Efeziyeŋ 2:4 - MEY HAYNA WAYNA MA YEZU KRISTE MA MEVEY

⁴ Ama Bay ma Bəla na, ndaw a kar da vaw bəza kakay, hərway ma ma wuɗa vaw ŋga na ɗuhwa ha na, ma wuɗandukurawa na,

Efeziyeŋ 2:4 Iomraidhean Croise

Mey Hayna Wayna ma Bay Yezu Kriste Luk 1:78

Nəkafama neney tek hayna gədaŋ ma Bay ma Bəla lakwa na: kuse ma tek aŋga hayna na na, wurzla ma sləlawa ma sawa da 'ərlam ma da tsandukuraɓa guma.

Romeŋ 10:12

Kəɗey na, me weley ma ndza Zuif hay ta Grek hay na, ka vaw dakay: tobiya ta hiya Bay’ərlam ata na na ŋga asləta, zleley aha ka ndaw ma zəlama na hay tabiyaha.

Romeŋ 2:4

Tsukuɗu ka key na ka rəsa zleley ma kokwoɗ aŋga, ma me zəgey mevel aŋga, ma ma wurey har aŋga a ndaw, mandzara kah ka sərafa, kokwoɗ aŋga na na, a dahəɗaka a ma mbəɗada mendzey ɗek kakay ɗaw?

Romeŋ 5:8

Ama andza neney tok na, Bay ma Bəla a ɓada ma wuɗa vaw ŋga ka lakwa: Kriste me mətsey hərway lakwa, da har ana lakwa da meŋgəsey mba.

Romeŋ 9:23

Tek a neney tabiyaha na, ma ɓada zleley ma ma wezley dey ŋga, ka ndaw na ma kamar da vaw ana hay, ŋga maləmatərawa zla ka vaw, ma da ndzafam maram aŋga na hay.

Efeziyeŋ 1:7

Da me dzəmey vaw lakwa ta ŋga na, lakwa ma buwaya ba, ta har aŋga na, malay lakwa hay ma sa yam ahiya ba, hərway me zleley ma hahaya ŋga.

Efeziyeŋ 2:7

Kəɗey tok na, ta haya aŋga me key hərway lakwa da Yezu Kriste na na, a wuɗey ma ɓada da mevey temere na hay ma da səmawa ka mey ana hay, zleley ma hahaya ŋga, na tek ma malada dakay ana.

Efeziyeŋ 3:8

Yah a neney gudar, madakwaydok ana ma ndaw kokwaɗ ana tabiyaha na, i ma ndzefey hahaya ma tələkadatara mey a ndaw Zuif ahiya kakay ana hay, zleley ma guma ma Kriste me nəkey kakay ana,

2 Tesalonisieŋ 2:13

Ŋga la tey na, hayna la ka madəmara sise dzeɓelle a Bay ma Bəla hərway kwar, malam na Bay’ərlam ma wuɗata na hay, hərway Bay ma Bəla ka gaɗəmakwar ba zla da mezley, ma aza ka buwəmakwar ta Mesəfrey ma tərada ndaw kokwoɗ aha, ta me pey 'ar ka dərka ana.

1 Timotey 1:14

Ayaw, hahaya ma Bay’ərlam na, ka batəkwafiyawa ba haɗadzidzay, satsa na, me pey 'ar ta ma wuɗa vaw da Kriste Yezu ana.

2 Timotey 1:9

Ŋga ma buwandukurawa, ma zəlandukurawa ta mezəley kokwoɗ ana, na ŋga na na, ka vəday ma mber a lakwa me key hayna kakay, amana ka vəday ma tek aŋga ma dzeley ana, ta hahaya ŋga. Hahaya na, ŋga na ma vəladandukurawa da Kriste Yezu ana, zla bəla ka zley tsaray kakay ana.

1 Piyer 1:3

Hayna ma sambəra Bay ma Bəla Baba ma Bay’ərlam a lakwa Yezu Kriste, da ndaw aŋga ma kar da vaw bəza kakay ana na, ka yadandukurawa ba mekelehe, ta ma mbəlawa ma Yezu Kriste da walaŋ ma ndaw ma mətsa na hay, ma lakwa ka ndzafakwa me pey dey na me vəley mendzey ana,