Apokalis 2:7 - MEY HAYNA WAYNA MA YEZU KRISTE MA MEVEY

⁷ Ndaw ana sləmay ŋga daha na, ka tsənada tek ma Mesəfrey ma ləvatar a Egliz hay. A ndaw ma zəga 'ar ma sleɗ ana na, i da vəlar tek me zəmey ma bəzey ma vəɗe ma tek ma mendzey da Slala hayna ma Bay ma Bəla.»

Apokalis 2:7 Iomraidhean Croise

Matiyew 11:15

Kendzey sləmay ma ndaw ana daha na, ka tsənada!

Matiyew 13:43

Arka ndaw dzerey ana hay tok na, a da wazlam dey andza pas da Slala ma Baba ta. Ndaw ana sləmay ŋga daha na, ka tsənada!.»

Matiyew 13:9

Kendzey sləmay ma ndaw ana daha na, ka tsənada!»

Mark 4:9

Arka Yezu me ləvey: «Haɗaw sləmay ma ndaw ana ma tsənada daha na, ka tsənada!»

Mark 7:15

Tek ma daɓa da bəla a vaw ma ndaw na, a zləɓada ndaw kakay. Ama tek na, ma bawa da vaw ma ndaw ana na, nəkafa ma zləɓada ndaw na, ŋga tok.» [

Mark 7:16

]

Mey Hayna Wayna ma Bay Yezu Kriste Luk 23:43

Yezu ma mbəɗar kava: «Dərka na, i ləvaka, teseɗey ana deŋe na, ka da ndzama ta yah, da Slala hayna.»

Mey Hayna Wayna ma Bay Yezu Kriste Luk 8:8

Sa ma haləfaw ana ma kuyafa ka dala hayna tok, ma pətsawa, me gəley, me nəhey kava temere.» Arka na Yezu me tələkey mey: «Ndaw ana sləmay ŋga daha na, ka dzəkey sləmay na, ka tsənada!»

Mey Hayna Wayna ma Yezu Kriste Zaŋ 16:33

I tsadakwar a neney na, ma ta yah na, kuray ka da ndzafam zozoy. Da mendzey ma bəla neney na, ka da ndzam da mevel, amana, səmam vaw, i ka zəga 'ar ma sleɗ ba ka bəla.»

1 Korintieŋ 2:10

Akwa na, Bay ma Bəla a da ɓadandar ta Mesəfrey na a la, hərway Mesəfrey na, a sasəkata tek hay tabiyaha, kwa tek na ma kəzla ha ma Bay ma Bəla na siom ana na.

2 Korintieŋ 12:4

Ndaw ana ŋga na na, ma tsakafama a slala hayna, arka ŋga ma tsənadərawa guma na me təkərey vaw kakay ana hay, slam har ma ndaw ma slafa ma mada me tsey kakay ana.

1 Zaŋ 2:13

I windadəkuraɓa baba hay: «Ka səradama ha Ndaw ana zla da mezley ana.» I windadəkuraɓa gawla hay: «Kuray na ka fənamar 'ar ba a Ndaw hayakakay ana.»

Apokalis 13:9

Haɗaw ndaw ana sləmay ŋga daha na, ka tsənada!

Apokalis 14:13

I ma tsənada vəɗe ma ɗay me tsəney da 'ərlam, me ləvey: «Windey: ndaw ma mətsam zla ekəɗey da mezəley Bay’ərlam ana hay na, taya da wuiya! Mesəfrey ana me ləvey: Ayaw, ka sasəkam vaw da meslərey ta ger ana hay, hərway tek ata ma kəmaɓa na hay a səpa ta ha.»

Apokalis 15:2

Arka i ma nəkada malam ma tek ana andza ma dzahaɓa ha ka vaw ta waw aha. Ndaw ana hay ma zəgafama 'ar ma sleɗ ba ka gənaw ana, ka mey 'ərdey ŋga na, ta lamba ma mezəley ŋga na hay na, ma lətsa hiya ka bəlay ma malam ana, ta gandzaval ma Bay ma Bəla ahiya da har.

Apokalis 2:11

Ndaw ana sləmay ŋga daha na, ka tsənada tek ma Mesəfrey ma ləvatar a Egliz hay. Ndaw ana ma zəga 'ar ma sleɗ ana, a da key aha tsetseh da memətsey ma tsetsew ana sakay.

Apokalis 2:17

Ndaw ana sləmay ŋga daha na, ka tsənada tek ma Mesəfrey a neney ma ləvatar a Egliz ana hay. A ndaw ma da zəga 'ar ma sleɗ na, i da vəlar Man ma kəzla na, i da vəlar ŋgwa babara na, arka ka ŋgwa na hana na, mezəley waya ha ma winda ha kava, ndaw a sərada mezəley ana dakay, sey ndaw ana ma təɓa na.

Apokalis 21:7

Ndaw ma da zəga 'ar ma sleɗ ana na, a da zəma zleley ana, i da tərey Bay ma Bəla aŋga ha, ŋga tey a da tərey bəzey ɗaw aha.

Apokalis 22:14

Taya da wuiya ndaw ana hay ma pərəmata kəlmedzey ta hay ba, ma da ndzafam slam har ka me zəmey bəzey ma vəɗe ma tek me vəley mendzey ana, arka ma da fuləkwam ta mambaw a wuraw ana na.

Apokalis 22:17

Mesəfrey ta kokwa na a ləvam: Sawa! Hayna ndaw ma tsənada na ka ləvey: Sawa! Haɗaw ndaw ana yam a harta ha na ka sawa. Ndaw ana me wuɗey ana na, a ndzefey yam me vey ana ma hayaha.

Apokalis 22:2

Da wuzlah ma slam me tsəhey 'ar ma wuraw ana, ta me wenəkey ma wayaŋ ana da vaw tsew na, vəɗe ma tek me mendzey ma pətsa ha, a yey dey kurow kava tsew, ka kiya ka kiya na a yey bəzey, arka ɓaslah aŋga na na, a nefey ma ndaladata ndaw ma dala hay.