Efeziyeŋ 2:3 - MEY HAYNA WAYNA MA YEZU KRISTE MA MEVEY

³ La da walaŋ ata tiyatsa, la neney tabiyaha, ma mbəkadəmara vaw zlekete a tek ma slaw vaw ma sar ana, la kam andza ma ŋga me wuɗey ana, la səpam me dzeley 'ar aŋga, arka la ma kaya na kalkal andza sa ma ndaw hay, ma vəlaya a me tsey mevel.

Efeziyeŋ 2:3 Iomraidhean Croise

Mark 4:19

ama me dzeley 'ar ma bəla neney, tek me sey ma zleley, ta sa ma tek a sana hay ma pətənam ndaw ana hay, a fuləkwam, a margaɗa Guma na, mandzar ka yey kava.

Mey Hayna Wayna ma Yezu Kriste Zaŋ 1:13

Taya aŋga na ma ya hiya na, ma mambaz kakay, kwa da me wuɗey ma slaw vaw kakay, kwa ma me wuɗey ma ndaw kakay, amana ma Bay ma Bəla.

Mey Hayna Wayna ma Yezu Kriste Zaŋ 8:44

Baba kwar na, Sataŋ, ka wuɗam me key na, andza ma baba kwar ana me wuɗey. Zla da mezley ana təŋga na, mber aŋga na, sey ma zəɗadara 'ar a ndaw. Ŋga ka slafa me ndzey da dərka kakay zləna, dərka da vaw ŋga dakay. Andza a tsey maləwaɗay na, a bawa na da zleley ŋga na, mavəday ŋga maləwaɗay aha, baba ma maləwaɗay.

Mber 14:16

Da na zle zle na na, ŋga ka mbəkadatərawa səkway hay ba, me səpey tsəveɗ ata.

Romeŋ 1:24

Kavəday ma mey na, Bay ma Bəla ma mbəkafata har a tek na ma katar dey da mevel ata na hay, a tek ma zləɓey ndaw ana hay, ma taya ka da ɗəmatar ndaw a bay ’ar ma vaw ta na hay sazlay.

Romeŋ 11:30

Zlezle akwa na, kuray ka dzəkəmərawa sləmay a Bay ma Bəla kakay. Ama ekəɗey da ma tsənəmərawa sləmay ta kakay ana na, kuray na, ha kamar ba da vaw.

Romeŋ 13:14

Ama kəlam ka vaw na Bay’ərlam Yezu Kriste, ka da mbəkadəmara vaw a tek ma slaw vaw ma sar, ma kadara andza ma ŋga ma kar dey ana zlay.

Romeŋ 2:14

Kendzey ndaw Zuif ahiya kakay ana hay mewey ta dakay ana a kam tek na mewey me ləvey ana na, ma ndzaya na mewey ahiya ka ’ar vaw ta na, taya aŋga na mewey ta dakay ana.

Romeŋ 5:10

Haɗaw azlakwa kete lakwa ndaw dugwan ma Bay ma Bəla ahiya na, ka dzəmadandakwar ba ka vaw ta me mətsey ma Bəzey ŋga sa na, dzadzak ekəɗey lakwa ma dzəmaya tsoy ka vaw tok na, a da buwandakwar ta Mendzey ŋga sakay tok ɗaw?

Romeŋ 5:9

Ana ekəɗey lakwa ma tərahiya ba dzerey ahiya ta mambaz aŋga na, dzadzak tok na, a da buwandukurawa da me tsey mevel da har aŋga sakay tok ɗaw?

Romeŋ 6:12

Hayna meŋgəsey ka slafa ma wa tapay ma vaw kwar a neney ma mətsey na sazlay, ma kuray ka da tsənamar sləmay a tek aŋga ma wuɗey ana hay sazlay.

Romeŋ 7:18

Hərway i sərada ha da vaw ɗaw na -i ləvey na da slaw vaw ɗaw ana- tək hayaha da huɗa dakay. Ma wuɗey ma key tek hayna na, i wuɗey, amana, ma ka ŋga na na, i slafa kakay,

Romeŋ 9:22

Haɗaw Bay Bəla a wuɗey ma ɓada mevel aŋga ma tsar, ta ma slafa na na, ŋga ma zəgey mevel haya hayaha, ma ɓəsata tek ma ndaw ma kamar ma tsey mevel ana hay, akwa taya na tsoy a da zəɗam.

