Efeziyeŋ 5:3 - MEY HAYNA WAYNA MA YEZU KRISTE MA MEVEY

³ Me tsəley so, me zləɓey, kwa na waray na waray, kwa dey me key na, ka da key daha da walaŋ akwar zlay. A dam ka vaw ta ndaw kokwaɗ ana hay kakay.

Efeziyeŋ 5:3 Iomraidhean Croise

Matiyew 15:19

Akwa a bəmawa na da mevel: andza me dzeley 'ar haykakay ana hay, me kəɗey ndaw vagay ha, me key madama, me key tek so ha, mahal, seydewe haykakay ana, me tseɗey ndaw.

Mey Hayna Wayna ma Bay Yezu Kriste Luk 12:15

Arka ŋga ma ləvatar: «Wam daw ka vaw ka me wuɗey zleley kwar a neney kambəlaɓa na, mavəday ma ndaw ŋga zleley aha na, ka ləva na ŋga ka ndzafa mendzey ŋga tsoy da zleley ŋga kakay»

Mey Hayna Wayna ma Bay Yezu Kriste Luk 16:14

Fariziyeŋ hay a wuɗam sunko bəza kakay na, ma pafama sləmay ka guma ŋga neney na, ma saŋgərafama.

Mber 15:20

Windəkwatar tsana: «Ka mbəkadama me zləɓey hay, ’ərlam so na hay, me tsəney sləmay kakay, slaw ma mətsa ha te mətsey ana ta mambaz.»

Mber 20:33

Ɗaɗa tek ma ndaw ka kaya dey dakay: a da key na sumkwo, gura dakay zana na.

Romeŋ 1:29

Taya ma rəha vaw ahiya ta tek na dzerey a kakay ana hay tabiyaha: a kam tek haya kakay ana hay, a kam dey ka tek ma ndaw hay, taya seweɗ ahiya, ma rəha hiya ta səleŋ, a kəɗam ndaw vagay aha, a təram vaw, a zləgadəmata sa ma ndaw hay, a kam tek hay so ha, a tsam maləwaɗay ka ndaw hay,

Romeŋ 16:2

Ŋgəlama da mezəley ma Bay’ərlam, ma kəla ma ndaw andza ɗa kokwaɗ ahiya na. Dzənama da tek waray waray, andza na ma ŋga ma wuɗey ka kuray ana, hərway ŋga ka dzəŋgərey ba ka ndaw hay haɗadzidzay, ta yah ana adzay.

Romeŋ 6:13

Ka da vəladəmara mezəvey ma vaw kwar hay ma kadara mber a meŋgəsey, andza tek ma har ma dzerey kakay ana sazlay, ama haya təram na, andza ndaw ta dey ana hay, ma məmawa da walaŋ ma ndaw ma mətsa na hay, ta mezəvey ma vaw kwar hay, andza tek ma har, ma dzerey aha, vəladəmara vaw kwar kərem a meslərey ma Bay ma Bəla.

1 Korintieŋ 10:8

Ka da vəladukwara vaw lakwa a me tsəley so, andza ma ndaw hay daha ma kam da walaŋ ata na zlay: pas asləta na, ndaw ma bezley gabal kokurow tsew kava makar.

1 Korintieŋ 5:1

A tsəney ka waray ka waray na, a ləvam, waya ndaw ka zləɓey ba da'ay kwar, me zləɓey na na, a gegərey ndaw, kwa tekeɗe ndaw Zuif ahiya kakay ana hay na, a kam aha andza ha kakay: a ləvam waya ndaw da walaŋ a kwar ka dzəmam ba ta ŋgwas ma baba ŋga.

1 Korintieŋ 6:13

Tek me zəmey ma vəla ha na ma hwaɗ, hwaɗ ma vəla ha na ma tek me zəmey, amana, Bay ma Bəla a da davasadata tsetsuwe ta hiya. Ama, vaw ma vəla ha na, ma tsəlada so ha kakay, ma vəla ha na, ma Bay’ərlam, Bay’ərlam tey ma vəla ha na ma vaw.

