Apokalis 8:5 - MEY HAYNA WAYNA MA YEZU KRISTE MA MEVEY

⁵ Arka madurlam ana ma zəga tek me dərzey tek ana tok, ma rəhada ta waw ma ŋgwa me key kuley ana, arka ma kəladərawa ka dala, a da tərey na, me rəvey ma yam, vəɗe ma ɗay hay, me weteɗey ma yam ta dala ma me ɓəley.

Apokalis 8:5 Iomraidhean Croise

Matiyew 24:7

Hərway ndaw ma dala naŋgar ta ndaw ma dala naŋgar a da vəzam ka vaw. Slala ta slala naŋgar a da vəzam ka vaw. Da slam sa na hay na, may a da key, dala a da dederey.

Mey Hayna Wayna ma Bay Yezu Kriste Luk 12:49

I sawa na ma da kəlaɓa waw ka dala, akwa a saya hana na, waw ana a təɓey aha ka dəba!

Mber 16:26

Dekeslef a da sərafama na, dala ma dederey ma gədaŋ, ha ma ɓəlada bəzay ma 'ay ma daŋgay ana. Arka tsa na, mambaw hay tabiyaha ma wuram, tsalalaw ma ndaw ma daŋgay hay tabiyaha ma pəsəkam.

Mber 4:31

A dəba ma me ɗuley mey ta na, ’ay ana taya tsəha ’ar ahiya da huɗa na me ɓəley; taya ma rəha vaw aya tabiyaha ta Mesəfrey Kokwoɗ ana, taya ma zlamar ma tsam guma ma Bay ma Bəla ndar ndar.

Apokalis 11:13

Da har ana hana tsana, dala me ɓəley ma gədaŋ. Tsakay ma kurow ana ma Wurow ana me mbəzley; ndaw hay gabal tsəla ma bazlam da magədama na. Sa ma ndaw ma zəmawa na hay na, zluwer ma katar na, ma hasəkadəmara bəzay a Bay ma Bəla ma ’ərlam.

Apokalis 11:19

Arka na, 'ay me key kuley ma Bay ma Bəla da 'ərlam me wurey, arka na akwotey ma zeheɗ ma me dzəmey vaw ma ɓawa da 'ay me key kuley ŋga. Arka me weteɗey ma yam, vəɗe ma ɗay hay ma tsənam, me rəvey ma yam, dala me ɓəley, ndzala ma kwiyawa lamba ha.

Apokalis 4:5

Da koriwal ma bay ana na, me weteɗey ma yam ma bəmawa, vəɗe ma ɗay ta me rəvey ma yam ma bəmawa da huɗa. Petərle hay tsəla ta waw ahiya kava, a təɓam aha ka slam ma koriwal ana. Na ŋga na hay na, mesefərey ma Bay ma Bəla na tsəla na hay.

Apokalis 6:12

Arka i ma nəkada: andza ŋga ma hukwa zeheɗ ana ma mukwa na na, dala me ɓəley gegəɓets gegəɓets ma gədaŋ. Pas me tərey zeziŋ aha andza mberwesek, arka kiya kərem tabiyaha andza mambaz.

Apokalis 8:3

Madurlam mekelehe ma sawa me lətsey bəse ta ŋgwa me key kuley, ta tek me dərzey tek me zey hayna ha ma gura da har. Ma vəlamar wurdey hay haɗadzidzay, ma aza ka vəladara a Bay'ərlam, ta me ɗuley mey ma ndaw kokwoɗ ana hay tabiyaha, ka ŋgwa me key kuley ma gura, na ka mey dey ma Koriwal ma bay ana.