Efeziyeŋ 1:3 - MEY HAYNA WAYNA MA YEZU KRISTE MA MEVEY

³ Hayna ma səmbəra Bay ma Bəla Baba ma Bay’ərlam a lakwa Yezu Kriste, ka pəsafandakwar mey ba da ma pəsa mey hay tabiyaha ta Mesəfrey na Kriste ma sadərawa da ’ərlam ana.

Efeziyeŋ 1:3 Iomraidhean Croise

Mey Hayna Wayna ma Bay Yezu Kriste Luk 2:28

Simeiyoŋ ma təɓa wawa na a har aŋga, ma səmbəra Bay ma Bəla andza neney:

Mey Hayna Wayna ma Yezu Kriste Zaŋ 14:20

Ta pas ana ŋga na na, ka da səradama yah da Baba ɗaw, kuray da yah, yah tey da kuray.

Mey Hayna Wayna ma Yezu Kriste Zaŋ 17:21

Haya na, tobiya ta ha ka dzəmam asləta, andza kah Baba, kah da yah, yah tey da kah ana. Ka kam na, taya da lama tiyatsa, ma aza bəla ka pey 'ar ma sləradiyawa na kah.

Mey Hayna Wayna ma Yezu Kriste Zaŋ 20:17

Yezu ma ləvar: «Ka zəgadaya zlay, hərway ma mey na, i ka tsəley ’ar ’ay Baba ɗaw tsaray kakay. Kah ekəɗey na, daway da ndzafata malam a ɗaw hay, ləvatar: «I tsəley aha ’ar a 'ay Baba ɗaw, na Baba kwar aha tiyatsa, ’ar a 'ay Bay ma Bəla a ɗaw, na Bay ma Bəla a kwar aha tiyatsa.»

Romeŋ 12:5

Kəɗey na, lakwa haɗadzidzay, ta Kriste na, i da tərakwama na, vaw ma ndaw asləta, lakwa na, mazəva hiya ka ndaw ka ndaw, kwa way way na ta na ma ŋga.

Romeŋ 15:6

Ma aza ta mevel asləta, ta ma dzəma mey kwar na asləta na na, ha səmbərama Bay ma Bəla, Baba ma Bay’ərlam a lakwa Yezu Kriste.

1 Korintieŋ 1:30

Ka da kam da Kriste Yezu na ta har aŋga, ŋga na ka tərafandakwar ba andza ma səra 'ar na ma sawa da Bay ma Bəla ana, dzerey, tek me tərey kokwoɗ ana, ta ma ləhey vaw.

1 Korintieŋ 12:12

Akwa na, maladakwa ta tek: tapay ma vaw na ŋga asləta, amana, mezəvey ma vaw ana hay kava haɗadzidzay. Amana, mezəvey ma vaw hay tabiya ha na, kwa taya haɗadzidzay tekeɗe na, a da dzəmey na vaw ma ndaw asləta. Ma Kriste na, andza ha atsa.

2 Korintieŋ 1:3

Hayna ma sambəra Bay ma bəla, Baba ma Bay’ərlam a lakwa Yezu Kriste, Baba na ndaw a kar da vaw ana, Bay ma Bəla ma mey 'ərev da tek hay tabiyaha na.

2 Korintieŋ 11:31

Bay ma Bəla, Baba ma Bay’ərlam Yezu, ma pəsa mey aha ma kwoza ha na, a sərada na i ŋgəley kakay.

2 Korintieŋ 5:17

satsa na, haɗaw ndaw ana ŋga ta Kriste na, ma ləma ha ba waya ha. Bəla gurma na na, ma mbəka ha tsoy ta dəba, nəkafama tek ma kaha waya ha, ŋga kəɗey.

2 Korintieŋ 5:21

Ndaw andza ma səradərawa meŋgəsey kakay ana na, ka tərada ba ma ŋgəsa ha ma vəday lakwa, ma aza ta har aŋga na, lakwa ka da tərakwama dzerey ahiya ma Bay ma Bəla.

Galat 3:9

Kəɗey tok na, ndaw me pey 'ar ana hay na, ma pəsa mey aya ba andza Abraham, ndaw me pey 'ar ana.

Efeziyeŋ 1:10

ma dada har ana hay a me ndesley ta na, ma da tsəhadara 'ar ta bəla tabiyaha, a bəzay ma Bay ana asləta: Kriste. Tek na da 'ərlam ana hay ta na ka dala na hay.

Efeziyeŋ 1:17

Hayna Bay ma Bəla ma Bay’ərlam a lakwa Yezu Kriste, Baba na maram ma vəla ha ma ŋga na, ka vəlakwar mesəfrey ma ma səra 'ar, ka ɓadakwar kuray ka səradama dərka na.

Efeziyeŋ 1:20

ŋga ka padata ba ka kam mber da Kriste, da har andza ma ŋga ma mbəladərawa da walaŋ ma ndaw ma mətsa na hay, arka mandzada ta har zəmay ŋga da 'ərlam.

Efeziyeŋ 2:6

Ta ŋga na, ka mbəladandukurawa ba da walaŋ ma ndaw ma mətsa na hay, a ndzadandakwar da 'ərlam da Yezu Kriste.

Efeziyeŋ 3:10

Zla ekəɗey na, ndaw me wey ndaw hay ta bay hay, da 'ərlam, a səradama ma səra ’ar ma Bay ma Bəla haɗadzidzay ana na, kuse ma Egliz.

Efeziyeŋ 6:12

I da kakwama vərom na, ta ndaw hay kakay, amana, ta Ndaw me wey ndaw hay, ta Bay hay, ta Ndaw me kərey ndaw hay, ka bəla ma ləvaŋ a neney, ta gədaŋ ma mesəfrey haya kakay ana hay da 'ərlam.

Filipieŋ 2:11

me ndzey ma mey hay tabiyaha ka ɓadama Bay’ərlam na Yezu Kriste, ma da hasəkadara bəzay a Bay ma Bəla Baba.

Ebrew 8:5

ama kuley ta na na, a kadəmara na a mey dey ma tek, mezek ma na da 'ərlam ana. Andza na ma Moiz Bay’ərlam ma ləvərawa ka ləma gwadzavok ana, ŋga ma ləvar: «Nəkafa ka da ka na, kassla andza na ŋga ɗek ma ɓadəməkawa ka 'ar ma mamba na.»

Ebrew 9:23

Haɗaw azlakwa na, mey dey ma tek ma 'ərlam hay ma bazləma hiya na, ta metsekesley ma tek ana ŋgana hay na, hayna tek na da 'ərlam na dərka na hay na, taya na ta ’ar ata na, ka kam ma tsakasla hiya ta kuley hayna, na haya hiya a fəna sa na.

1 Piyer 1:3

Hayna ma sambəra Bay ma Bəla Baba ma Bay’ərlam a lakwa Yezu Kriste, da ndaw aŋga ma kar da vaw bəza kakay ana na, ka yadandukurawa ba mekelehe, ta ma mbəlawa ma Yezu Kriste da walaŋ ma ndaw ma mətsa na hay, ma lakwa ka ndzafakwa me pey dey na me vəley mendzey ana,