Apokalis 9:1 - MEY HAYNA WAYNA MA YEZU KRISTE MA MEVEY

¹ Madurlam ma zlam ana, ma fa tolom aŋga: i ma nəkada ma pəmərawa teker a wurzla ka dala, ma vələmərawa lakile ma tsəvay sololo ana.

Apokalis 9:1 Iomraidhean Croise

Mey Hayna Wayna ma Bay Yezu Kriste Luk 10:18

Yezu ma ləvatar: «I ma nəkada Sataŋ a kəlawa ha da 'ərlam andza yam meweteɗey.

Mey Hayna Wayna ma Bay Yezu Kriste Luk 8:31

Arka ma kamar amboh a Yezu, ma ka da harata a babaŋ tsəvay zlay.

Romeŋ 10:7

Kwa ma da hərɗey a babaŋ tsəvay na way zlay, na ŋga na a da key na, kalkal andza ka tsəladərawa Kriste, da walaŋ ma ndaw ma mətsa na hay.

Apokalis 1:18

Ndaw ŋga daha ta dey ana, i ka mətsey ba, ama ekəɗey na, i daha ta dey ka mevey temere ka mevey temere kwoza ha, lakile ma memətsey ta slam ma ndaw ma tsəvay hay ma vəla hiya da har a ɗaw.

Apokalis 1:20

Ka guma ma kəzla na ma wurzla neney hay tsəla kah ma nəkadata da har zəmay ɗaw ana, ta tek me key waw ma gura ta hawal ahiya kava tsəla, guma na na, andza neney: wurzla a hay tsəla na na, madurlam hay tsəla ma Egliz hay tsəla na, arka tek me key waw ta hawal ahiya kava tsəla na na, Egliz ana hay tsəla na hay.»

Apokalis 11:7

Ama tsoy andza ka ndakadama ba me key seydewe na, gənaw ana a da tsəlawa da babaŋ tsəvay ana, ma da key vərom ta taya, a da zəga 'ar ma sleɗ, a da bazlata.

Apokalis 17:8

Gənaw ana kah ma nəkada na ha na na, ka key ba daha dərka na, ama ekəɗey na ŋga dasakay. A da bawa da babaŋ tsəvay, a da daway a me zəɗey. Arka ndaw ma dala hay, na mezəley ta ma winda ahiya da ɗeriwel ma mendzey kakay, zla da mezley ma bəla ana hay na, a da rəzlata andza a da nəkadama gənaw ana na, hərway ŋga ka key ba daha, ŋga dasakay, amana, a da mawa.

Apokalis 20:1

Arka i ma nəkada madurlam a hərɗawa ha da 'ərlam. Da har aŋga na na, lakile ma babaŋ tsəvay ta megesele me ləhey aha.

Apokalis 20:10

Arka Setene, ndaw ma pafata wuiya na na, ma pamar teker a bəlay ma waw ta burəhway a dəlɓey ndaw ana, ka slam ma gənaw ana ta ndaw sek maləwaɗay ana. Arka na a da kam banay rəpas ta dəvaɗ a dzay, da mevey temere da mevey temere.

Apokalis 6:13

Wurzla ma 'ərlam hay ma kuiyəmawa ka dala, andza ma memeɗ ma mbatsərawa bəzey ma vəɗe hewer marlagway ana.

Apokalis 8:10

Madurlam ma makar ana ma fa tolom aŋga, wurzla ma tek ana ɗuhwa ha da 'ərlam ma kəlawa, ma la waw aha, ma kəlawa ka wayaŋ ɗuhwa na hay ta vəɗiyem hay.

Apokalis 8:12

Madurlam ma faɗ ana ma fa tolom aŋga: tsakay ma makar ana ma me nəkey ma pas, tsakay ma makar ana ma me nəkey ma kiya, tsakay ma makar ana ma me nəkey ma wurzla hay, tek ana ka kəɗata tsoy. Ma təram ləvaŋ aha, tsakay ma makar ana ma rəpas me tərey ləvaŋ aha, dəvaɗ andza ha satsa.

Apokalis 8:2

Arka i ma nəkadata madurlam a hay tsəla ma lətsa hiya ka mey dey ma Bay ma Bəla ana, ma vələmatar tolom hay tsəla.

Apokalis 9:2

Ŋga ma wura mey ma babaŋ tsəvay ana hana na, arka geŋges ma tsəlawa da huɗa, andza geŋges ma kusaf a durzey aha. Pas me tərey ləvaŋ aha, mabaŋ tabiyaha andza ha tsa.