Efeziyeŋ 1:4 - MEY HAYNA WAYNA MA YEZU KRISTE MA MEVEY

⁴ Ŋga ka gaɗəmandakwar ba a ŋga, amba ka zlərawa bəla, ma lakwa ka tərakwama kokwoɗ ahiya, mandzara me ŋgəley bəzay ka slam dey ŋga, da ma wuɗa vaw.

Efeziyeŋ 1:4 Iomraidhean Croise

Matiyew 24:22

Hana na ka takətsafama meney ana hay zlay na, ndaw ma da ləhada mendzey ŋga na dakay. Ama a da takətsafama meney ana hay ba na, hərway ma ndaw ma gaɗəma na hay.

Matiyew 24:24

Akwa na ndaw ma vaha ’ar maləwaɗay ana hay, ta ndaw sek maləwaɗay ana hay, a da lətsəmawa, a da kam zeheɗ me gegətsey ndaw ana hay ta ɗeɗew hay, ma ka zləgaɗəmata ndaw hay. Kendzey hana a key vaw na, ta ndaw ma gaɗəmata na hay dzay.

Matiyew 24:31

A da sləradata madurlam aŋga hay, ta mezezeŋ ɗuhwa hiya, da tsakay lam hay faɗ ata hiya ka halay ma həzlay ma ’ərlam zla da tsakay naŋgar kasl a naŋgar na, a da tsəhadəmata 'ar ta ndaw aŋga ma gaɗəma na hay.

Matiyew 25:34

Arka Bay ɗuhwa na a da ləvatar a ndaw ma har zəmay ŋga hay na: ‹Kuray eɗey Baba ɗaw ma pəsafakwar mey ana hay na, səmawa, ndzafama Slala neney ma ləmadəmakwar ka vaw, zla da mezley ma bəla na.

Mey Hayna Wayna ma Yezu Kriste Zaŋ 10:16

Təɓaŋ a ɗaw a sa na hay daha, ka fuləkumawa a welde na tsaray kakay, taya na ŋga na na hay tiyatsa na, hayna i ka tsəhadatərawa 'ar, a da dzəkam sləmay ka vəɗe ma ɗay ɗaw, a da key na welde na asləta, ndaw me tsukurey ana asləta.

Mey Hayna Wayna ma Yezu Kriste Zaŋ 15:16

Ma səpiyawa na kuray kakay, ama ma gaɗəmukurawa na yah. I ma padakwar ma aza kuray ka dawam, ha yam bəzey arka bəzey kwar ana hay ka ndzam, ma tek a kwar ma da tsəhey tabiyaha da me zəley ɗaw ka Baba na, a da vəladakwar.

Mey Hayna Wayna ma Yezu Kriste Zaŋ 17:24

Baba, a saya na, ka slam a ɗaw i kava na na, ndaw kah ma vəladataya na hay na, ka husam kava tey ka slam a ɗaw ana, ka zazərama me wezley dey, kah ma vəliyawa na, hərway kah ka wuɗaya ba, mba ka mezley ma bəla.

Mber 13:48

Andza ndaw Zuif ahiya kakay ana hay, ma tsənadama guma neney na, a datar 'ar, taya ma hasəkadəmara bəzay a guma ma Bay'ərlam. Mendzey ma ndaw ma vəla hiya ma mendzey me ndəvey kakay ana hay na, ma pam 'ar.

Mber 15:18

Ma səraha ba zla ekəɗey kakay.›

Mber 18:10

akwa na, yah daha ta kah, ɗaɗa ndaw ma da zəgaka ma da sadaka banay na dakay, hərway da wuraw a neney na, səkway ɗuhwa ha ma vəla ha ŋga ɗaw.»

Romeŋ 8:33

Ma da slafa ma ŋgəlafata ka ndaw ma Bay ma Bəla ma gaɗəma na hay na way? Bay ma Bəla ka təradata ba dzerey ahiya!

1 Korintieŋ 1:8

Ma da səmadakwar na ŋga na tiyatsa, ha səlekw, mala ta pas ma Bay’ərlam a lakwa Yezu Kriste na, ka da ŋgələmakwar bəzay zlay.

