Apokalis 4:4 - MEY HAYNA WAYNA MA YEZU KRISTE MA MEVEY

⁴ Koriwal andza ma bay kokurow tsew kava faɗ ma ɗawalama na hana na, da koriwal ana hana hay na, ndaw ma səka na hay kokurow tsew kava faɗ, ma ndza ahiya, ta zana babara ahiya ka vaw, 'ar ata na hay ma vaha ahiya ta gura.

Apokalis 4:4 Iomraidhean Croise

Apokalis 11:16

Ndaw ana ma səka na hay kokurow tsew kava faɗ ana hay, ka slam dey ma Bay ma Bəla ana hay, ma ndzaya ka koriwal ma bay ta hay, ma bərtam ərdey ta ka dala, ma namar a Bay ma Bəla.

Matiyew 19:28

Yezu ma ləvatar «I ɓadakwar dərka na, ta pas ma tek hay tabiyaha ma da mbəɗam waya ahiya na, andza Bəzey ma Ndaw ka da ndzey tsoy ka koriwal ma maram aŋga na, kuray a neney ma səpəmaya bəzay ana hay na, ka da ndzam a koriwal ma bay hay kurow kava tsew tiyatsa, ma da kadatara sariya ma səkway ma bəzey ma Israyel kurow kava tsew ana hay.

Apokalis 4:10

Ndaw ana hay ma səka na hay kokurow tsew kava faɗ ana, ma gərdam ka slam dey ma Ndaw ana ma ndzaha da koriwal ma bay ana. A namar dəba a Ndaw ŋga daha ta dey ma mevey temere ma mevey temere kwaza ha na, a kuyada ma lapan ata, ka mey dey ma koriwal ma bay ana, ta me ləvey aha kava:

Apokalis 7:11

Arka na madurlam hay tabiyaha ma tsəha 'ar ahiya ma ɗawalama koriwal ana, ndaw ma səka na hay ta gənaw ana hay faɗ ana hay, ma burtam 'ərdey ta ka dala ka slam dey ma koriwal ma bay ana, ma səmbərama Bay ma Bəla.

Apokalis 20:4

Arka i ma nəkadata koriwal ma bay hay, a ndaw ma səmawa ma da ndzam a huɗa na hay na, ma vələmatar slam har me key sariya. Arka satsa na, i ma nəkadata mezek ma ndaw ana hay ma sləmatara ɗay, hərway ma seydewe ma Yezu ta guma ma Bay ma Bəla ana hay, ta na ma ndaw ka namar dəba a gənaw ana, ta mey dey ŋga na tikay ana hay, kwa ka ndzafam zeheɗ aŋga na ka 'ərdey, kwa ka har tikay ana hay. Taya ma mbələmawa, arka taya ma kam bay andza Kriste da mevey gabal.

Apokalis 5:14

Arka gənaw ahay faɗ ana ma ləvam: «Amen!» Arka ndaw ma səka na hay ma gərdam ma namar dəba.

Apokalis 5:8

Andza ŋga ma təɓa ɗeriwel ana ba na, gənaw a hay faɗ ana, ta ndaw ma səka na hay kokurow tsew kava faɗ ana, ma nam dəba ka slam dey ma bəzey təɓaŋ ana. Kwa way way ma zəga gandzaval aha da har ta kokwom ma gura hiya ma rəha ha ta wurdey, na ŋga na hay na, ma ɗula mey ma ndaw Kokwaɗ ana hay.

Mey Hayna Wayna ma Bay Yezu Kriste Luk 22:30

Kəɗey tok na, ka da zəmam tek, ka da sam tek, ka slam a ɗaw me zəmey tek, da Slala ɗaw. Ka da ndzam ka koriwal ma bay hay, ma da key sariya, ma səkway ma Bəzey ma Israyel kurow kava tsew ana hay.»

2 Timotey 4:8

Zla ekəɗey na, tek ma sise ma dzerey ɗaw a hutaya ha, na Bay’ərlam ma da vəlaya andza masa ha na. Ta pas ana ŋga na na, ŋga ndaw ma sariya dzerey ana; a da vəlaya na a yah asləta tsa kakay, amana, a ndaw hay tabiyaha, ma wuɗəmawa me hutey pas ana ŋga na, da ma ɓey vaw ana.

