aŋga dasakay, mawal ta ŋgwas dasakay, hərway kuray tabiyaha na, kuray asləta da Yezu Kriste.

Efeziyeŋ 1:1

Yah Pol, maslaŋ ma Yezu Kriste da me wuɗey ma Bay ma Bəla ana, i windatar a ndaw Kokwaɗ ana hay ta ndaw ma tsənam sləmay ana hay ma Yezu Kriste:

Efeziyeŋ 1:15

Nəkafama hərway ma mey na, yah ana tiyatsa na, zla i ka tsənada me pey 'ar a kwar da mezəley ma Bay’ərlam Yezu, ta kuray ma wuɗəmata ndaw Kokwaɗ ana hay tabiya ha na ba.

Efeziyeŋ 6:24

Hayna hahaya ka ndzey ta ndaw ma wuɗama Bay’ərlam a lakwa Yezu Kriste, da ma wuɗa vaw me ndəvey kakay ana tabiyaha.

Filipieŋ 2:19

I ma dzala da mezəley ma Bay’ərlam Yezu na, mazlambar aha i da slərəkuraɓa Timotey, ma aza ka maya 'ərev ta tek ana wayna hay na i ma da ndzafawa da ’ay kwar ana tiyatsa.

Filipieŋ 2:5

Ndzam ka 'ar vaw kwar ana hay na andza neney, andza na ma kama da ma dzəma vaw da Yezu Kriste ana.

Filipieŋ 3:12

Ka ləva na, tek a neney hay tabiyaha na, i ka ndzafata ba kakay, dakay na, i ka tərey tsoy kərem ndaw haya ha me təke kakay; ama i kəɗey vaw na, i ka husafa, i ka zəga masa ma ma hway ana, ka vəday ma mey na, yah ana ta 'ar a ɗaw ana na, Yezu Kriste ka zəgiyawa ba.

Filipieŋ 3:3

Hərway ndaw ma sla kuɗey ana hay na, lakwa neney, ma kakwar kuley a Bay ma Bəla ta Mesəfrey ana, ma padakwa me wezley dey lakwa ka Yezu Kriste ana, ma mbəkadakwa vaw lakwa hay a bay'ar ma vaw lakwa na hay kakay ana.

Filipieŋ 3:8

Ama ayaw, i nəkafata ka tek ana ŋga na hay na, andza me zəɗey tedehe, ka slam dey me zleley a neney ma fənata tabiyaha na, da ma sərada Yezu Kriste Bay’ərlam a ɗaw aha. Hərway ŋga na, i ka zəɗadata tek a ɗaw hay ba tabiyaha, ha arka, i nəkafata ka tek ana ŋga na hay na, andza kwaskwalay tedehe, ma aza i ka da ndzafada Kriste.

1 Tesalonisieŋ 1:1

Yah Pol, Silveŋ ta Timotey, a Egliz ma Tesalonisiyeŋ hay, na da Bay ma Bəla Baba, da mezəley ma Bay’ərlam Yezu Kriste. Hayna hahaya, ta zozoy ŋga ka ndzey ta kuray.

1 Tesalonisieŋ 2:2

Ama azlakwa tok na, la ka kəmawa banay ba, ta ma tsaɗəmandərawa da Filip, kuray ana ka səradama seŋgey, la ka ndzafam gədaŋ ba da har ma Bay ma Bəla ala, ma səmadandar ma da taləkadakwar mey ta Mey ŋga Wayna, ma tazlarawa ta ma kəɗa vaw ta tek hay haɗadzidzay.

2 Tesalonisieŋ 1:1

Yah Pol, Silveŋ ta Timotey a Egliz ma Tesalonisiyeŋ hay na da Bay ma Bəla Baba lakwa, da mezəley ma Bay’ərlam Yezu Kriste na.

2 Tesalonisieŋ 1:10

Andza ka da sawa ba na, ta pas ana ŋga na na, ndaw aŋga Kokwaɗ ana hay a da hasəkadəmara bəzay, a da datar ’ar a ndaw ma pamərawa 'ar ana hay, arka kuray na, ka pəmawa 'ar ba ka seydewe la.

1 Timotey 1:2

a Timotey bəzey ɗaw dərka na da me pey 'ar: hayna ndzefey hahaya, me key da vaw, ta zozoy da har ma Bay ma Bəla Baba, ta Kriste Yezu Bay’ərlam a lakwa.

1 Timotey 3:8

Diyakre hay ka kam na, andza ha satsa, hayna taya ka kam ɗa ndaw ahiya, huɗa mey ta ka key na asləta, ka vəladəmara vaw a zom zlay, kwa ka da səpam sumkwo ta me bemey ndaw aha zlay.

