Efeziyeŋ 2:1 - MEY HAYNA WAYNA MA YEZU KRISTE MA MEVEY

¹ Arka kuray a neney hay ma mətsam ba hərway ma malay kwar ta meŋgəsey kwar hay,

Efeziyeŋ 2:1 Iomraidhean Croise

Matiyew 8:22

Ama Yezu ma ləvar: «Səpaya bəzay, mbəkadata vagay hay ka zləlam vagay ta.»

Mey Hayna Wayna ma Bay Yezu Kriste Luk 15:24

Hərway wawa ɗaw eɗey, andza ka mətsey ba, amana, ka mbəlawa ba. Ka zəɗey ba, amana, ma ndzafa ha ba›. Arka taya ma təɗafama me key magurlam tok.

Mey Hayna Wayna ma Bay Yezu Kriste Luk 15:32

Ama a dafa na me key magurlam, me key wuiya tizləne, kavəday malam eɗek a neney na, ka mətsey ba, amana ŋga ta dey, ka zəɗey ba, amana ma ndzafa ha ba.›»

Mey Hayna Wayna ma Yezu Kriste Zaŋ 10:10

Mahal a daw ma ŋga na, ma da huley, ma da təzey, me zəɗey tek. Ama yah na, i sawa na ma ndaw hay ka ndzafam mendzey, ka ndzafam na haɗadzidzay.

Mey Hayna Wayna ma Yezu Kriste Zaŋ 14:6

Yezu ma ləvar: «Yah na tsəveɗ, yah na mey ma dərka, yah na mendzey, ɗaɗa ndaw ma slafa me husey ka tsakay ma Baba mandzara yah na dakay.

Mey Hayna Wayna ma Yezu Kriste Zaŋ 5:21

Akwa andza ma Baba ma lətsadatərawa ndaw ma mətsa na hay, ma vəlatar mesəfrey ana na, Bəzey a slafa ma vəlar mesəfrey a ndaw ŋga me wuɗey ana tiyatsa.

Mey Hayna Wayna ma Yezu Kriste Zaŋ 5:25

Dərka dərka na, i ləvakwar: har ana a sawa ha, ekəɗey ana na, ŋga kəɗey, andza ndaw ma mətsa na hay, a da tsənadama vəɗe ma ɗay ma Bəzey ma Bay ma Bəla, ndaw ma tsənadama na hay na, a da səfram.

Romeŋ 8:2

Hərway mewey ma Mesəfrey ma vəley mendzey da Yezu Kriste na na, ka ləhadiyawa ba da mewey ma meŋgəsey ta memətsey.

1 Korintieŋ 15:45

Ma winda da ɗeriwel kokwaɗ ana na, andza neney: «Adam ndaw tsəfəmey ana na, vaw ŋga na andza ma gənaw, a səfrey, Adam ma dakwaydok ana na, mesəfrey aha, a vəley mendzey.

2 Korintieŋ 5:14

Ma wuɗa vaw ma Kriste a wandar 'ar, ta me dzeley 'ar a neney: Ndaw asləta me mətsey hərway ma ndaw hay tabiyaha, arka tok na, ndaw hay tabiyaha ka mətsam ba.

Efeziyeŋ 4:18

Me dzeley 'ar ata ma vəlaha na, ma ləvaŋ, arka na, taya mbəlak ahiya ka mendzey ma Bay ma Bəla, kavəday ma sərada tek ata kakay ana na, a dahəɗata a mevel a ta na təɗo təɗo na.

Efeziyeŋ 5:14

Hərway tek na ma ɓawa vaw ana na, waw me nəkey dey aha. Mewindey kokwaɗ ana a ləvey andza neney na hərwuiya: pərkey, kah a neney ma nara ha na! Lətsawa ba da walaŋ ma ndaw ma mətsa na hay! Ka kah na, Kriste a da wezley dey.

Kolosieŋ 2:13

Arka kuray ana ŋga na hay ma mətsam hərway ma malay kwar hay, hərway ma kuɗey kwar ma slaya da slaw vaw kakay ana na, Bay ma Bəla ka vəlakwar mendzey ba ta ŋga. Ka safandakwar yam ba ka malay lakwa hay tabiyaha.

1 Timotey 5:6

Dzadzak na, na me dzeley 'ar ka zel ana na, ma mətsa ha ba, kwa andza ŋga ta dey tekeɗe na.

1 Zaŋ 3:14

Lakwa na ka səradakwa, lakwa na ka tasəkwawa na ta memətsey a Mesəfrey, kavəday ka wuɗəkwata malam alakwa hay. Ndaw me wuɗey ndaw kakay na, ma ndza ha na da memətsey.

Apokalis 3:1

Windar a madurlam na da Egliz ma Sard ana, ndaw ta mesəfrey ma Bay ma Bəla hay tsəla na, ta wurzla hay tsəla na, a ləvey na andza neney: I səradata ha meslərey ɗek hay, a hikadama ha mezəley ɗek waya kah ta dey, ama azlakwa zlay kah ma mətsa ha!