Apokalis 7:3 - MEY HAYNA WAYNA MA YEZU KRISTE MA MEVEY

³ «Wam daw ka vaw, mbəkadama ma kamar tek a dala, a bəlay ta vəɗe ma tek hay, amba lakwa ka kafəkwata zeheɗ ka 'ərdey ma gawla ma Bay ma Bəla alakwa na hay na.»

Apokalis 7:3 Iomraidhean Croise

Matiyew 24:22

Hana na ka takətsafama meney ana hay zlay na, ndaw ma da ləhada mendzey ŋga na dakay. Ama a da takətsafama meney ana hay ba na, hərway ma ndaw ma gaɗəma na hay.

Matiyew 24:31

A da sləradata madurlam aŋga hay, ta mezezeŋ ɗuhwa hiya, da tsakay lam hay faɗ ata hiya ka halay ma həzlay ma ’ərlam zla da tsakay naŋgar kasl a naŋgar na, a da tsəhadəmata 'ar ta ndaw aŋga ma gaɗəma na hay.

Mey Hayna Wayna ma Yezu Kriste Zaŋ 12:26

Haɗaw ndaw a wuɗey ma kaya mber na, ka səpaya bəzay, ka slam a ɗaw i kava na na, gawla ma 'ay ɗaw a da key ŋga kava tey. Haɗaw ndaw a kaya ha mber na, Baba a da vəlar a da hasəkadara bəzay.

Mey Hayna Wayna ma Yezu Kriste Zaŋ 3:33

Ndaw ma təɓa seydewe ŋga na na, a ɓada Bay ma Bəla na a tsey dərka.

Romeŋ 6:22

Ama ekəɗey kuray ka ləhəmawa tsoy da meŋgəsey, ma təraya tsoy beke ma Bay ma Bəla ahiya na, ka da yam kava, ma da kəsada ndaw a kokwoɗ, ma da ndakada ŋga na tey na, a mendzey ma ndəvey kakay ana.

Apokalis 13:16

A ndaw hay tabiyaha, ka key na bəza hay, ndaw ɗuhwa na hay, ndaw zleley ana hay, ndaw mbarga na hay, ndaw ma wama 'ar ata na hay dakay beke hay na, a da təkatar ɗay ma katar zeheɗ ka har zəmay dakay na ka 'ərdey.

Apokalis 13:17

Ndaw ana zeheɗ ana ka ŋga dakay na, ɗaɗa a slafa me heɗəkey tek kakay dakay ma haɗəkada tek kakay, haɗaw zeheɗ ma mezəley ma gənaw ana, dakay na, lamba ma mezəley ŋga na na.

Apokalis 14:1

Arka i ma nəkada: Bəzey təɓaŋ ma lətsa ha ka 'ar ma mamba ma Siyoŋ, arka ka tsakay ŋga na na, ndaw gabal temere ta kokurow faɗ kava faɗ ana hay, na ta mezəley ŋga, ta mezəley ma Baba ŋga ma winda ahiya ka 'ərdey ta na hay.

Apokalis 14:9

Arka mekelehe sa, madurlam ma makar ana, ma səpata me ləvey ta magala ha: «Haɗaw ndaw ana ka nar dəba a gənaw ana, a mey 'ərdey ŋga na, haɗaw ka ndzefey zeheɗ aŋga ka 'ərdey dakay ka har na, ŋga na tiyatsa na,

Apokalis 19:2

Hərway sariya ŋga hay na dərka na, dzerey ahiya, ŋga ka kadara sariya ma bordel ana ŋga na ɗuhwa na ba, hərway ka zləgada dala ba, ta bordel aŋga na, ŋga ma madara gandaf aŋga, hərway ma mambaz ma gawla ma 'ay ŋga hay.

Apokalis 20:4

Arka i ma nəkadata koriwal ma bay hay, a ndaw ma səmawa ma da ndzam a huɗa na hay na, ma vələmatar slam har me key sariya. Arka satsa na, i ma nəkadata mezek ma ndaw ana hay ma sləmatara ɗay, hərway ma seydewe ma Yezu ta guma ma Bay ma Bəla ana hay, ta na ma ndaw ka namar dəba a gənaw ana, ta mey dey ŋga na tikay ana hay, kwa ka ndzafam zeheɗ aŋga na ka 'ərdey, kwa ka har tikay ana hay. Taya ma mbələmawa, arka taya ma kam bay andza Kriste da mevey gabal.

Apokalis 22:4

A da nəkadama mey dey ŋga na, arka mezəley ŋga a da key ma winda ha ka 'ərdey ta na hay.

Apokalis 6:6

Arka i ma tsənada vəɗe ma ɗay, da walaŋ ma gənaw ana hana hay faɗ ana, a ləvey: «Zləraway gwada asləta na, sumkwo ma me vekey ma ndaw pal, salaway gwada makar na ka sumkwo ma me vekey ma ndaw pal. Amana, mal ta zom na ka da ləmatar zlay.

Apokalis 7:1

Arka a dəba na na, i ma nəkadata madurlam hay faɗ, ma lətsaya da tsakay ana faɗ ana hay ma dala, ma zəgadəmata memeɗ a hay faɗ ana ma dala, ma kwa memeɗ ka da fətey ka dala zlay, kwa ka vəɗe ma tek asləta zlay.

Apokalis 7:2

Arka i ma nəkada madurlam ana mekelehe a tsəlawa ha da bəzay lam, ma zəga tek me key zeheɗ ma Bay ma Bəla ŋga daha tsoy aha na da har. Ŋga ma wudatar ta magala ha a madurlam ana hay faɗ ma ndzafəmawa slam har ma da key tek haykakay ana, ka dala ta bəlay ana, me ləvey:

Apokalis 9:4

Ma təkəmata ba ka da ləmamar a guzer ka dala zlay, a tek ma ɗoɗo na zlay, kwa a vəɗe ma tek asləta zlay, amana, ka kəmatar na a ndaw na ta zeheɗ ma Bay ma Bəla ka 'ərdey ta dakay ana hay.