Apokalis 19:4

Ndaw ana ma səka na hay kokurow tsew kava faɗ ana, ta gənaw ana hay faɗ ana hay ma gərdam. Ma namar dəba a Bay ma Bəla ma ndza ha ka koriwal ma bay ana, ta me ləvey aha: Amen! Aleluiya!

Apokalis 7:9

Arka a dəba na na, i ma nəkadata ndaw hay ma kusa hiya vam vamma, ndaw a slafa ma mbəsley kakay, ndaw ma dala hay tabiyaha, ma me Səmbərey hay tabiyaha, ma səkway hay tabiyaha, ma mey hay gəle gəle tabiyaha, taya ma lətsa hiya ka slam ma koriwal ma bay, ka mey dey ma Bəzey təɓaŋ, ma pa kelmedzey ahiya babara ahiya ka vaw, ta ɓaslah ma təɓah ahiya da har.

Apokalis 19:14

Sidzew ma 'ərlam hay tabiyaha a səpamar aha bəzay, ma tsəla hiya ka 'ar ma pəles babara ahiya, ta zana ma suwal babara ahiya tsəzlakka.

Apokalis 6:11

Arka ma vələmatar kelmedzey babara ha ka ndaw ka ndaw, arka ma ləvəmatar ka hutam nekəɗey ɗagay, ha ka ndaslam ba tərre andza ma mandala ta, ma kam mber dzaya na hay ta malam ata na hay ba ɗagay, na ma da sləmata vagay ahiya andza taya na.

Apokalis 9:7

Dzaray ana hay a nəkam andza pəles ma dzuwa vaw ahiya tsoy ma da key vərom, ka 'ar ata na na, ka ley andza lapan ma gura, mey dey ta na hay na, andza mey dey ma ndaw hay.

Apokalis 2:10

Ka banay ɗek ma da key ana na, ka da wesey zlay: nəkafa Sataŋ a da kuyey ndaw hay da walaŋ a kwar a daŋgay, ma aza ka həlafakwar suwet, da dəvaɗ kurow na a həlafəmaka suwet. Tsəney sləmay kasl a memətsey, i da vahaka ’ar ta mendzey hayna.

Apokalis 3:18

Guma ɗaw ma tsaka a 'ar na, sawa a 'ay ɗaw ana da haɗəkaɓa gura na ma ŋgəza ha da waw ana, ma ka kadaka zleley, arka ta zana babara hiya ha da pey ka vaw, ma aza vaw ɗek ana tetez ana, ka da bawa ma da kaka hwaray sazlay. Arka aza ekəɗey sidem, aza ha fəɗey ka dey, aza ha da nəkada dey ɗek.

Apokalis 4:6

Ka mey dey ma koriwal ana na, bəlay ma yam ma tek ana daha, a wezley dey andza zay pas. Da wuzlah ma koriwal ma bay ana na, ma ɗawala ha ta gənaw hay faɗ, vaw ta hay tabiyaha ya dey ahiya, ta mey dey ta dəba adzay.

Apokalis 5:6

Arka i ma nəkada da wuzlah ma koriwal ana ta gənaw ana hay faɗ ana, da 'ərev ma ndaw ma səka na hay, Bəzey təɓaŋ ma lətsa ha, a nəkey andza ma slaha ba ma kuley. Dərom aŋga hay tsəla ta dey ahiya tsəla, na ŋga na hay na, mesəfrey ma Bay ma Bəla hay tsəla na ma sləram ka dala tabiyaha na.

Apokalis 5:11

Arka na i ma nəkada: arka i ma tsənada vəɗe ma ɗay ma madurlam hay haɗadzidzay, ma gənaw hay ta ndaw ma səka na hay, ma lətsaya teleleview ka slam ma koriwal ma bay ana. Taya ka slam ana a kam gabal haɗadzidzay, kwa a mbəsley vaw kakay.

Apokalis 14:3

A kəlam aha walay waya ha ka mey 'ərdey ma koriwal ma bay ana, ka mey 'ərdey ma gənaw ana hay faɗ ana, ta ndaw ma səka na hay. Kwa ndaw a slafa ma tatəka walay ana kakay, dakay na sey ndaw ana hay gabal temere ta kokurow faɗ kava faɗ ana hay, na ma mbəɗəmatərawa ka dala na hay.