Efeziyeŋ 1:1 - MEY HAYNA WAYNA MA YEZU KRISTE MA MEVEY

¹ Yah Pol, maslaŋ ma Yezu Kriste da me wuɗey ma Bay ma Bəla ana, i windatar a ndaw Kokwaɗ ana hay ta ndaw ma tsənam sləmay ana hay ma Yezu Kriste:

Efeziyeŋ 1:1 Iomraidhean Croise

Mey Hayna Wayna ma Bay Yezu Kriste Luk 16:10

Ndaw ana ɗa ma ɗar ndaw da tek bəza ha ketekwəɗey na, a da key na ɗa ma ɗar ndaw da tek ɗuhwa na tiyatsa. Ndaw ma mbukwey ndaw da tek bəza ha ketekwəɗey na, a da mbukwey ndaw da tek ɗuhwa na tiyatsa.

Mber 16:15

Andza me ndzefey me dzuhəɓey ba ŋga na ta ndaw ma ’ay ŋga hay na, ŋga ma wunandar a 'ay ŋga, ma ləvandar andza neney: «Kuray ma dzalama na, i pey aha 'ar ka Bay’ərlam sana, səmawa da nam da 'ay ɗaw.» Ha ma təkandar ɗay la ka dawam.

Mber 18:19

Taya ma husam a Efez, da huɗa na, Pol ma mbəkadata ndaw aŋga ma dəmaɓa dzaya na hay, ŋga na ma daway a 'ay me ɗuley mey, ma da tsatar guma a Zuif hay.

Mber 18:21

Ama ma mbəkadata ta guma neney: «Kendzey Bay ma Bəla ka wuɗey ba na, i da mawa a 'ay kwar ta pas mekelehe.» Da Efez na, ŋga ma daw təŋga ta kombiwal.

Mber 9:13

Ananiyas me mbəɗey kava: «Bay’ərlam a ɗaw, i ka tsənada ba ndaw hay haɗadzidzay a tsafama ha ka ndaw ana ŋga na, tek aŋga ma katar haykakay a ndaw eɗek kokwaɗ ana hay da Zeruzalem.

Romeŋ 1:1

Yah Pol, bəzey ma slərey ma Yezu Kriste, ma zəla ha ka da tərey maslaŋ aha, ma wala ha, ma paha gəle ma da tələkada mey ta Mey Wayna ma Bay ma Bəla.

Romeŋ 1:7

I windəkuraɓa a kuray, ndaw Bay ma Bəla ma wuɗata na hay tabiyaha da Rom ana, a ndaw Kokwaɗ ana hay ta me zəley ma Bay ma Bəla, hayna Bay ma Bəla Baba lakwa, ta Bay’ərlam Yezu Kriste ka vəlakwar hahaya ŋga, ta zozoy ŋga!

Romeŋ 8:1

Ekəɗey na, kwa ndaw ma da dzuwata ndaw ma vəlaya ma Yezu Kriste na hay na dasakay.

1 Korintieŋ 4:12

Arka na, la yam vaw me key mber ta har ala na hay. A tsaɗəmandar, la na, la pəsam mey, a kadəmandar tatakway, lana i ɓəsama tsa.

1 Korintieŋ 4:17

I sləradukuraɓa Timotey, wawa ɗaw na i ma wuɗa haɗa da mezəley ma Bay’ərlam ana, ma tsənaya sləmay da mezəley ma Bay’ərlam ana na, mavədiya, ma aza ka madakwar me tetəkey ɗaw na ma kəsadaya da mendzey ɗaw ana ta Kriste, andza na i ma tatəkadara a ndaw hay ka waray ka waray da Egliz hay tabiyaha na.

2 Korintieŋ 1:1

Yah Pol, i maslaŋ ma Kriste Yezu, da me wuɗey ma Bay ma Bəla. Ta malam ala Timotey, i windar a Egliz ma Bay ma Bəla na da Koreŋt ana, ta ndaw kokwaɗ ana hay, na da dala ma Akayi tabiyaha.

