Apokalis 4:2 - MEY HAYNA WAYNA MA YEZU KRISTE MA MEVEY

² Arka tsa na, Mesəfrey ana ma zəgaya, arka i da nəkada na, Koriwal ma bay ma pa ha da 'ərlam, arka ndaw mandza ha ka koriwal ana.

Apokalis 4:2 Iomraidhean Croise

Matiyew 22:43

Yezu ma ləvatar: «Azlakwa David ana ta gədaŋ ma Mesəfrey Kokwoɗ ana na, a zəla: Bay’ərlam, na teŋgey seŋgey? Ŋga me ləvey:

Ebrew 8:1

Arka tek andza ɗuhwa ha da bəzay ma guma lakwa neney na, na ŋga lakwa na, baba ɗuhwa na me key kuley ana andza na ŋga na na. Ŋga na ma ndza ha ta har zəmay ma koriwal ma Bay Ŋgalaka na da 'ərlam ana.

Apokalis 1:10

Mesəfrey ma fuləkwaya a vaw ta pas ma Bay’ərlam, arka i ma tsənada vəɗe ma ɗay a tsəney gədaŋ aha da dəba ɗaw, andza keley tolom.

Apokalis 12:5

Ŋga ma yawa bəzey, wawa mawal aha, ma da tsəkurata ndaw ma dala hay tabiyaha, ta tapay ma ɓərey na ŋga. Ma tsakafama wawa ŋga na ba ka slam ma Bay ma Bəla ta koriwal ma bay ŋga.

Apokalis 17:3

Arka ŋga ma zəga mezek a ɗaw, ma dada a palah, arka i ma nəkada ŋgwas ana daha ma ndza ha ka 'ar ma gənaw gagaza ha, mezəley ma me tseɗey Bay'ərlam ma winda ha ka vaw ŋga na tabiyaha, 'ar ma gənaw ana hay tsəla, ta dərom ahiya kurow.

Apokalis 19:4

Ndaw ana ma səka na hay kokurow tsew kava faɗ ana, ta gənaw ana hay faɗ ana hay ma gərdam. Ma namar dəba a Bay ma Bəla ma ndza ha ka koriwal ma bay ana, ta me ləvey aha: Amen! Aleluiya!

Apokalis 20:11

Arka i ma nəkada koriwal ɗuhwa ha ma bay, babara ha, ta ndaw ana ma ndza ha da huɗa: ka slam dey ŋga na na, dala ta ndasl ma 'ərlam ma hwam na slam ata na a pətsey guzer kakay.

Apokalis 21:10

Ma zəga mezek a ɗaw ka 'ar ma mamba ɗuhwa ha, sololo ha, arka ŋga ma ɓafaya ka wuraw Kokwaɗ ana, Zeruzalem, a hərɗawa ha da 'ərlam ka slam ma Bay ma Bəla.

Apokalis 21:5

Arka ndaw ana ma ndza ha ka koriwal ma bay ana me ləvey: «Nəkafama i key tek hay tabiyaha waya ahiya.» Arka ŋga me ləvey: «Windey: Guma neney hay na, ɗerre dərka na»

Apokalis 3:21

Ndaw ana ma zəga 'ar ma sleɗ ana na, i da vəlar me da ndzey a koriwal ma bay ɗaw ta yah. Andza na ŋga ɗaw, i ma zəgərawa 'ar ma sleɗ ana tiyatsa na, arka i ma daway ma da ndzey ta Baba ɗaw, ka koriwal ma bay ŋga.

Apokalis 4:10

Ndaw ana hay ma səka na hay kokurow tsew kava faɗ ana, ma gərdam ka slam dey ma Ndaw ana ma ndzaha da koriwal ma bay ana. A namar dəba a Ndaw ŋga daha ta dey ma mevey temere ma mevey temere kwaza ha na, a kuyada ma lapan ata, ka mey dey ma koriwal ma bay ana, ta me ləvey aha kava:

Apokalis 4:5

Da koriwal ma bay ana na, me weteɗey ma yam ma bəmawa, vəɗe ma ɗay ta me rəvey ma yam ma bəmawa da huɗa. Petərle hay tsəla ta waw ahiya kava, a təɓam aha ka slam ma koriwal ana. Na ŋga na hay na, mesefərey ma Bay ma Bəla na tsəla na hay.

Apokalis 4:9

Andza gənaw ana hay a hasəkadəmara ha bəzay, a səmbərama ha, a ma dəmara ha sise a Ndaw ma ndza ha da koriwal ma bay ana, a Ndaw aŋga na ta dey ana ka mevey temere ka mevey temere na.

Apokalis 5:1

Arka i ma nəkada ɗeriwel da har zəmay ma ndaw ana, ma ndza ha ka koriwal ma bay ana. Ɗeriwel ana ma winda ha da huɗa na, ta dəba na dzay, ma wuɗa ha, ma slərɓa ha ta ndepeɗ slam tsəla.

Apokalis 5:13

Arka tek na ma ka ahiya tabiya ha da 'ərlam ana, ka dala, da tsəvay ta ka 'ar ma bəlay ta tek na da huɗa na hay tabiyaha, i ma tsənada a tələkam aha mey a ləvam: «A ndaw na ma ndza ha ka koriwal ma bay ana, ta bəzey təɓaŋ ana satsa na, ka ndzafam ma Səmbərey ma hasəka bəzay, me wezley dey, bay da mevey temere da mevey temere»

Apokalis 6:16

A ləvəmatar a mamba hay ta hwatakwam hay: «Mbəzləmawa ka la, kəzladəmandar ba dəreŋ ta mey dey ma ndaw ana ma ndza ha ka koriwal ma bay ana, dəreŋ ta mevel ma tsar ma bəzey təɓaŋ.