1 Korintieŋ 4:7

Akwa na, ma təradaka ɗuhwa ha a fəna sa ma ndaw hay na way? Tek eɗek ana tabiyaha da har eɗek ana, andza kah me ndzefey kakay ana na, mey? Azlakwa kah ka ndzefey ba sana, ka ŋgelekey andza kah ka ndzefey kakay na, ka mey?

2 Korintieŋ 7:1

Haɗaw azlakwa i wafakwa ha vaw ka guma na ma tsəmandakwar ana na, dzam a ɗaw hay, lakwa na na, bazləmakwa vaw lakwa hay ba tabiyaha da meŋgəsey ma slaw vaw, ta na ma mesəfrey; ndakadakwa ma tərada vaw kokwoɗ aha, da me wesey ta Bay ma Bəla.

Galat 3:22

Ama Mewindey Kokwoɗ ana a ləvey na, meŋgəsey ka watar 'ar ba a tek hay tabiyaha, ma aza arka ta me pey 'ar ka Yezu Kriste na, ka ndaw me pey 'ar na, guma ka ndesley andza na ma tsəmərawa na.

Efeziyeŋ 2:2

na kuray ma vəla vaw ahiya da huɗa zlekete na, da har andza ka səpam aha 'ərlam ma bəla neney hay, bay ma ma slafa haya kakay ana hay me key bay ka mabaŋ ma 'ərlam ta dala, ŋga na mesəfrey ma tek haya kakay ana me key mber ekəɗey ana da walaŋ ma ndaw ma tsənadama sləmay kakay ana hay.

Efeziyeŋ 4:22

a dafa na mbəkadama mendzey kwar gurma na, tsukwama ndaw gurma na ba ka vaw kwar, na me key ger me ŋgəsey kakay ana, hərway ma tek hay ma kamar dey me zləgey ndaw ana.

Kolosieŋ 1:21

Kuray a zlekete mbəlak ahiya na na, tek a kwar me key haya hiya kakay ana na, a kadakwar dugwan ahiya kambəlaɓa.

1 Tesalonisieŋ 4:13

Malam ala hay, la wuɗam ma mbəkadəmakwar mandzara ha səradama tek, ka guma ma ndaw ma mətsa na hay kakay, ma aza ha da ndzam da magwam andza ndaw me hutey tek ka mey kakay ana hay zlay.

1 Tesalonisieŋ 5:6

Kəɗey tok na, ka da narakwama andza sa ma ndaw hay zlay, ama hayna ndzakwama tsekerkerre, ndzam mandzara me sey zom.

1 Timotey 6:9

Ma ndaw me wuɗey me tərey zleley ahiya na hay na, a kəlam a gendeɗ ma me pey wuiya, a tek me sey so lamba na hay haɗadzidzay, haya kakay ana hay, a kuyadata ndaw hay a me zləgey ta me zəɗey.

Ɗeriwel a Tit 3:3

Hərway, zlezle lakwa na tiyatsa na, la səradakwa 'ar kakay. I tsənakwama sləmay kakay, lakwa ma zləga hiya, beke ma tek me sey ahiya ta tek ma dey 'ar ana hay. Lakwa ma ndza hiya da suweɗ ta tek me sey haya kakay ana hay, i ŋgəlakwama dey ka ’ar vaw lakwa na hay kakay.

1 Piyer 1:14

Andza na ma bəzey ma tsənam sləmay ana hay na, ka da tələkam a tek me sey kwar a zlekete da har ka səradama Bay'ərlam tsaray kakay ana zlay.

2 Piyer 2:14

Dey ma rəha hiya ta me key madama, meŋgəsey a slatar kakay, a pafəmata wuiya ka ndaw ta me dzeley 'ar bəle na hay, ma gawla ley me wuɗey sumkwo ahiya, bəzey ma kəla 'ar ahiya na hay.

2 Piyer 2:18

Akwa na, ta guma ta na ma dzadzuwam tedehe na hay na, a pətənəmata ta tek me sey ma slaw vaw me key hwaray ana hay, ndaw andza ma bəmawa 'ar ba nekəɗey da walaŋ ma ndaw ma zləga na hay.

1 Zaŋ 2:16

Mavəday tek ana hay tabiyaha da bəla na na, - tek me sey ma slaw vaw, tek me sey me dey, ma vəladara vaw da me ŋgelekey a zleley- a sawa na da Baba tikay, amana da bəla neney.

1 Zaŋ 2:8

Dzadzak i windəkuraɓa ɗey na, mey ma mewey wayna təŋga, - neney ana na, dərka na da ŋga, da kuray tiyatsa-, kavəday ləvaŋ a daway aha təŋga, arka tsa na, waw me nəkey dey hayna a wazlawa ha dey.