Apokalis 2:2 - MEY HAYNA WAYNA MA YEZU KRISTE MA MEVEY

² «I səradata meslərey ɗek me key hayna hay, mber eɗek ta matandəroŋ eɗek, arka na ka slafa ma wuɗafa dey ka ndaw seweɗ kakay. Ndaw ma təradama vaw ta, ka ləva taya maslaŋ ahiya na hay, azlakwa zlay ana, kah ka həladatara suwet ata na ba, arka ka da ndzafata na ndaw maləwaɗay ahiya.

Apokalis 2:2 Iomraidhean Croise

Matiyew 7:23

Arka i da ləvatar: ‹Ɗaɗa i ka səradəkurawa tikay; kəmaya vaw ba ka tsakay ɗaw, kuray a neney ma kam tek haya kakay ana!»›

Mey Hayna Wayna ma Yezu Kriste Zaŋ 6:6

A tsey andza ha na, a key na a həlar suwet zləna, ŋga na na, a sərada ha tek aŋga na ma da key ana.

Galat 1:7

A-'ay akwa mekelehe na dakay; daha na, ndaw ma dzoŋgufəmakwar ’ar ana hay, a wuɗam na, ma mbəɗadama Mey Wayna ma Kriste ba.

Efeziyeŋ 4:14

Kəɗey na, i da kakwama na, andza wawa hay sakay, lakwa ma dawaraya so ha, ta me tetəkey na ma dahəɗata ndaw andza memeɗ ana, ta ma kadəmata wasa ta ndaw hay, ta wewer a ta na ma zləgaɗəmata ndaw hay a tek hay ana.

1 Tesalonisieŋ 1:3

La sərafama ka me pey 'ar a kwar da tek a kwar ma kam, da ma wuɗa vaw, da ma vəlada vaw me key viya hərway ma ndaw hay, da me pey dey kwar ta matanduroŋ aha, da Bay’ərlam a lakwa Yezu Kriste, ka slam dey ma Bay ma Bəla Baba lakwa.

1 Tesalonisieŋ 5:21

Sasəkamata tek hay tabiyaha, wafəmata vaw ka na hayna hay.

2 Timotey 2:19

Kwa teŋgey teŋgey na, bəzay ma 'ay ana Bay ma Bəla ma pa gədaŋ aha na na, ŋga daha təŋga. Zeheɗ aŋga ha na, guma neney: Bay’ərlam na, a səradata ndaw aŋga hay, arka satsa: kwa way way ka zəley mezəley ma Bay’ərlam ba ka vaw na, ka gurey ba dəreŋ ta meŋgəsey.

Ebrew 6:10

Akwa na, Bay'ərlam na dzerey aha kakay tikay, a slafa ma mətada 'ar ta mber a kwar, ta ma wuɗa vaw ana kuray ma ɓadama da mezəley ŋga na kakay, da ma vəladama vaw kwar ma katar meslərey a ndaw Kokwaɗ ana hay, zla da mezley ana, ha kasl ekəɗey ana na, a mətada 'ar kakay.

1 Zaŋ 4:1

Dzam a ɗaw hay, ka da pam 'ar ka mendzey ma mesəfrey hay tabiyaha tsa zlay, amana həlafəmata suwet ka mesəfrey ana hay ba ɗagay, ma səradata taya na ma Bay ma Bəla ɗaw, hərway ndaw sek maləwaɗay ana hay, ma pa mey ahiya ka bəla kambəlaɓa.

Apokalis 2:5

Hayna sərafa tok na, ka təɗawa na ka waray? Mbəɗada mendzey ɗek, arka na kata meslərey ɗek a zlekete na hay. Dakay na, i da daɓa ta tsakay ɗek, haɗaw ha mbəɗada mendzey ɗek kakay na, i da tsəkwa tek me key waw eɗek ana ba ka slam ŋga.

Apokalis 2:6

Amana tek asləta daha a vəlaka ha metefes: meslərey ma ndaw ma Nikolayite hay ma kam na, a dəmaka 'ar kakay kal kal andza yah ana.

Apokalis 2:9

I sərada ha suwet eɗek ma həlafəmaka na hay, kah na mbarga ha, amana kah zleley aha. Ka me ŋgəley bəzay ma ndaw ma təradama vaw ta Zuif ahiya na hay, amana taya Zuif ahiya kakay, me tsəhey 'ar ata na na ma Sataŋ.

Apokalis 3:1

Windar a madurlam na da Egliz ma Sard ana, ndaw ta mesəfrey ma Bay ma Bəla hay tsəla na, ta wurzla hay tsəla na, a ləvey na andza neney: I səradata ha meslərey ɗek hay, a hikadama ha mezəley ɗek waya kah ta dey, ama azlakwa zlay kah ma mətsa ha!

Apokalis 3:15

I səradata tek eɗek me key ana hay: kah ma tasla ha kakay, kah waw ka vaw aha kakay. Ŋgama hana na kah ka key na ma tasla ha, dakay na ta waw aha ka vaw!

Apokalis 3:8

I sərada ha mber a ɗek hay, nəkada i me pey mambaw ma wuraha ka slam dey ɗek, ndaw ma slafa ma wuɗada dakay. Gədaŋ a ɗek ana na, nekəɗey dada, amana, kah ka zəgada guma ɗaw ba, kwa kah ka mbəɗar mey a mezəley ɗaw kakay.