Ɗeriwel a Tit 1:1

Yah Pol, bəzey meslərey ma Bay ma Bəla, maslaŋ ma Yezu Kriste, ma da madatərawa ndaw na Bay ma Bəla ma gaɗəmata na hay a me pey 'ar, ma ka da səradama dərka, na ma dam kassla ka vaw ta me ndzey da ma ɗamara ’ar ana.

Ɗeriwel a Tit 1:7

Akwa haya ha na, ndaw ana hana ma pa ha Evek aha na na, ka key na ka ŋgəlamar bəzay kakay, da ndaraw aŋga me nəkey dey ka zleley ma Bay ma Bəla na: ka da key ndzəlakokwa ha zlay, kwa mevel a tsar so zlay, kwa ndaw ma 'ay zom aha zlay, kwa ndaw me kəɗey vaw aha zlay, ka da səpey sumkwo da tek me key hwaray ana hay zlay.

Filemoŋ 1:1

Yah Pol, i da daŋgay hərway ma Yezu Kriste, ta malam a ɗaw Timotey, i windar a Filemoŋ, mandala la ma meslərey, na la ma wuɗama bəza kakay ana,

Ebrew 13:23

Hayna səradama, ka kəladəmərawa malam a lakwa Timotey ba da daŋgay. Kendzey ka husawa ba bəse na, i da dəmaɓa ma da nəkəməkurawa na tsetsuwe.

Ɗeriwel ma Zak 1:1

Yah Zak, gawla ma Bay ma Bəla ta na ma Bay’ərlam Yezu Kriste, i windatar a səkway a neney kurow kava tsew, ma pa mey ahiya ka bəla na, i ka tsadakwar guma.

1 Piyer 2:25

Hərway akwa na, kuray ma zəɗaya tsoy andza təɓaŋ hay, ama ekəɗey na, kuray ka mbəɗam dey tsoy 'ar a 'ay ndaw me tsukurey, ndaw me nəkey dey ka mezek kwar ana hay.

2 Piyer 1:1

Yah Simeiyoŋ Piyer, gawla ma 'ay, maslaŋ ma Yezu Kriste, i windatar a ndaw na ma ndzafam ta dzerey ma Bay ma Bəla lakwa, ta me buwey lakwa Yezu Kriste, me pey 'ar ma wam kal kal ta na ŋga la na:

Ɗeriwel ma Zud 1:1

Yah Zud, gawla ma 'ay ma Yezu Kriste, i malam ma Zak, i windatar a ndaw ma zəlaya na hay, na Baba Bay ma Bəla ma wuɗata na, ma wa ahiya vaw ma Yezu Kriste ana hay.

Apokalis 1:1

Ɗeriwel neney na, tek ma kəzla hiya na Yezu Kriste ka ɓada na: Bay ma Bəla a vəladara na, ma ka da ɓadatara a gawla ma 'ay ŋga hay, tek na ma da sawa da bəse na. A da ɓadara na, ŋga ma sləradərawa madurlam aŋga, ka tsakay ma gawla ma 'ay ŋga Zaŋ.

Apokalis 1:20

Ka guma ma kəzla na ma wurzla neney hay tsəla kah ma nəkadata da har zəmay ɗaw ana, ta tek me key waw ma gura ta hawal ahiya kava tsəla, guma na na, andza neney: wurzla a hay tsəla na na, madurlam hay tsəla ma Egliz hay tsəla na, arka tek me key waw ta hawal ahiya kava tsəla na na, Egliz ana hay tsəla na hay.»

Apokalis 19:10

Arka i me gərdey ka slam sek aŋga, ma da nar dəba, ama ŋga me ləvaya: ɗaɗa ka da key andza ha zlay, yah na mandala ma meslərey, na ŋga ɗek ta malam ɗek hay na, ma wafama vaw ka seydewe ma Yezu ana. Ka da nar dəba na sey a Bay ma Bəla, hərway seydewe ma Yezu, na mesəfrey ma ndaw sek.

Apokalis 2:12

Windar a madurlam na da Egliz ma Pergam ana: Ndaw na ta sleɗ ma tsakay a zəmey tsakay tsewe ta hiya na, a ləvey na andza neney:

Apokalis 2:8

Windar a madurlam na da Egliz ma Smirne ana: Ndaw aŋga na tsəfəmey ana, madakwaydok ana, Ndaw aŋga na me mətsey ba na, amana ma mawa ba a mendzey ana, a ləvey na andza neney:

Apokalis 22:9

Ama ŋga ma ləvaya: ka da key andza ha zlay! Yah na, mandala ma meslərey ɗek, ta malam eɗek hay, ndaw sek hay ta ndaw ma wafama vaw ka guma ma ɗeriwel a neney hay, ka da nar dəba na, sey a Bay ma Bəla.