Galat 5:13

Malam a ɗaw hay, a zələmukurawa na, ma kuray ka wama 'ar a kwar, ama da me wey 'ar a kwar ana hana tok na, ka da mbəkadəmara vaw a tek me sey ma slaw vaw zlay, ama na, da ma wuɗa vaw na, dzənam vaw ka 'ar vaw kwar ana hay.

Galat 5:22

Ana nəkafama ka mber ma Mesəfrey ma sadərawa na: ma wuɗa vaw, wuiya, zozoy, me zəgey mevel, kokwoɗ, hahaya, me pey 'ar,

Galat 5:6

Hərway ma ndaw ŋga da Kriste na, ndaw ma sla kuɗey aha, dakay ma sla kuɗey aha kakay na, a nefey tikay, ama me nefey na, me pey ’ar me key tek da ma wuɗa vaw.

Efeziyeŋ 2:10

Hərway ma ləmandukurawa na ŋga, a kandukurawa na ta Yezu Kriste, ma da key mber hayna hay, na Bay ma Bəla ma ləmərawa zla ka vaw ana, ma aza lakwa ka da kakwama andza ha.

Efeziyeŋ 3:17

Hayna ka ndzada Kriste da mevel a kwar ta me pey 'ar, ma pa slasləlay aha, ma kar ha ha da ma wuɗa vaw,

Efeziyeŋ 4:2

da ləfeɗeɗe, da kokwoɗ, da me sey mevel, ɓəsam vaw ka 'ar vaw kwar ana hay da ma wuɗa vaw.

Efeziyeŋ 5:2

Ndzam da ma wuɗa vaw andza ma Kriste ma wuɗandəkurawa na, ma vəladərawa vaw ŋga na ta 'ar aŋga na a Bay ma Bəla hərway lakwa, andza tek ma ger ma kuley aha, andza wurdey me zey hayna ha.

Efeziyeŋ 5:27

A wuɗey ka ɓadara vaw na, a bay 'ar ma vaw ŋga na, mambay aha, mandzara luweɗ, mandzara həzlay ma vaw ka gerɗesey, kwa tek ma ŋgəsa ha kava dakay: a wuɗey na, Egliz aŋga ka key na kokwoɗ aha, me ŋgəley bəzay kava dakay.

Filipieŋ 2:15

mendzey andza bəzey ma Bay ma Bəla ahiya, mandzara luweɗ da walaŋ ma ndaw ma bəla neney ma ŋgəsaya na, ma bəraya na hay. Ka da nəkəmawa da huɗa na, andza 'ar yam ma waw me nəkey dey ma bəla ha.

Kolosieŋ 1:22

Ama ekəɗey tok na, Bay ma Bəla ka dzəmadakwar ba ka vaw, kuse ma me mətsey ma Bəzey ŋga me key tsetseh da slaw vaw ŋga, ka da badukurawa ka slam dey ŋga, kokwoɗ ahiya, me ŋgəley bəzay dakay, a zley vaw kakay.

Kolosieŋ 2:2

A saya na, ka səmadama mevel ata adiya, ka dzəmam mey mambay mambay aha da ma wuɗa vaw. Ka fuləkwam a zleley ŋga tabiyaha, a me sərey tek hay tabiyaha, a ma sərada tek ana na ma kəzla ha na ma Bay ma Bəla: Kriste

Kolosieŋ 3:12

Hərway kuray ma gaɗəmaya, ma təra hiya ba kokwoɗ ahiya, Bay ma Bəla a wuɗakwar sana, kəlam ka vaw tok na mevel ma ndaw ma kar da vaw ana, me səŋgərey da mey, ləfeɗeɗe, ma ləɓa vaw, ta ma zəgey mevel.

1 Tesalonisieŋ 3:12

Hayna Bay’ərlam ka gəladərawa, ka səkadərawa ma wuɗa vaw ana, kuray ma wuɗam vaw ka 'ar vaw kwar ana hay tabiyaha na, ka nəkey andza ma wuɗa vaw la ma wuɗəmakwar ana.

1 Tesalonisieŋ 4:7

Akwa na, Bay ma Bəla a zəlandukurawa na, ma lakwa ka da ndzakwama da me zləɓey kakay, amana, a zəlandukurawa na ma da tərey kokwoɗ ahiya.