Galat 1:1

Yah Pol, maslaŋ, ta malam na ndaw ma Kriste ana hay na la dzaya andza yah ana, i windar a Egliz na da Galasi ana hay. Ma padaya maslaŋ aha na ndaw hay kakay, kwa ta har ma ndaw kakay, amana ta Yezu Kriste, ta Bay ma Bəla Baba ma mbəladərawa da walaŋ ma ndaw ma mətsa na hay.

Galat 3:26

Hərway kuray tabiyaha ta me pey ’ar na, kuray bəzey ma Bay ma Bəla ahiya da Yezu Kriste.

Galat 3:28

Kəɗey na, kwa Zuif dasakay, kwa Grek dasakay, kwa beke dasakay, kwa ndaw ma wey ’ar aŋga dasakay, mawal ta ŋgwas dasakay, hərway kuray tabiyaha na, kuray asləta da Yezu Kriste.

Galat 3:9

Kəɗey tok na, ndaw me pey 'ar ana hay na, ma pəsa mey aya ba andza Abraham, ndaw me pey 'ar ana.

Efeziyeŋ 1:15

Nəkafama hərway ma mey na, yah ana tiyatsa na, zla i ka tsənada me pey 'ar a kwar da mezəley ma Bay’ərlam Yezu, ta kuray ma wuɗəmata ndaw Kokwaɗ ana hay tabiya ha na ba.

Efeziyeŋ 2:10

Hərway ma ləmandukurawa na ŋga, a kandukurawa na ta Yezu Kriste, ma da key mber hayna hay, na Bay ma Bəla ma ləmərawa zla ka vaw ana, ma aza lakwa ka da kakwama andza ha.

Efeziyeŋ 2:13

Ama ekəɗey da medzəmey vaw ta Yezu Kriste na, kuray a kete dəreŋ ana hay na, kuray ma təraya ba bəse ta mambaz ma Kriste.

Efeziyeŋ 2:6

Ta ŋga na, ka mbəladandukurawa ba da walaŋ ma ndaw ma mətsa na hay, a ndzadandakwar da 'ərlam da Yezu Kriste.

Efeziyeŋ 6:21

A saya na kuray ka səradama tiyatsa, mendzey ɗaw ana, tek a ɗaw me key ana. Tisik malam na i ma wuɗa haɗa na, bəzey me slərey hayna, ma tsəney sləmay ana da mezəley ma Bay’ərlam, a da ɓadakwar tek ana wayna hay tabiya ha.

Kolosieŋ 1:2

a ndaw kokwaɗ ana hay da Kolos, malam me tsəney sləmay ana hay da Kriste ana. Hayna Bay ma Bəla Baba lakwa, ka vəlakwar hahaya ŋga ta zozoy ŋga.

Apokalis 17:14

A da kam vərom ta bəzey təɓaŋ, amana bəzey təɓaŋ a da zəgafata 'ar ma sleɗ ba, hərway ŋga na, Bay’ərlam ma bay hay, Bay ɗuhwa na ma bay ɗuhwa na hay. Arka andza ŋga na, ndaw ma zəla na hay, ndaw ma gaɗəma na hay, ta ndaw ma tsənamar sləmay ana hay a da zəgama 'ar ma sleɗ tiyatsa.»

Apokalis 2:10

Ka banay ɗek ma da key ana na, ka da wesey zlay: nəkafa Sataŋ a da kuyey ndaw hay da walaŋ a kwar a daŋgay, ma aza ka həlafakwar suwet, da dəvaɗ kurow na a həlafəmaka suwet. Tsəney sləmay kasl a memətsey, i da vahaka ’ar ta mendzey hayna.

Apokalis 2:13

I sərada ha slam a ɗek ana kah ma ndza ha da huɗa na: Koriwal ma Sataŋ ŋga da huɗa. Ama kah ma ndza ha ma tapa ha ka mezəley ɗaw, kah ka mbəɗar mey a me pey 'ar eɗek ka yah kakay, kwa andza ta pas ma Antipas, ndaw seydewe ɗaw me mbəɗey sler kakay ana, ma kəɗama vagay aha da 'ay kwar, slam ana ŋga na na Sataŋ ma ndza ha da huɗa na.