1 Korintieŋ 6:18

Hwadama ta me tsəley so. Sa ma meŋgəsey tabiyaha na ndaw me key ana, a ləmar a slaw vaw kakay, ama ndaw me tsəley so na, a ŋgəsar na a bay ’ar ma vaw ŋga.

2 Korintieŋ 12:21

I wesey naŋgarhay, ma da daɓa ɗaw a neney ta 'ay kwar ana na, Bay ma Bəla a ɗaw ka da paya hwaray a dey, ka slam dey kwar, ma i ka da tuway, hərway ma ndaw hay haɗadzidzay ma ŋgəsam mata zlekete na hay, mandzara ka mbəɗadama mendzey da me zləɓey ta, da me ndzey ta təɗe kakay ana, ta me tsəley ta na so kakay.

Efeziyeŋ 5:12

Tek ma ndaw a neney hay ma kam ta mahal ana hay na, hwaray a key me təkərey.

Efeziyeŋ 5:5

Hərway hayna səradama haya hayaha, ndaw me tsəley so, me zləɓey, ndaw həzay aŋga ma tərafa ba kuley aha na na, ma wurzla ahiya ba ka me zəmey Slala ma Kriste, ta na ma Bay ma Bəla.

Filipieŋ 1:27

Haya dzadzak na, ndzam andza na ma Mey Wayna ma Kriste, haɗaw i da daɓa ma da nəkurawa na, kwa kendzey i dakay na, i tsənada a tsam aha ka kuray, ma ɓadəmaya kuray mandzaya mambay aha da mesəfrey ana asləta, ka kəɗam aha vaw ka masləta ha, ta mevel asləta, andza ma me pey 'ar ma Mey Wayna.

Kolosieŋ 3:5

Tek na ma vəla ha ma dala da vaw kwar ana na, mətsadama ba: me tsəley so, tek me zləɓey ndaw, tek me sey, me wuɗey tek haya kakay ana hay, ta həzay a neney ma təra ha ba andza tek ma kuley ma ’ərlam so na hay.

1 Tesalonisieŋ 4:3

Tek ma Bay ma Bəla me wuɗey na, ha təram kokwoɗ ahiya, ha mbəkadama me tsəley so ha ba.

1 Tesalonisieŋ 4:7

Akwa na, Bay ma Bəla a zəlandukurawa na, ma lakwa ka da ndzakwama da me zləɓey kakay, amana, a zəlandukurawa na ma da tərey kokwoɗ ahiya.

1 Timotey 2:10

Ama dzadzak hayna, ka ləmam vaw na, da tek ata ma kam hayna hay, andza na ma dadata ta ŋgwas hay na ma kam meslərey ma Bay'ərlam ana.

1 Timotey 3:3

kwa ndaw ma 'ay zom aha kakay, a kəɗey vaw kakay, amana ləfeɗeɗe ha, kwa ka key ndaw dzendze ha zlay, ndaw dey aha kakay.

1 Timotey 6:10

Akwa na, slasləlay ma tek a neney hay tabiyaha na, me wuɗey sumkwo. Sa ma ndaw na me səpey zleley ana hay na, ka zləgam ba dreŋ da 'ar me pey, ka slakama mezek ta ba, ta me dzeley ’ar ka tek hay haɗadzidzay.

2 Timotey 3:2

Akwa ndaw hay a da təram ndaw mavahay ahiya, dzam ma sumkwo ahiya. A da ŋgalakam, a ɓam ta vaw. A da tsaɗama Bay’ərlam. A da tsənam sləmay a baba ta, ta may ta hay kakay, a da sam a ha ’ar ta tek kakay. A da rəsata tek ma kuley hay.

Ɗeriwel a Tit 1:11

Hayna wuɗadəmatara mey. A hudzəfadəmata veɗ 'ay hay tabiyaha ta me tetəkey ndaw ata ma ndzafada sumko me key hwaray ana, akwa təɗe na tek me key kakay.

Ɗeriwel a Tit 1:7

Akwa haya ha na, ndaw ana hana ma pa ha Evek aha na na, ka key na ka ŋgəlamar bəzay kakay, da ndaraw aŋga me nəkey dey ka zleley ma Bay ma Bəla na: ka da key ndzəlakokwa ha zlay, kwa mevel a tsar so zlay, kwa ndaw ma 'ay zom aha zlay, kwa ndaw me kəɗey vaw aha zlay, ka da səpey sumkwo da tek me key hwaray ana hay zlay.

