Apokalis 8:7 - MEY HAYNA WAYNA MA YEZU KRISTE MA MEVEY

⁷ Na tsəfəmey ana ma fa tolom aŋga: ndzala, waw ma lahaɗa ha ta mambaz aha ma kuyawa ka dala, tsakay ma makar ana ma bəla me ley waw, tsakay ma makar ana ma vəɗe ma tek hay ma ley waw, arka tek ŋgəɗez ana hay ma lam waw.

Apokalis 8:7 Iomraidhean Croise

Ɗeriwel ma Zak 1:11

Ma vəday ŋga na a da kəley na andza ma meverzey da kusaf. Hərway pas ma sləlawa ta memeɗ kusey na, ka ŋgwalada guzer ba na, meverzey ana a kəley ba, arka tok na, mambay ŋga na dasakay. Ndaw zleley ma ka ha na andza ha tiyatsa, da mber aŋga na hay na, a da səkwey mey na andza ha.

1 Piyer 1:24

Ma winda ha na: hərway slaw vaw tabiyaha na, andza guzer, maram aŋga tabiyaha na, andza meverzey ma guzer ana: guzer ana ka ŋgweley ba na, meverzey ŋga na a kəley;

Apokalis 12:4

Welek aŋga na a kwarsatərawa diya ma makar ana ma wurzla ma 'ərlam hay, ma kuyadatərawa ka dala. Zezekw ana me lətsey ka mey dey ma ŋgwas ana hana na, ma da yey bəzey ana, ma aza ka da yərawa wawa na ba tsana, ka pəɗa ba.

Apokalis 16:2

Arka na tsəfəmey ana ma daway ma batəkwada vəliyem aŋga ka dala; arka mehəsley ma tek ana ndaw a sərada sidem aŋga na kakay, a tsey bəza kakay, ma həslatar a ndaw na ta zeheɗ ma gənaw ana hay, ta ndaw ma namar dəba a mey 'ərdey ŋga na ma ndəra ha na.

Apokalis 16:21

Arka ndzala hay a ləham andza ŋgwa ma kwuiyəmawa da ’ərlam ka ndaw hay, arka ndaw hay ma tsaɗama Bay ma Bəla mavəday ma magədama ma ndzala na, hərway magəda ma na na gəle gədaŋ aha dzay.

Apokalis 6:8

Arka i ma nəkada na, pəles a nəkey andza ɓaslah ɓaslah, ndaw ana ma tsəla ha ka 'arra na a zəlamar: «Memətsey», slam ma ndaw ma tsəvay hay a səpamar aha bəzay. Ma vələmatar slam har ka diya ma faɗ ana ma dala, ma ka bazlata ndaw hay ba ka dala ta maslalam, ta may, ta memətsey, ta gənaw ɗuhwa na me pəɗey slaw ana hay ka dala.

Apokalis 7:1

Arka a dəba na na, i ma nəkadata madurlam hay faɗ, ma lətsaya da tsakay ana faɗ ana hay ma dala, ma zəgadəmata memeɗ a hay faɗ ana ma dala, ma kwa memeɗ ka da fətey ka dala zlay, kwa ka vəɗe ma tek asləta zlay.

Apokalis 9:15

Ma pasəkəmatərawa madurlam a hay faɗ ana hay, ma həla vaw ahiya ka ler ana, ka pas ana, ka kiya na, ka mevey ana ŋga na, ma da mbəzladata tsakay ma makar ma ndaw hay ba.

Apokalis 9:18

Ta magədama ma tek a neney hay makar ana: waw, geŋges ta burəhway ma dəlɓey ndaw ana na, ma vənəhəmawa da mey ma pəles ana hay na, tsakay ma makar ma ndaw hay ma bazlam.

Apokalis 9:4

Ma təkəmata ba ka da ləmamar a guzer ka dala zlay, a tek ma ɗoɗo na zlay, kwa a vəɗe ma tek asləta zlay, amana, ka kəmatar na a ndaw na ta zeheɗ ma Bay ma Bəla ka 'ərdey ta dakay ana hay.