2 Timotey 1:9

Ŋga ma buwandukurawa, ma zəlandukurawa ta mezəley kokwoɗ ana, na ŋga na na, ka vəday ma mber a lakwa me key hayna kakay, amana ka vəday ma tek aŋga ma dzeley ana, ta hahaya ŋga. Hahaya na, ŋga na ma vəladandukurawa da Kriste Yezu ana, zla bəla ka zley tsaray kakay ana.

2 Timotey 2:10

kavəday ma mey na, i ɓəsata tek a neney hay tabiyaha na, hərway ma ndaw ma gəɗəma na hay, ma aza taya tiyatsa na ka ndzafam me buwey na, da Kriste Yezu ana, ta maram me ndəvey kakay ana.

2 Timotey 2:19

Kwa teŋgey teŋgey na, bəzay ma 'ay ana Bay ma Bəla ma pa gədaŋ aha na na, ŋga daha təŋga. Zeheɗ aŋga ha na, guma neney: Bay’ərlam na, a səradata ndaw aŋga hay, arka satsa: kwa way way ka zəley mezəley ma Bay’ərlam ba ka vaw na, ka gurey ba dəreŋ ta meŋgəsey.

Ɗeriwel ma Zak 2:5

Pam sləmay ɗagay malam aɗaw i ma wuɗata haɗa na hay! Ma gaɗəmata ndaw mbarga na hay, ka slam dey ma bəla neney ma da təradata zleley ahiya da me pey 'ar, arka ndaw ma da zəmam Slala ma 'ərlam na ŋga ma tsatərawa kava a ndaw ma wuɗama na hay.

1 Piyer 1:2

Ma gaɗəmaya andza na ma Bay ma Bəla Baba me wuɗey ka key andza ha na, ta har ma Mesəfrey Kokwoɗ ana, ma təradata kokwoɗ ahiya, ma ka tsənamar sləmay a Yezu Kriste, ma aza ka da ndzafam mambaz aŋga, ka da pəradata, hayna hahaya ma Bay'ərlam ta zozoy ŋga, ka safukurawa haɗadzidzay.

1 Piyer 1:20

ma gaɗəma ha ka vaw, zla bəla daha tsaray kakay, ma ɓawa vaw ka me ndəvey ma bəla hərway kwar.

1 Piyer 2:9

Ama kuray na, kuray da me Səmbərey ma gaɗəma na, gwalay ma baba me key kuley ma 'ay Bay, ndaw ma dala kokwoɗ ana hay, səkway na ma vəla ha ma Bay ma Bəla na, ma kuray ka tələkadama mey ta tek ma ka hiya ɗuhwa hiya na hay, ma Ndaw ma zələkurawa da ləvaŋ, a waw me nəkey dey haya bəza kakay ana,

2 Piyer 3:14

Mavəday ma mey tok na dzam a ɗaw hay, kam gədaŋ hayna ka ndzafakwar na da zozoy, kassla, mandzara ka ŋgələmakwar bəzay.

1 Zaŋ 4:16

Arka la na, la səradama, ma wuɗa vaw ma Bay ma Bəla me key da walaŋ ala na, ka vəday la ma pəmawa 'ar kava, Bay ma Bəla na kokwoɗ aha. Ndaw ma ndzey da ma wuɗa vaw na, ma ndza ha da Bay ma Bəla, Bay ma Bəla tey ma ndza ha da ŋga.

Apokalis 13:8

Ndaw a hay tabiyaha ka dala na hay a da namar dəba, mendzey ma ndaw a hay tabiyaha na mezəley ta ma winda ahiya zla da mezley ma bəla da ɗeriwel ma mendzey ma bəzey təɓaŋ ma təza na kakay ana hay.

Apokalis 17:8

Gənaw ana kah ma nəkada na ha na na, ka key ba daha dərka na, ama ekəɗey na ŋga dasakay. A da bawa da babaŋ tsəvay, a da daway a me zəɗey. Arka ndaw ma dala hay, na mezəley ta ma winda ahiya da ɗeriwel ma mendzey kakay, zla da mezley ma bəla ana hay na, a da rəzlata andza a da nəkadama gənaw ana na, hərway ŋga ka key ba daha, ŋga dasakay, amana, a da mawa.