Ɗeriwel a Tit 2:3

Ŋgwas maraw ana hay andza ha satsa, ka kadama vaw ta na andza ndaw kokwoɗ ahiya, kwa me ŋgəley bəzay dakay, kwa ma vəladara vaw a zom kambəlaɓa dakay, ka tatəkadəmata ndaw hay me key tek hayna hay.

Ebrew 12:16

Wam daw ka vaw ka ndaw ma tsəley so ha, dakay na ndaw ma zləɓa na hay ka da key daha zlay, andza ma Ezaw, hərway ma tek me zəmey vəley asləta na, ma haɗəkada slam har ma ɗuhwa ŋga ba.

1 Piyer 5:2

tsukurama welde ana ma Bay ma Bəla ma vəladəmakwar ana, ka key na ma mbarga ma zay zlay, amana ta mevel a kwar adzay, andza ma Bay ma Bəla me wuɗey ana; ka da key na, ma ma ndzafada sulay zlay, amana ta mevel eɗek adzay.

2 Piyer 2:10

dzadzak na ndaw ma hwam ma səpam tek ma slaw vaw ma satar ana, tek hayakakay ana hay tedehe na hay na, a rəsəmata ɗuhwa ma Bay'ərlam. Taya na waya ɗa ka vaw ta, seweɗ ahiya, zluwer a katar me tseɗey Maram ma 'ərlam hay kakay,

2 Piyer 2:14

Dey ma rəha hiya ta me key madama, meŋgəsey a slatar kakay, a pafəmata wuiya ka ndaw ta me dzeley 'ar bəle na hay, ma gawla ley me wuɗey sumkwo ahiya, bəzey ma kəla 'ar ahiya na hay.

2 Piyer 2:3

arka da tek me sey ta kambəlaɓa na na, a da kadəmakwar tsakana ta guma ta me ŋgəley ndaw ana hay; ma ta zla ekəɗey kakay ana, sariya ta na, a da ndzawa ha kakay, me zəɗey ta na a hutata ha.

Apokalis 2:14

Amana, tek na i ma da kaka say kava na daha: ndaw hay daha da 'ay ɗek, ma tapa hiya ka me tetəkey ma Balam ma dəhəɗa Balak, ka ŋgafata gendeɗ ka bəzey ma Israyel hay, ma aza ka dahəɗata ka pəɗam slaw ma kuley ma vələmatar a ’ərlam ma ndəra ta har ana hay, arka ana aza ka kam bordel.

Apokalis 2:21

I ka mbəkar bəzay ba ma ka mbəɗada mendzey ŋga, amana kwa ka wuɗey ma mbəɗada mendzey ŋga, ma mbəkada bordel aŋga na kakay.

Apokalis 21:8

Ama ndaw zluwer ana hay, ndaw me mbəɗey sler a guma ta na hay, ndaw me key tek haya kakay kambəlaɓa na hay, ndaw me kəɗey ndaw vagay ana hay, ndaw me ney ta ndaw hay so ha na hay, ndaw me key hila hay, ndaw ma nəmatar dəba a ’ərlam ndəraya ta har ana hay, ndaw maləwaɗay ana hay tabiyaha na. Mala ma ta ma vəla ha na, da bəlay ma waw ta burəhway me dəlɓey ndaw ana. Ma ndaw ana ŋga na hay na, memətsey me tsetsew ana.»

Apokalis 22:15

Da bəla na, ndaw me key tek so ha na hay! ndaw me key hila hay, ndaw me ney ta ndaw hay so ha na hay! Da bəla na ndaw me kəɗey ndaw vagay ana hay, ndaw ma nəmatar dəba a ’ərlam ndəra ta har ana hay, ndaw me wuɗey maləwaɗay ana hay ta ndaw me tsey maləwaɗay ana hay!

Apokalis 9:21

Ka mbəɗadama mendzey ta kakay da me kəɗey ndaw vagay aha, da tek ma madaŋ ata na ma kam ana kakay, ta me tsəley ta so na kakay, kwa da mahal ata ma kam ana kakay.